قصيدة سنة الطبعه للشاعر ناصر بن حماد

[سندباد الخليج]

هذه القصيده قالها الشاعر ناصر بن حماد من بلدة مصده من قبيلة الوهبه التميميه قالها وقد الجأته ظروفه ليركب البحر فحدث ان طغى الموج واودى بحيات كثير من السفن ومات فيها خلق كثير وذلك بتاريخ 21/3/1343هـ


قصيدة الطبعة

انا ما تهيا لــي بعمري وهالنــي ___وقع ليلة يقلب شعرمن حكابها

يومٍ على الربيل تطبع به الخشب __كمٍ غافل جت قدرته
مادرابها

ظربنا نصف الليل نصف من الشهر __شهرنا ربيع اول بعدة حسابها

دالـوب غربــيٍ من الله مدّبــر ___ثلاث ساعات ينفض ربابها

ولي ضرب بالموج موجه يشـيلنا ____وشفنا الهوايل يوم زاد
اقتلابها
في غبةٍ والموج يركب الــدقل_____ يومٍ هدير القوع يقلـــب ترابها

تفرقو من غير عقــــدٍ وجــيره ____وابفوسهم الي ما يعدد حسابها

كم جالبوتٍ في اول الموج شمرت __وضاعت جوازيها وقصت خرابها

ياما غدابه من صبي وشــــايب _____ومن نوخذٍ غالي ومالٍ غدابها

أهل الكباير عــــمها الله بذنبها __جمعها بوسط الهير واذهب ذهابها

ولو ان ولي العرش زاد بدقيقه___ مــا راح منهم مـــن يرد بجوابها

مير انزل الرحمه وشرد عشيرها ___وتسع سهومٍ راح فيها ومابها

لاهوش غلمانٍ نهوش ونمتنع ______ولا قارةٍ في البر تزبن هضابها

وفي راس تنوره يدفن جنايز _____وفي كل سيِفٍ يذكرون الغثابها

وخلاف ذايا راكبٍ فوق حره ______عملــية ناقينا مــن ركــــــابها

وأدخل عليها السوق واشتر شدادها ___وخفف عليها لاتثقل زهابها

أشتر عقيلي وانطع وجاعد ______مع بدرة يسقا من الماء شرابها

خله مع الطاروق تظربك الخلا ______مع عبلةٍ خد تطارد سرابها

ملفاك نجدٍ مغيرة كل منكر _______قوامها للدين تهفي رقابها

يجيك كل مشوربٍ يطلب الخبر ___ينشدك عن الطبعة وش الي
جرابها
ينشدك ونابه غايصٍ في بهامه _____وصدره مقابيسه تواقد لهابها

وكم عيطموسٍ تنثر الدمع عينها ____من عقب الثمد والطرب في
خضابها
طوت ياسها عقب الرجا من حليلها ____ومن حبها شمل الموده
لجابها
تبكي عشيرٍ مرماتٍ علومه _____وتبكي وهي ماقلبت في ثيابها

إن طاولت جينا وشافو وجيهنا _____وانفوسنا الوالي على مانوابها

تمت وصلى الله على سيد البشر ___واعداد ما جر القلم في كتابها



اخواني استبيحكم العذر إن وجد خطأ غير مقصود ارجو التنبيه .. القصيده نقلت كما وردتني من احد كبار السن .

[شقير]

نشكرك على القصيده المشهوره لشاعر الطبعه التي استشهد فيها الكثيرمن اهل نجد وكم تمنيت ان تكون صوتيه

[هميم 1]

حياك الله يا سندباد الخليج وحي ما جبت تشكر على نقل هذي القصيدة المتميزة من أحد أفواه الرواة
ويكفي أنها صدرت من أحد أولئك الذين عايشوا الحدث
وياما مر على شيبانا الي راحو الخليج من مواقف صعبة ولكن الي حصل لهم في تلك السنة سنة الطبعة كان من أشدها خسارة في الأرواح والأموال

[ابو نجود]

جزاك الله خير على هذه القصيدة والتي ابحث عنها من مدة..
ابو نجود..

[عبدالرحمن 1]

لا هنت اخوي بس فيه بعض الا خطى استسمحك اعدلها
وخلاف ذايا راكبٍ فوق حره __عملــية (ناقينا) ناقينها مــن ركــــــابها


كم جالبوتٍ في اول الموج (شمرت )(سمرت)__وضاعت جوازيها وقصت

أشتر عقيلي وانطع وجاعد ______مع بدرة (يسقا)قيسك من الماء شرابها


طوت ياسها عقب الرجا من حليلها _ومن حبها (شمل) سمل الموده لجابها

تبكي عشيرٍ (مرماتٍ)مرمسات علومه_وتبكي وهي ماقلبت في ثيابها

وتقبل تحياتي

[ضباب الوسم]

مشكور على الجهد والعمل والمعلومة

[هايجكس]

مشكور وماقصرت...

[مقند الكيف]

تسلم على القصيده الطيبه

[الادهس]

بيض الله وجهك ان شاء الله نحاول نجيب المقطع صوتي