مكشات عنيزه
01/08/2007, 02:34 PM
السلام عليكم ورحمة الله وبركاته
إخواني يا أهل مكشات كان يجب علي أن اكتب هذه الأسطر داخل احد المواضيع لكن نظرا لطول هذه الأسطر وماسوف أفصل فيها لأدع القارئ يعيش داخل أجواء هذه الأسطر على قدر مهارتي في السرد مع العلم أني لست بارعا في هذا المجال لا أريد أن أطيل عليكم وسف اكتب بالعامية ليعطي شيئا من المرح عند القراءة لكن قبل أن اكتب سوف أزودكم بفكره عامه عن محتوى الموضوع ألا وهو رحلة قصيرة مع بعض الأصدقاء وهدفي من ذكرها لكي لا يقع غيري بالخطأ الذي وقعت به أي لأخذ العبرة وفصلتها لأعطي المتعة للقارئ وسوف ألخص الأخطاء بعد انتهائي من كتابة القصة وبسم الله نبدأ:
كنا قاعدين انا والشباب وكان عددنا 7 اشخاص بمجلس ضحك وكهكه وشوي لعب سوني وعطينا البلوت نصيبه من هالمجلس المهم صرخ واحد قال لقيته ياعيال قلنا عسى ماشر وشبك عسى ما ضاعلك شي قال لا بس عز الله اني لقيته يالله يبن الحلال انجز علينا تراك هبلتنا وش عندك قال وراه ما نكشت بصعافيق وكان (هذا الكلام بشهر12 عام 1427 يعني تقريبا قبل 7 اشهر) ولا نطول بكشتتنا (قال كذا لاننا كنا مخططين نكشت بالشمال بس مارحنا لارتباط اكثرنا) قلنا عزالله انك صادق جبته طيب متى و وشلون اهم شي اننا حددنا اليوم وحددنا المواتر والقطه وجا اليوم ودق على فلان وقوم فلان ولاتنسى يافلان اهم شي تجمعنا وكان معنا عزبه كامله وكانن المواتر شروكي وهايلكس يالله والمين بسم الله ومشينا وسفطنا على حدا المحطات الي على الطريق وعبينا بنزين و شرينا بعض الاغراض وحركنا ودخلنا صعافيق وأول شي نزلنا وكلن مسكله كفر ونزلنا الكفرات ودخلنا وندلج يمين يسار ارق انزل قاعدين ندور مكان به خضار بسيط وكله ساعه الاربع وحنا موقفين ونزلنا وكلن مسكله شي الي يفل والي ينزل العزبه واللي يشب على المعاميل وقعد واحد يحوف الفطور ونفطر ثمين قعدنا نتقهوا وكان الجو ما عندك ازين امنه لاهو برد ما يخليك تقر بمكانك ولاهو دف يغثك كان ماشاء الله وزنه الجو وخذ من التعليق والضحك والوناسه وتخطم احيانا دباشه بس تراه شويه بالحيل المهم ملينا من القعده قلنا وش نزين قال بعضنا ندور شوي بالسياره وقال الثاني نتمشى على رجليننا اهم شي صفينا بعضهم راحوا يتمشون بالسياره والثانين على الرجلين ونا منهم لاني والله احب دايما تطليق الرجول والحمد لله كلنا مستانسين ومال للشيطان درب وكله ساعه ولانا متجمعين وسواليف شوي وصلينا الظهر ويالله من عليه الطبخ قلت هالطلعه علي الطبخ وافتح العزبه وكله نصف ساعه ولاي كاتم على اللحمه ويوم فكيت الغطا وكب الرز جيت ابشب على الدافور ياولد يمين يسار ولاوه مابه غاز ومن هالساعه بدت الحواسين قلت تبون لحمه مع خبز الصبح ولا تبون اطبخ على الضو وتراي ما عمري جربت قالوا الجوعان يبي ينعمي اذا شاف الاكل اطبخ على الضو بس قلت بسم الله وأطبخ على الضو ويطلع هاك الرز الي ما عندك ازين امنه طبعا صدفه وتغدينا وشبينا على المعاميل ولاوه حول اذان العصر وتوضينا ودخل الوقت وصلينا وقعدنا انتقهوا وخذ من هالسواليف وبدا يبرد الجو المهم بدت تغرب قلت لهم تبون نصلي العشا ونمشي ولا نصلي المغرب ونمشي قالوا دايخين وشف متى يبيلنا علشان ناصل الخط ثمين ناصل ابيوتنا خل بس نمشي قلت براسكم اهم شي ظفظفنا عفشنا وحمينا المواتر( وابي الي يقرا يحمي معي شوي لانه هنا مربط الفرس) مشينا والحمد لله طريق النكسه عرفناوه بس كان صعب شوي وكان الجزء الاخير هو الي عليه العلم (دور الي يسوقون هناك تبقش علومهم هناك) ابعطيكم وصف لهذا الجزء اقرب شي له طبعا تشبيه مهب حقيقه اقرب شي له كان مصيده كبيره فوق ما تصورما شاء الله نفود هذي المنطقه ما تشوف أخره من رفعه وتقل جدار وكان بوسط هذي المنطقه طبعا هي جايه تقريبا على شكل بيضاوي نفد اصغار معترضات فكانت تقل مجزأه لنقر وكان النقره الاخيره اذا طلعت منه شوي ونت عند الخط توكلنا على الله ومشينا وطبعا اظلم الجو وصلنا النقره الاخيره قعدنا نشوف يمين يسار قدام ولاهن جدران ياترقا ولا ترجعا مع اللي جيت معه ولا فيه مساحه علشان تاخذ عزم جا راعي الهيلكس ورقا يسار وديور وشد عزم بالنزول ورقا المرقا الي قدامه وهو ماشاء الله يسوق جا الشروكي وكان توماتيك ومحمل 5 اشخاص والعزبه جرب مره مرتين خمس قلناله اوقف وخل ننزل علشان نخفف على الموتر ورح انت وجرب وفعلا نزلنا وراح شد عزم طبعا رقا ربع النفود المقابل بالريوس يوم حطه بالدي وداس ولا تحرك تقل بالفاضي حاولبه مافاد عي يتحرك صوتلنا نزلناله ونزل راعي الهيلكس ونشوف وش السالفه خبرتنا بالميكانيكا بسيطه رقيت النفود على رجليني لما جا الإرسال ودقيت على واحد اعرفه وقالي الشروكي اذا نقص ماء الرديتر وإحتما به حساس يفصل القير علطول لما يبرد وفعلا فكينا غطا الرديتر ولاوه ناقص قلنا نبي ماء منين وأثرنا ناسين جيك ماء بمكشاتنا الي قعدنابه ويروح اثنين لمه ويجيبونه وعبيناوه ولا فاد ياولد وش السوات كان اقرب ديره لنا المذنب مع انه تعتبر بعيده قلنا يروح ثلاثه يجوبون ميكانيكي ويقعد الباقين راحوا وكان الجو بارد بالحيل ولازم نقعد فوق علشان الإرسال ورقينا وقعدنا فوق وكانت الساعه تسع وربع وكان معنا ثلاث جوالات وبطارياتهن حول قضيه قلنا نحول اثنين لجوال واحد ونصكهن وهذا الي صار ونقعد الى الساعه 11.30 وجو ربعنا من المذنب وجاي معهم موتارين من عنيزه باترول ربع وشروكي قلنالهم وين الميكانيكي قالو قلناله السالفه وقال لازم يجي للورشه يبيله شغل ودقينا على ناس نعرفهم وما قصرو وجو، به واحد من الي جو له بالمكنيكا قال يمكن الدبل مفضي أوصلب على الفاضي ولا انطلق مسمار وبتل مفضي وشاف وطلع الدبل تمام قلنا مالنا إلا السحب ونربطه بالباترول ونحاول نرقا النفد المعترضه الصغار حاولنا بالاول وياله ياله رقاوه حاولنا بالثاني ومره عي يطلعه منه والنقره هذي مابه ارسال فكانت مهمة راعي الشروكي يودينا للنقره الاخيره ويرقابنا النفود علشان نكلم لأن به واحد نعرفه معه لاندكروزر ربع يبي يجي من عنيزه ،وشبينا ضو لأنه برد بالحيل وقعدنا يوم صارت الساعه 2 بالليل جا راعي الربع وحاولنا نسحبه رافض انه يتحرك من هالنقره حنا ايسنا وغيركذا دايخين بالحيل باقي كم ساعه ونكمل 24 ساعه صاحين قلنا نرجع لعنيزه ومن اصبح افلح ورجعنا لعنيزه وخلينا الشروكي ودخلنا عنيزه حوالي الساعه 3.30 الفجر
ارجو عدم الرد للموضوع بقيه
إخواني يا أهل مكشات كان يجب علي أن اكتب هذه الأسطر داخل احد المواضيع لكن نظرا لطول هذه الأسطر وماسوف أفصل فيها لأدع القارئ يعيش داخل أجواء هذه الأسطر على قدر مهارتي في السرد مع العلم أني لست بارعا في هذا المجال لا أريد أن أطيل عليكم وسف اكتب بالعامية ليعطي شيئا من المرح عند القراءة لكن قبل أن اكتب سوف أزودكم بفكره عامه عن محتوى الموضوع ألا وهو رحلة قصيرة مع بعض الأصدقاء وهدفي من ذكرها لكي لا يقع غيري بالخطأ الذي وقعت به أي لأخذ العبرة وفصلتها لأعطي المتعة للقارئ وسوف ألخص الأخطاء بعد انتهائي من كتابة القصة وبسم الله نبدأ:
كنا قاعدين انا والشباب وكان عددنا 7 اشخاص بمجلس ضحك وكهكه وشوي لعب سوني وعطينا البلوت نصيبه من هالمجلس المهم صرخ واحد قال لقيته ياعيال قلنا عسى ماشر وشبك عسى ما ضاعلك شي قال لا بس عز الله اني لقيته يالله يبن الحلال انجز علينا تراك هبلتنا وش عندك قال وراه ما نكشت بصعافيق وكان (هذا الكلام بشهر12 عام 1427 يعني تقريبا قبل 7 اشهر) ولا نطول بكشتتنا (قال كذا لاننا كنا مخططين نكشت بالشمال بس مارحنا لارتباط اكثرنا) قلنا عزالله انك صادق جبته طيب متى و وشلون اهم شي اننا حددنا اليوم وحددنا المواتر والقطه وجا اليوم ودق على فلان وقوم فلان ولاتنسى يافلان اهم شي تجمعنا وكان معنا عزبه كامله وكانن المواتر شروكي وهايلكس يالله والمين بسم الله ومشينا وسفطنا على حدا المحطات الي على الطريق وعبينا بنزين و شرينا بعض الاغراض وحركنا ودخلنا صعافيق وأول شي نزلنا وكلن مسكله كفر ونزلنا الكفرات ودخلنا وندلج يمين يسار ارق انزل قاعدين ندور مكان به خضار بسيط وكله ساعه الاربع وحنا موقفين ونزلنا وكلن مسكله شي الي يفل والي ينزل العزبه واللي يشب على المعاميل وقعد واحد يحوف الفطور ونفطر ثمين قعدنا نتقهوا وكان الجو ما عندك ازين امنه لاهو برد ما يخليك تقر بمكانك ولاهو دف يغثك كان ماشاء الله وزنه الجو وخذ من التعليق والضحك والوناسه وتخطم احيانا دباشه بس تراه شويه بالحيل المهم ملينا من القعده قلنا وش نزين قال بعضنا ندور شوي بالسياره وقال الثاني نتمشى على رجليننا اهم شي صفينا بعضهم راحوا يتمشون بالسياره والثانين على الرجلين ونا منهم لاني والله احب دايما تطليق الرجول والحمد لله كلنا مستانسين ومال للشيطان درب وكله ساعه ولانا متجمعين وسواليف شوي وصلينا الظهر ويالله من عليه الطبخ قلت هالطلعه علي الطبخ وافتح العزبه وكله نصف ساعه ولاي كاتم على اللحمه ويوم فكيت الغطا وكب الرز جيت ابشب على الدافور ياولد يمين يسار ولاوه مابه غاز ومن هالساعه بدت الحواسين قلت تبون لحمه مع خبز الصبح ولا تبون اطبخ على الضو وتراي ما عمري جربت قالوا الجوعان يبي ينعمي اذا شاف الاكل اطبخ على الضو بس قلت بسم الله وأطبخ على الضو ويطلع هاك الرز الي ما عندك ازين امنه طبعا صدفه وتغدينا وشبينا على المعاميل ولاوه حول اذان العصر وتوضينا ودخل الوقت وصلينا وقعدنا انتقهوا وخذ من هالسواليف وبدا يبرد الجو المهم بدت تغرب قلت لهم تبون نصلي العشا ونمشي ولا نصلي المغرب ونمشي قالوا دايخين وشف متى يبيلنا علشان ناصل الخط ثمين ناصل ابيوتنا خل بس نمشي قلت براسكم اهم شي ظفظفنا عفشنا وحمينا المواتر( وابي الي يقرا يحمي معي شوي لانه هنا مربط الفرس) مشينا والحمد لله طريق النكسه عرفناوه بس كان صعب شوي وكان الجزء الاخير هو الي عليه العلم (دور الي يسوقون هناك تبقش علومهم هناك) ابعطيكم وصف لهذا الجزء اقرب شي له طبعا تشبيه مهب حقيقه اقرب شي له كان مصيده كبيره فوق ما تصورما شاء الله نفود هذي المنطقه ما تشوف أخره من رفعه وتقل جدار وكان بوسط هذي المنطقه طبعا هي جايه تقريبا على شكل بيضاوي نفد اصغار معترضات فكانت تقل مجزأه لنقر وكان النقره الاخيره اذا طلعت منه شوي ونت عند الخط توكلنا على الله ومشينا وطبعا اظلم الجو وصلنا النقره الاخيره قعدنا نشوف يمين يسار قدام ولاهن جدران ياترقا ولا ترجعا مع اللي جيت معه ولا فيه مساحه علشان تاخذ عزم جا راعي الهيلكس ورقا يسار وديور وشد عزم بالنزول ورقا المرقا الي قدامه وهو ماشاء الله يسوق جا الشروكي وكان توماتيك ومحمل 5 اشخاص والعزبه جرب مره مرتين خمس قلناله اوقف وخل ننزل علشان نخفف على الموتر ورح انت وجرب وفعلا نزلنا وراح شد عزم طبعا رقا ربع النفود المقابل بالريوس يوم حطه بالدي وداس ولا تحرك تقل بالفاضي حاولبه مافاد عي يتحرك صوتلنا نزلناله ونزل راعي الهيلكس ونشوف وش السالفه خبرتنا بالميكانيكا بسيطه رقيت النفود على رجليني لما جا الإرسال ودقيت على واحد اعرفه وقالي الشروكي اذا نقص ماء الرديتر وإحتما به حساس يفصل القير علطول لما يبرد وفعلا فكينا غطا الرديتر ولاوه ناقص قلنا نبي ماء منين وأثرنا ناسين جيك ماء بمكشاتنا الي قعدنابه ويروح اثنين لمه ويجيبونه وعبيناوه ولا فاد ياولد وش السوات كان اقرب ديره لنا المذنب مع انه تعتبر بعيده قلنا يروح ثلاثه يجوبون ميكانيكي ويقعد الباقين راحوا وكان الجو بارد بالحيل ولازم نقعد فوق علشان الإرسال ورقينا وقعدنا فوق وكانت الساعه تسع وربع وكان معنا ثلاث جوالات وبطارياتهن حول قضيه قلنا نحول اثنين لجوال واحد ونصكهن وهذا الي صار ونقعد الى الساعه 11.30 وجو ربعنا من المذنب وجاي معهم موتارين من عنيزه باترول ربع وشروكي قلنالهم وين الميكانيكي قالو قلناله السالفه وقال لازم يجي للورشه يبيله شغل ودقينا على ناس نعرفهم وما قصرو وجو، به واحد من الي جو له بالمكنيكا قال يمكن الدبل مفضي أوصلب على الفاضي ولا انطلق مسمار وبتل مفضي وشاف وطلع الدبل تمام قلنا مالنا إلا السحب ونربطه بالباترول ونحاول نرقا النفد المعترضه الصغار حاولنا بالاول وياله ياله رقاوه حاولنا بالثاني ومره عي يطلعه منه والنقره هذي مابه ارسال فكانت مهمة راعي الشروكي يودينا للنقره الاخيره ويرقابنا النفود علشان نكلم لأن به واحد نعرفه معه لاندكروزر ربع يبي يجي من عنيزه ،وشبينا ضو لأنه برد بالحيل وقعدنا يوم صارت الساعه 2 بالليل جا راعي الربع وحاولنا نسحبه رافض انه يتحرك من هالنقره حنا ايسنا وغيركذا دايخين بالحيل باقي كم ساعه ونكمل 24 ساعه صاحين قلنا نرجع لعنيزه ومن اصبح افلح ورجعنا لعنيزه وخلينا الشروكي ودخلنا عنيزه حوالي الساعه 3.30 الفجر
ارجو عدم الرد للموضوع بقيه