قـــرنــــــاس حـــــــر صايـــــد _ للــبــــيــــــــــــــــــع.بالصور

[المري]

السلام عليكم .. اخواني الاعزاء .. اخواني الطيبين.. حياكم الله ..


هذا قرناس حر صايد الحبارى والأرانب .. واطياره طيب .. وعليه وسرة وثنداه زينه .. ومنكب جذل..

وراكد على اليد في المجلس , وراكد في مربطة.. ويفرع بس ماادري هو يبطي ولا لا؟


وشريته اليوم العصر ب 8500 ريال .. وتعرفوني احب ابيع واشري في كل حزة..

الطير مقاس 16 ونص وراكد .. ويمدحون اطياره... وفيه علامة فارقة في ظهره وهي ريشة بيضاء...

وعلى كلامه راعيه.. انه مشري هو وحر معه 50,000 ريال وعطوه الرجال .

باقي معه الموس وعلى وشك حذفه..


اخليكم مع الصور .. وفي انتظار سومتكم..

http://www.mekshat.com/pix/upload/images42/mk1168_hurr (small).jpg


http://www.mekshat.com/pix/upload/images42/mk1168_hurr2 (small).jpg


http://www.mekshat.com/pix/upload/images42/mk1168_hurr3 (small).jpg


http://www.mekshat.com/pix/upload/images42/mk1168_hurr4 (small).jpg



وسلاااااااااامتكم

اخوكم - المري

[ولد333النفيع]

مشالله على الطير

الله يرزقك بالبيعة والسعر الطيب

والله يهني الشراي فيه


سلام عليكم

[لعيون مكشات]

ماشاء الله الطير طيب وراعيه اطيب منه
والله يرزك البيعه اللي تنسيك الطير

[عناز]

العمر يابو معيض الله لا يهينك

[المري]

مرحبا اخوي عناز ..


يقولون: ينقل خااامس .. وانا مانيب داري بسنه بالضبط..

[بومعطش]

الله يبارك لك يابومعيض ويرزقك بالبيعه اللي تطيب خاطرك

[جرب حظك]

الله يباركلك بالطير يابومعيض الطير مشبه عليه هل الطير كان من طيور الكويت

[راعي الجير]

لو الناس مثلك يابومعيض كان نسيل كل عصر

[قلب شاهين]

الله يرزقك بالبيعه الطيبه ،،

تحياتي / صقار القصيم ،،

[الوعيلي 711]

الله يبارك للبايع والمشتري بالخير


الطير مبروووووك

[قرناس حائل]

ما شاء الله تبارك الرحمن

طيييييييييييييييير طيب الله يستر عليه

ابو معيض مالك حد فيه

[حطاب 123]

:)

الله يرزقك بالبيعه الطيبه ،،

[المري]

مرحبا بالاخوان جميعا وحياك الله..

وتسلمون وعسى الله يرزقهم الطيور الطيبه..

وسلامتك

[قلب ذيب]

ارحب يابومعيض 0
الطير ماعليه كلام في الشكل وا شاء الله في الفعل 0
والطير اللي في ظهره ريشه بيضاء ماتبان لين تفرق الريش عنها يسمى ( النادر ) 0
بالتوفيق ان شاء الله 0
تقديري لشخصك 0

[حزام سبيع]

والطير اللي في ظهره ريشه بيضاء ماتبان لين تفرق الريش عنها يسمى ( النادر )



مافهمت وش تقصد ممكن توضح