اسعار الزيوت وغش المشـــاحم لنا [الأرشيف]

مشاهدة النسخة كاملة : اسعار الزيوت وغش المشـــاحم لنا

ابوعزوز

03/08/2007, 02:27 PM

الحقيقة مدري اذا تطرقتم لهذا الموضوع من قبل او لا لاني انقطعت عن هذا المنتدى المفيد دائماً من فترة طويلة
لكن مشاركتي بخصوص اسعار الزيوت في المشاحم واستغلالهم الجائر لنا .
تدرون يا اخوان ان سعر الزيت الي نشتريه بـ 14 ريال لا يتجاوز سعره 7,5 ريال .
مثلاً ( الترا سفن ) اشتري الكرتون الواحد من الصناعية بسعر 180 ريال يعني 180 تقسيم 24 علبة تقريباً بحيث يصبح سعر العلبة الواحدة 7,5 ريالاً.
كما ان سعر زيت ( جي تي اكس ) 15 ريال عند المشحمة وسعر الكرتون في الصناعية 220 ريال تقسيم 24 علبة تقريباً فيصبح سعر العلبة الواحدة 9,2 ريالاً .
وقس على ذلك في جميع انواع الزيوت .
كما لا ننسى سعر فلتر الزيت: فعلى سبيل المثل فلتر الكامري في المشحمة من 20 الى 25 ريال ومدري أصلي او لا في حين سعره في الوكالة 14 ريال .
وسعر فلتر الجمس عند المشحمة من 30 الى 35 ريال في حين سعره 14 ريال في الوكالة .
فلو فكرت اخي الكريم وقمت بشراء الزيت من الصناعية بالكرتون وشريت الفلتر من الوكالة وقمت باعطاء راعي المشحمة 10 ريال عشان يغير الزيت مع الفلتر. كم ثم كم ستوفر خصوصاً في حال عندك اكثر من سيارة .
ولله الموفق للجميع .... و دعواتكم .
( ملاحظة يجب ان يكون الكرتون نضيف خالي من خرخرة الزيوت )

أبو مرضي

03/08/2007, 02:29 PM

من اي صناعية يالغالي ياليت تخبرنا
ولو فيه رقم أكون لك شاكر

ومشكووووووووووور على الموضوع الرااااائع

نمر 33

03/08/2007, 03:34 PM

مشكورررررررررررررررر

قناص سدير 999

03/08/2007, 04:58 PM

اخي ابومرضي الصناعية القديمة طريق الخرج تجد محلات بيع الزيوت بالجملة

بريد5

03/08/2007, 08:27 PM

هذي احلا طريقة

وفعلا انا جربتها وكلش تمام

Bader-M

03/08/2007, 08:43 PM

دعنا نحسبها انا اونت

محل اجاره 40 الف على اقل تقدير (في مدينة الرياض )

يعني في الشهر 40 /12 = 3300 ريال شهريا

كم سيارة في اليوم تغير زيت
دعنا نقول 12سياره بمعدل 5 علب سياره ومكسب العلبه الوحده 6 ريال

12*5*6 = ريال * 28 يوما = 10800 ريال

10800- 3300 ( اجرة المحل ) = 6780 ريال شهريا

يعني راتب موضف في المرتبة السابعه او ظابط ملازم اول

غير مكسب السيفون وعلبة زيت الدركسون والفرامل و الماء الرديتر

للذالك نسمع في الفتره الاخيرة عن سعودة محلات الزيت

تحياتي اليك

حمد الذكي

03/08/2007, 08:56 PM

imas200

03/08/2007, 09:07 PM

شريت من شارع الريل كرتون وريحت
والظاهر بغير في البيت بعد
لو تفكر فيها كلها فك الصره وخل حولك بادية
ولا بعد لاتغيره إلا الصبح يصير الموتر بارد ويمديك تفك الفلتر

والله ياناس لاعبين علينا
والمشكله كل ماله يزود يعني ألترا كان بــ 10 وزاد إلى 12 وزاد على حد علمي إلى 14!!

الصمان 2

03/08/2007, 09:37 PM

بالجملة كرتون سوبر شل بـ 215

215 ÷ 24 = تطلع العلبة بـ 8.95 ريال قل بـ 9 ريال

وتباع برى بـ 14 ريال !! الفرق في كل علبة 5 ريال .

لذلك صرت اشتري كرتون وأغير الزيت بنفسي في البيت أو المزرعة ، والموتر على نظري وأرتحت ووفرت .

مشكور على طرح الموضوع .

.

يازين الجو

03/08/2007, 10:39 PM

انا اشتريت البارح من محل قطع غيار زيت بـ 10 ريال ومكتوب عليه بـ 14 ريال !!

وسيفون اصلي بـ 15 ريال

يعني وفرر

كاشخ 24 ساعه

03/08/2007, 11:10 PM

تدرون يا اخوان ان سعر الزيت الي نشتريه بـ 14 ريال لا يتجاوز سعره 7,5 ريال .
مثلاً ( الترا سفن ) اشتري الكرتون الواحد من الصناعية بسعر 180 ريال يعني 180 تقسيم 24 علبة تقريباً بحيث يصبح سعر العلبة الواحدة 7,5 ريالاً.
كما ان سعر زيت ( جي تي اكس ) 15 ريال عند المشحمة وسعر الكرتون في الصناعية 220 ريال تقسيم 24 علبة تقريباً فيصبح سعر العلبة الواحدة 9,2 ريالاً .
وقس على ذلك في جميع انواع الزيوت .

والله صعبه ياخوي مكسب الدبل تقريبا

انا اللى اعرفه ان السعر اللى هو 14 مكتوب على العلبه فهل ممن الطبيعي ان الشركه المصنعه تبيعه بهالرخص وتحدد السعر الدبل عشان المحل يكسب

هي بالطريقه هذي بتخسر زبائنها ومع ذلك لن تستفيد شي ابد

معليش بس السالفه ماهي خاشه راسي ويمكن انك تشتري زيوت مغشوشه او قديمه (انتبه بس على سيارتك)

imas200

03/08/2007, 11:13 PM

معليش بس السالفه ماهي خاشه راسي ويمكن انك تشتري زيوت مغشوشه او قديمه (انتبه بس على سيارتك)

تدري وش المشكله
المشكله أن راعي الحفره أو المشحمة يزعل
مغشوشة لا ماظنتي رح شارع الريل وشف
انا شاري زيت عليه التاريخ
تاريخ على الكرتون وعلى العلبة

الزيت المغشوش يبين من الكرتون ومن شكل العلبة لون العلبة

ابوعزوز

03/08/2007, 11:20 PM

اخوي ابو مرضي مثل ما قالك قناص سدير 999
في الصناعية القديمة قريب من مسجد العويضة
كما اشكر الجميع على مروركم وتعليقكم على الموضوع

ابوعزوز

03/08/2007, 11:27 PM

Abu Saad

03/08/2007, 11:29 PM

والله صعبه ياخوي مكسب الدبل تقريبا

انا اللى اعرفه ان السعر اللى هو 14 مكتوب على العلبه فهل ممن الطبيعي ان الشركه المصنعه تبيعه بهالرخص وتحدد السعر الدبل عشان المحل يكسب

هي بالطريقه هذي بتخسر زبائنها ومع ذلك لن تستفيد شي ابد

معليش بس السالفه ماهي خاشه راسي ويمكن انك تشتري زيوت مغشوشه او قديمه (انتبه بس على سيارتك)

لايالغالي كلام راعي الموضوع صحيح وبزيدك من الشعر بيت بعد .
انا هذي طريقتي اشتر كرتون زيت ومن النوع الطيب 10دبليو 30 ، تطلع لك العلبة بثمانية ونصف تقريبا ونفس العلبة تباع في المشحمة بـ 14 ومكتوب عليها اصلا السعر المقترح 14 ريال وحط خطين تحت المقترح يعني معطين الضوء الاخضر لراعي البنشر برفع السعر الى 14 ريال وهو مايصدق خبر ويقولك شف السعر على العلبة :) .
وبالنسبة لسيفون الكامري فاشتري بالكرتون من الوكالة ( لاتروحون بعيد الكرتون فيه 10 حبات بس) :)
تطلع لك الحبة بــ 10 ريال فقط لاحظ من الموزع المعتمد ( الضحيان :good: ) او غيره من الموزعين المعتمدين.وراعي المشحمه يصلخك بـ 25 ريال للسيفون !!!
وفلتر الهواء اللي يبيعه البنشري ب70 ريال رح خذه بالحبة من الوكالة بـ 50 ريال .

كانك ماتدري ادر ... ورح سعر بنفسك وش الفرق!
والسلام عليكم.

ابوعزوز

04/08/2007, 12:24 AM

بارك الله فيك وجزاك الله خير اخوي Abu saad على المعلومات ومنك نستفيد

AZOOOZ_SS2007

04/08/2007, 02:36 PM

بارك الله فيك اخوي ابوعزوز على الموضوع المفيد انت والاخوه .........

هاوي الله

05/08/2007, 07:19 AM

الملك عبدالله = انا عبدالله >>> حكمه

ابوعزوز

05/08/2007, 12:22 PM

الملك عبدالله = انا عبدالله >>> حكمه

نعم صحيح :D

Black VTC

07/08/2007, 05:36 PM

وين حماية المستهلك عن التلاعب المشهود في كل المشاحم؟؟!!

بدوي جنوبي

07/08/2007, 11:18 PM

الحقيقة مدري اذا تطرقتم لهذا الموضوع من قبل او لا لاني انقطعت عن هذا المنتدى المفيد دائماً من فترة طويلة

لكن مشاركتي بخصوص اسعار الزيوت في المشاحم واستغلالهم الجائر لنا .
تدرون يا اخوان ان سعر الزيت الي نشتريه بـ 14 ريال لا يتجاوز سعره 7,5 ريال .
مثلاً ( الترا سفن ) اشتري الكرتون الواحد من الصناعية بسعر 180 ريال يعني 180 تقسيم 24 علبة تقريباً بحيث يصبح سعر العلبة الواحدة 7,5 ريالاً.
كما ان سعر زيت ( جي تي اكس ) 15 ريال عند المشحمة وسعر الكرتون في الصناعية 220 ريال تقسيم 24 علبة تقريباً فيصبح سعر العلبة الواحدة 9,2 ريالاً .
وقس على ذلك في جميع انواع الزيوت .
كما لا ننسى سعر فلتر الزيت: فعلى سبيل المثل فلتر الكامري في المشحمة من 20 الى 25 ريال ومدري أصلي او لا في حين سعره في الوكالة 14 ريال .
وسعر فلتر الجمس عند المشحمة من 30 الى 35 ريال في حين سعره 14 ريال في الوكالة .
فلو فكرت اخي الكريم وقمت بشراء الزيت من الصناعية بالكرتون وشريت الفلتر من الوكالة وقمت باعطاء راعي المشحمة 10 ريال عشان يغير الزيت مع الفلتر. كم ثم كم ستوفر خصوصاً في حال عندك اكثر من سيارة .
ولله الموفق للجميع .... و دعواتكم .
( ملاحظة يجب ان يكون الكرتون نضيف خالي من خرخرة الزيوت )

اهلين ابو عزوز كلامك صحيح انا غيرت زيت جي تي كاسترول العلبه ب 15 مكتوب عليها كذا

اللي محيرني شلون حقين الجملة يبيعوا الكرتون باقل ،،، يعني مثل حسبتك انت طلعت العلبة ب 9،5

تحياتي

بدوي جنوبي

07/08/2007, 11:22 PM

تبون الصراحه
محلات تغيير الزيوت زعلو علينا يوم كشفناهم
الحين إذا رحت أغير الزيت وقلت للعامل الزيت معي قال ما أغيرلك
وإذا صار فاضي ولا عنده احد قال بـ 20 ريال بدون سيفون
مع السيفون بـ30
وش الحل في رأيكم
هل نغير الزيت في البيت
ولا عند الوكالة أرخص

اخي حمد ياخي غير الزيت عند البيت :D

او اذا طلعت انت والعائله لمخطط او للبر ،،،

كل الشغله مفتاح 14 يزيد او ينقص في بعض السيارات

فرغ الزيت وبعد 5 دقائق ركب الصرُة وعبي الزيت من جديد

بس انتبه الزيت القديم حاول تتلفه في مكان بعيد عن الاشجار والاودية

بالتوفيق :good:

هاوي الله

07/08/2007, 11:34 PM

الله يوفقك ياحبيبي بدوي جنوبي أحبك الله

ولد الخبر22

07/08/2007, 11:47 PM

والله صعبه ياخوي مكسب الدبل تقريبا

انا اللى اعرفه ان السعر اللى هو 14 مكتوب على العلبه فهل ممن الطبيعي ان الشركه المصنعه تبيعه بهالرخص وتحدد السعر الدبل عشان المحل يكسب

هي بالطريقه هذي بتخسر زبائنها ومع ذلك لن تستفيد شي ابد

معليش بس السالفه ماهي خاشه راسي ويمكن انك تشتري زيوت مغشوشه او قديمه (انتبه بس على سيارتك)

السلام عليكم ورحمه الله وبركاته :

اسعد الله اوقاتكم بكل خيـــر .

اخوي كاشخ يعني انت الحين واثق من اصحاب المشاحم انهم مايغشـــــــون ...؟ !
صدقني اخوي لو بيدهم كان حطوا لك زيت محترق هذا اذا مكان البعض يسويها من المشاحم .

وعمر التاجر مايدور عن الفائده حتى لو كان بالغـــــــــش وهذا الي حاصل بهالوقت .

واحب اوضح لك وللجميع اذا مرة مريت على البنشري ابيك تلف عيونك يمين وشمال وشوف ايش الي منطول على الازفلت (اعزكم الله ) تشوف انواع المسامير لكي يضرون بالسيارات .

عندنا بالسعودية اجانب ياكلون الشعب بشتى الطرق والتجار سامحين لهم .

لكم احترامي وتقديري .

m1m

08/08/2007, 03:43 AM

المسالة مو غش المسألة أن صاحب المشحمة ينزل الزيوت عنده ( كردت) يعني آجل .. ما يسدد على التصريف ..

وبالتالي يحسب عليه تقصيد ..وتطلع عليهم العلبة بـ 10 ريال .. وبعضها 11 مثل السوبر شل ..

وتحصل بعض المشاحم تخفض السعر أنا أغير عن مشحمة بـ 11 ريال .. لأني كثير التنقل وصعب أحمل معي علب كل سفرة :) أو أخليها في السيارة ترقع علي وتضيق

سفاري نجد

08/08/2007, 01:32 PM

لتوضيح سبب فرق السعر بين الجمله والمشاحم الهدف الأساسي منها عدم لجوء أصحاب المشاحم إلى الزيوت المغشوشه فمن صالح الشركه انها تعطي ربح بمعدل 5 ريال للعلبه عشان تطمع اصحاب المشاحم بشراء من الوكيل ،،،

لانه وجد عماله تقوم بغش الزيوت بعلب ماركات وختمها الغطاء بالقصدير عن طريق الكي للقصدير ولصقه بالعلبه،،،
وأول من بدأ بهذه الطريقه وكتابة السعر على العلبه زيت سوبر شل وكيله الجميح لأنها خسروا بشل المغشوش ولتطميع أصحاب تغيير الزيوت قاموا بكتابه السعر على العلبه لأن اغلب المشاحم تستخدم سوبر شل المشهور وقامت جميع الشركات بعمل الطريقه هذي تبيع بالجمله سعر يفرق عن المشاحم ،،،

واللي يغير الزيت أبو يمن يحجك بان الشركه هي اللي محدده السعر بالملصق وأنهم ما يربحون إلا ريال او ريالين ،،،

وعلى قول اخونا m1m بعض المشاحم يرضى بمكسب ريال ريالين مع ربح السيفون مع أنه مكتوب بالعلبه سعر 13 ريال ،،،

المعلومات اللي قلتها يا أخوان من صاحب محطات بنزين وعندهم محلات غيار زيوت هذا والله أعلم

من هذا كله نعرف ان الزيت ما زاد سعره إلى عند أصحاب تغيير الزيوت والا بالجمله ما تغير ،،،

انا قمت بشراء كرتون زيت سوبر جي تي فوكس وكيله الحمراني بسعر 195 ريال طلعت العلبه علي بس 8 ريال وعند المشاحم بسعر 13 ريال فرق 5 ريال

شعيب المسمى

08/08/2007, 02:27 PM

يالربع الزيوت وين تباع في اي جهة من الصناعية

ابوعزوز

14/08/2007, 01:44 PM

[quote=سفاري نجد;1057042]لتوضيح سبب فرق السعر بين الجمله والمشاحم الهدف الأساسي منها عدم لجوء أصحاب المشاحم إلى الزيوت المغشوشه فمن صالح الشركه انها تعطي ربح بمعدل 5 ريال للعلبه عشان تطمع اصحاب المشاحم بشراء من الوكيل ،،،

كلامك ممكن اخوي سفاري نجد
لكن ما تتوقع ان ا مكسب المغشوش اكثر من 5 او 6 ريال وشكراً للجميع ..