وادي غدير البنات في الطايف

[مهوس صيد]

السلام عليكم
انا كل سنه اروح الطايف واروح غدير البنات دايما يكون فيه مويه تجري وفي اخره سد انا ابي اعرف من وين تنبع المويه او وش موجد في الجهة الثانيه المشكله انه يبي له سياره عاليه وانا معي سوناتا

[بركان الوله]

الأخ مهوس صيد
مرحبا بك في الطائف المأنوس
الحقيقة سد غدير البنات كما يسمى تنبع مياهه أو تصب فيه من أعلي قمم جبال الشفا الشاهقة حيث أنها بفضل من الله تنعم بأمطار
طيبة وتأتي هذه المياه من تلك الأوديه فتصب في الغدير ولو زرت الطائف أو الشفا خصوصا وقت الأمطار أو أثناء المطر لوجدت الشلالات الجميلة والأودية الجارية مثل وادي ذي غزال ومنطقة الشر وغيرها الكثير ولقد أخذت لها صورا جميلة أثناء نزول البرد قبل ثلاثة شهور أو أربعة تقريبا وإن شاء الله أقوم بإنزاها على الموقع لأني لا أعرف الطريقة صراحة
أما ما بعد السد فهي مناطق مزارع تسمى ( ليَّه ) وكانت بها مزارع كثيره ولكن مستوى السد قد نقص في الأعوام الأخيرة ولو لاحظت الغدير والجبال المحيطة به لوجدت أثر المياه على الطرفين وهي تدل على مستوى الغدير العالي جدا .

ولو أردت أن نزور المكان سويا فلا مانع لدي وعندي جيب للمهمات الصعبة وسلامتك يالغالي

[دمك]

`````````````````````````````````````````ماقصر معك بركان الوله كفى ووفا

واذا تبي تشوف وش ورى السد اعط درب الجنوب اللين تجيك محطة تراحيب خش من قبلها تمشي شوي

بسيارتك وثم تكمل برجلك وتشوف الجهه اللي ماشفتها من غدير البنات

والله يحيك في الطايف وتقبل مروري

[مهوس صيد]

مشكورين يا شباب وما قصرتم وانا اسف اني طولت بس النت صارله فتره ما يشتغل وانا انشالله يا بركان اذا رحت الطايف بكلمك عشان تقولي وين في اماكن حلوه في الطايف

[بركان الوله]

أهلا أخي مهوس صيد أنا في الخدمة
وأبشر أنت وجميع الأعضاء ,,,,,,,,,,,,,,,,,,,,,,
وسلامتكم جميع

[مهوس صيد]

تسلم يا بركان