تركيب فرار واحد فقط

[الفيافي]

السلام عليكم / ياأخوان ابغى اركب فرار واحد فقط لأنه يقوم بالغرض نفسه وهذا مو كلامي بل كلام أهل الخبرة جدا كما يقول له فترة وهو يركب فرار واحد فقط وأنا امس كنت بالتشليح وكلهم يقول يا أخي ركب فرار واحد فقط وتراه نفس الشى يقوم بالشغل نفسه وحتى الشركة مريتهم قالوا نفس الكلام وسؤالي
1- فيه احد من الأعضاء جرب هذه ؟
2- أنواع الفرارات واحسنها واسعارها وسوف أوافيكم برقم القطعة الأصلية لآني أخذته من الشركة نفسها
3- ولو ركبت فرار ماهو حق الشركة ينفع
4- لقيت بالتشليح فرار واحد حق جيب 85 تويوتا هل يركب
وكل من عنده خبرة بهذا الشي يخبرنا
وجزى الله الجميع خيرا

[ارتست]

والله يا اخوي العزيز ان فكرة فرار واحد ماتنفع
اقول لك ليه
الفكرة من الفرار انه يخلي الدفرنس الامامي والعكوس ماتلف وانت فاصل الدبل
يعني كيف؟
الكفرات تشبك مع العكوس والعكوس مع الدفرنس والدفرنس مع قير الدبل
فإذ فصلت الدبل يبقى العمود والدفرنس والعكوس تدور مع مشي الموتر وهذا يزيد من صرف البنزين والثقل و ووو...
فإذا ركبت فرارين يفصل كل شي وتصير هالقطع واقفة ومرتاحة فلو ركبت فرار واحد راح يقوم الكفر الثاني بتحريك العكس اللي معه والدفرنس الامامي والعمود
وكذا ماراح تستفيد
وانا شخصياً يوم ركبت الفرارات عند السليماني اكد علي الفلبيني اني ما اخلي واحد مفصول والثاني شابك يقول انه مشكله
اما وش اللي احسن والله انا مركب من عند السليماني ب450 وللعلم ترا مو اي موتر ينفع للثاني فراراته

[باثفندر]

http://www.mekshat.com/pix/upload/sign/images/mk41765.gif


على ماسمعت انه موب زين انك تشغل واحد وواحد لا

لانه يصير احتكاك داخلي بالتروس

والله اعلم .

[الثويرات]

صح العامود ياقف والجهه الي فيها الفرار تاقف بس يبقى العكس الثاني مازال يدور ويدور الطاره الي بالكارونه

[الحضرمي2006]

والله يا اخوي العزيز ان فكرة فرار واحد ماتنفع
اقول لك ليه
الفكرة من الفرار انه يخلي الدفرنس الامامي والعكوس ماتلف وانت فاصل الدبل
يعني كيف؟
الكفرات تشبك مع العكوس والعكوس مع الدفرنس والدفرنس مع قير الدبل
فإذ فصلت الدبل يبقى العمود والدفرنس والعكوس تدور مع مشي الموتر وهذا يزيد من صرف البنزين والثقل و ووو...
فإذا ركبت فرارين يفصل كل شي وتصير هالقطع واقفة ومرتاحة فلو ركبت فرار واحد راح يقوم الكفر الثاني بتحريك العكس اللي معه والدفرنس الامامي والعمود
وكذا ماراح تستفيد
وانا شخصياً يوم ركبت الفرارات عند السليماني اكد علي الفلبيني اني ما اخلي واحد مفصول والثاني شابك يقول انه مشكله
اما وش اللي احسن والله انا مركب من عند السليماني ب450 وللعلم ترا مو اي موتر ينفع للثاني فراراته


كلام سليم وصحيح 100%

[قرناس خلوي]

وانا أؤيد كلام اللي سبقوني وماينفع تركب واحد أبداً لازم تركب الثنين سوا ولا كنك يابو زيد ماغزيت هذا رآيي والله يوفق