من غيرت الكلتش طلع عندي صوت ( ونّه )

[مهتوي]

بسم الله

السلام عليكم

انا عندي شروكي وغيرت الكلتش , غيرته العصر مسكت الخط المغرب واسمع صوت حاد ( ونه ) عند السرعه 115 كيلو في الساعه بالضبط والقير في الخامس , فوق هذي السرعه يروح الصوت تدريجياً تحت هذي السرعه كذالك يروح الصوت . وإذا كنت على السرعه 115 والحنه في اعلى صوتها إذا تركت رجلي عن البنزين يروح الصوت .

بعدها بفتره من مسكتبه خطوط وسافرت عليه

صرت إذا نقلت القير من الرابع إلا الخامس بحركه سريعه وضغط المكينه فوق الأثنين ... يقر ( يدقر )
فأضطريت إني أنتظر ضغط المكينه ينزل عن الأثنين وبعدها انقله للخامس بكل سهوله ؟
ولي على هذي الفتره حوالي 5 شهور .

ملاحظه : اول ما أشغل السيارة اسمع نفس الصوت بس بصوت خفيف وإذا ضغطت الكلتش يروح الصوت.

وما أدري هل المشكله من القير او من الكلتش ؟

اللي عنده علم او سمع بهذي المشكله يعطينا الحل ..


وسلامتكم

[الباهي]

هلا بمهتوي

الله العالم انه من السك تبع الكلتش

[مهتوي]

اشكرك اخوي على المشاركه ..
بس يا ليت توضح معنات ( السك ) ؟

وتسلم

[الباهي]

الدسك عفوا وليس السك(خطأمطبعي)

ودمت

[Bader-M]

اما بنسبه
انا عندي شروكي وغيرت الكلتش , غيرته العصر مسكت الخط المغرب واسمع صوت حاد ( ونه ) عند السرعه 115 كيلو في الساعه بالضبط والقير في الخامس , فوق هذي السرعه يروح الصوت تدريجياً تحت هذي السرعه كذالك يروح الصوت . وإذا كنت على السرعه 115 والحنه في اعلى صوتها إذا تركت رجلي عن البنزين يروح الصوت .

تاكد من زيت القير (ابدء بسهل )
وبعدها
اذا كان الزيت تمام
شف الترس الخامس تعبان عندك (الترس متاكل )
عشان كذا يصعب التعشيقه

..........................
والصوت الي تقول عنه
انك اذا كان قير ( فاضي ) يطلع صوت
واذا عشقته راح
هذا يكون من الفحمة الكلتش ( يوم غيرو لك الكلتش لم يغيروا لك الفحمه وهذا خطء كبير او انهم غيروها ولكن ما وزن الكلتش وزن دقيق )
هذا والله
اعلم

[مهتوي]

اخوي طاير بالعجه ..
اشكرك على اهتمامك ..

هنا السؤال كذا واحد قلت له عن السالفه قالي يمكن ماوزن الكلتش .. رحت للورشه اللي غيرت عندها الكلتش طبعاً بعد 3 شهور قالي الكلتش ماله وزنيه .. قالي في بعض السيارت مثل الجمس هو اللي يبغاله وزن ؟؟

واللي غيرته قطعتين بس دسك الكلتش وشئ ثاني يسما ( بيرنق كلتش ).

وبالنسبه لزيت القير .. من بعد ما دقر معي القير .. شيكت على الزيت وماكان ناقص و غيرت زيت القير في الوكاله . وما تغير شئ .

[دله وفنجال]

السلام عليكم اخوي مهتوي بنسبه للمشكلة الي انت مواجه بموترك هذي عندي من يوم ماطلعت السيارة من الوكالة ( لاند كروزر )2001 vxr لا وبعد صوت الونه بكل التعشيقات وكذالك صوت الفحمة طالع اذا وقف الموتر بس الي مخوفن صوت الونة وشي ....

[الامام والمؤذن]

فحمات الكلتش على ما اعتقد

[Bader-M]

رحت للورشه اللي غيرت عندها الكلتش
(هههههههههههههههههههههههههه)
حلوه
ياخوي اكيد يبي يقلون لك كذا
رح لورشه ثانيه وسالهم
........
او مادامك رحت للوكاه وراك ما سالتهم عن المشكله الي حاصله معك
....
تقبل تحياتي

[مهتوي]

وعليكم السلام يا الأستبنه .. هلابك
عساها تكون الفحمـــه ... ومدري وش صار عليك غيرت الفحمه وزان موترك ؟


ــــــ

الأمام والمؤذن
اشكرك على اهتمام اخوي .

ـــــــ

:) قلت لو بدخلها الوكاله بتقعد 3 ايام وانا في حاجة الموتر نغير الزيت كوده يزين .



وشاكرلكم.

[دله وفنجال]

اخوي المهتوي لا وبشرك عقب مارديت عليك بيومين طلع عندي صوت زي صوت التصفير المتقطع وبسرعه لاكن الكلتش مطرف وعلى وشك انة بينتهي ان شاء الله ان البلاوي هذي تروح اذا غيرتة ....

[مهتوي]

الأستبنه

اخاف إنك متطنزن علي وعاقبك الله .. :)
مهب بشاره ضيقت صدري ...... ما تشوف شر .. اخوي واتمنى إن الله يبارك لك في موترك ..

اخوك مهتوي®

[الجزوم]

السلام عليكم

موضوعك اخوي لا يتعدى فحمة الكلتش او ما يسمى برمان او بيرنق الكلتش ...

على كل حال الموضوع ما فيه ضرر ولكن سوف يزعجك بالصوت واذا اردت فقط غير

الفحمه وبيروح الصوت عنك وهذا الموضوع يشتكيي منه الكثير من الناس بسبب خطاء

في تركيب الفحمه حيث ان معظم الميكانيكيين لم يطورو انفسهم مع تطور الصناعه ...

وتقبل تحياتي

الجزوم

[مهتوي]

اخـــوي الجزوووم

تسلملي وفيت وكفيت ... وقصرت العنوه ..

وإنشاء الله بغير الفحمــه .. وابرد لكم بالخبر ..

وجزاكم الله الف خير .


اخوكم مهــتــوي®