قصيدتي في الصديق(أبودحيم)

[عبدالرحمن الخالدي]

السلام عليكم ورحمة الله وبركاتة...
تحية طيبة للجميع...
هذه الأبيات كتبتها وأسندتها لصديق عزيز على قلبي عندما قام وباع (موتره) الجيب لضروف الزواج حينما اقترب موسم المقناص ، وفي الحقيقة أنا لست بشاعر ولاكن حاولت أستشعر وأهيض الصديق .
وأرجوا من الإخوان الشعراء عدم المؤاخذة وتصحيح إذا كان هناك أخطاء في الوزن .



يا بودحيم قلي وش بلاك أنت

يومـك مع اللـــي وفـالك تـبـيـعه

هو أنت عن درب الولع عـزلت

يا كم مرة على المقناص تسريـبـه

ينقل لك المزهب لو وش حــملـت

ويصبرعلى كل الدروب الصعيـــبه

لانهمته ( بنمرة) ثقيـلة وعــشـقـت

أسرع من فروق القطا المستذيرة

واليوم ناوي لك على موتر(أكسنت)

وسهيل باقي له تــرى كم ليلة

باكر يجيك الصيد وأنت ما تزهبت

لازان المضحى وهبت المستذيرة

الله على جيب جـديــد مـــزيـت

جاهز ومكمل ما حلت مسامـيرة

يعجبك في ممشاه لامن توجهت

للديار اللي فيها فياض وسيعـة

يا أبو دحيم عساك لنا دمت

أنت الصديق اللي مالقينا مثيلة

تسلم و دامــت لياليك لاهـنـت

يحفظك ربي في كل يوم وليلة




وســــــــلامتكم يا الغاليــــن .

[سلطان العوني]

اخوي مذكور
وعليكم السلام ورحمة الله وبركاته

بارك الله فيك بداية جميله تدل على شاعريتك
واذا هذي بدايتك اتمنى لك مستقبل مليء بالشعر

عندك الله يسلمك
الوزن لو تحاول تللحن القصيده وتغنيها راح يبين كسر في البيت
وعندك القافيه لو تلاحظ ان الشطر الاول ينتهي بــ ( نت )
والشطر الثاني ينتهي بــــ ( يعه )
والله يوفقك ان شاء الله

[عبدالرحمن الخالدي]

أشكرك شكر خاص يا أستاذ/ سلطان العوني على هذه اللفتة الطيبة والمتواضعة منك وعلى رفع المعنويات ، وأنافي مرًة من المرات أعطيت أحد الشباب قصيدة وهو في الحقيقة شاعر وقال ( انصحك أن تترك الشعر كله ) .هههههههه بعد ماقرءها .
وما أقول إلا الله يجبر بخاطرك ويجزاك عني خير الجزاء .

[خير المزن]

ما شاء الله على القصيدة
كلام زين من وجه أطيب ونرجوا من الله أن يخلف على أبو دحيم

[سبيع الغلباء]

مشكوررر
وصح لسانك

[القسامي511]

صح لسانك بدايه موفقه ان شاء الله ،،، مافيه احد طلع من بطن امه عالم والا فاهم ،،، موسى عليه السلام طلب العلم من الخضر مع ان موسى رسول ،،، واذا انت هاوي لكتابة الشعر انصحك بما يلي ،،،
1‏_‏ التفرغ من جميع الاشغال وقت مايطلبك الشعر لترجمة احاسيسك على الاوراق،،،
2‏_‏ عرض ماتكتبه على من تثق به من الشعراء لتعرف اخطاءك وتتلافاها في المرات القادمه،،،
3‏_‏ الاختلاط بالشعراء ومجالستهم لكي تصقل موهبتك بإذن الله،،،
4‏_‏ قراءة دواوي كبار الشعراء القداما من اجل الفائده والتوسع في مفهوم الشعر،،،
5‏_ارجو منك الدعاء لي والوالدي ،،،
اخوك /ابو خالد