لأصحاب الخبرة

[سراب البراري]

السلام عليكم ورحمة اللة الله وبركاته ,,
عندي ونيت ددسن غمارتين ودي أركب له شراع أو طربال عن المطر والغبار من دون شد (الحديد) لأني أعاني من الغبار والعجاج اللي يجبنا مع المطامر في هالبر وتعرفون العزبة والفرشات تكون في الصندوق .
وش أفضل نوع مع أني مريت شارع الغرابي ولقيت أشكل كثيرة بس ماأدري وش الزين .
شكررررررررررررررررررا

[برق تميم]

عليكم السلام ورحمة الله وبركاته

اخوي سراب اذا تبي بدون حديد ما يجي لازم يدخل التراب اذا قصدك شراع بس وتفرشه على الصندوق وتربط اطرافه في شناكير الصندوق هذا يوقي خفيف عن المطر لكن التراب ما يجيب نتيجه

وافضل لك هذا ترتاح طبق ولا تراب ولا مطر عند عروق الشمال في بريده


http://www.upload.ps/uploads030807/621383930e.jpg



http://www.upload.ps/uploads030807/23ff204d03.jpg



http://www.upload.ps/uploads030807/fb24ca9776.jpg

[سراب البراري]

مشاء الله تبارك الله والله أبداع وعسى الله يعطيك من خيره ويكفيك شره يارب . كم سعره مع التركيب وهل يتأخر عشان يفصلونه .
لأن عندي واحد من الشباب يدور هالنوع أما أنا طلعاتي بسيطه على قد حالي يعني يكفيني زي ماقلت الطربال اللي يشبك في الشناكير أعبر فيه .
الله يعطيك العافية وماقصرت ياأخوي برق تميم
مشكوووور

[برق تميم]

السعر كامل بالطبق والتمديد الكهرب 1600 ريال والتركيب تروح وياخذون المقاس واربعة ايام ويجهز والتركيب ياخذ ساعتين بالكثير مع الطبق

[سراب البراري]

مشكور والله يعطيك العافية