الفزعه يا شباب مكشااااااات .. ابي شوركم بين اليوكن الدبل أوالبرادو !! [الأرشيف]

مشاهدة النسخة كاملة : الفزعه يا شباب مكشااااااات .. ابي شوركم بين اليوكن الدبل أوالبرادو !!

القابوعة

06/08/2007, 01:32 PM

حيا الله من زارنا .. فزعتكم يا شباب هاليومين بصراحه ودي اشتري سياره وكاله بس محتار بين اليوكن الدبل والبرادو
حيث ان سعرهم مقارب لبعض اليوكن الدبل مطلعه واحد من الشباب بـ (000ر128) والبرادو مدري كم سعره بالضبط بس قد سألته عنه يقولون في حدود سعر اليوكن يعين بميئه وثلاثين تزيد أو تنقص شوي ..
وخويكم محتار لما تعرفونه انتم عن السيارات الأمريكية من حيث الراحه والفخامه والشاشات والاكسسوارات والثلاجات مشاء الله شي خيالي يعني مركب مريييييييح جدا وان بغيت بر فهو دبل وخويكم مهوب راعي تطعيس لا .. شعبان وانت جاااي .. اما البرادو فهو لا يغيب عن احد فهو احد افراد اسرة تويوتا التي تتمتع بالقوة مع شوي شوي فخامه بس المركب والاكسسوارات مادري عنها وش رايكم يا شباب لو خيرت بين هالسياراتين وش تختار !! بصراااحه بالنسبه لي سؤال محير جداً .. مع اني من النوع اللي ما يبيع سياراته معي هايلكس موديل 92 وهو نظيف وفاكه وكاله يعني اذا شريت احدى هالسياراتين ستبقى معي بإذن الله الى ما شاء الله .. تكفون يا شباب اعطوني رأيكم

فيه نقطه اظنها مهمه .. يوم شاورت واحد وش رأيك بالسياراتين سألني سؤال ولم يجاوب على سؤالي واظن سؤاله جواب على سؤالي !!
والسؤال هو

:::: ما مصير السياراتين بعد الكرف لمدة عشر سنوات
من الذي سيصبر ؟؟ ::::

L I M I T E D

06/08/2007, 01:56 PM

شف يالغالي

بالنسبه لـ رايي الشخصي

شف اللي يناسبك من المواتر وترتاح له واستخر الله واشتره

لانك الحين في المنتدى فيه ناس تقدر الياباني وبتقول لك خذ برادو وبتقعد تعذرب في اليوكن والعكس

الموترين ماعليها وكلها من شركات طيبه

وحاول تقارن انت بنفسك وناظر احد هالسيارتين في موديل قبل عشر سنين يعني موديل 97

واي موتر اذا حافظة عليه بيدوم لك ان شاء الله

بالتوفيق ان شاء الله ،، والله يطعمك من خيرها ويكفيك من شرها مقدمآ

مكشات عنيزه

06/08/2007, 02:20 PM

من وجهت نظري آخذ اليوكن وانا مغمض
لان اليوكن سياره قويه وعائليه وبالخطوط تقل راكب طياره ما شاء الله
ومن ناحية اليوكن اذا كنت محافظ على السياره ولاتراقي وطعوس
فهي تبي تعيش معك عمر طويل......والعكس صحيح

اما البرادو فالسياره قويه ومن رأيي انه يصبر أكثر من اليوكن
حتى لو شديت عليه شوي لكن لايقارن بفخامة اليوكن والشكل الخارجي

مع العلم اني افضل الياباني على الامريكي لكن في هذه المقارنه
تغلب الامريكي على الياباني

وخذ قاعده على اغلب السيارات
اي سياره امريكي ولا ياباني عمره على حسب الاستعمال
اذا كان استعمالك نظيف يبي يطول عمر السياره
واذا كنت مهمل السياره اكتب على السياره السلام

ارجو اني افدت ولو بقليل وادعو لك بالتوفيق والإختيار السديد
تقبل مروري

إعصار

06/08/2007, 02:53 PM

البرادو ..

ياباني يعني :
سعره ماسك ..

يتحمل أكثر ..

معك في اي مكان بر بلد سفر الي تبي ..

فخم ديكوره حلو من جو بس في الفخامة يغطي عليه اليوكن ..

طبعآ هذا كلامي عن البرادو الفل الكامل ..

ولاتنسى وانا اخوك الاستخاره ..

Avalanche

06/08/2007, 03:40 PM

بدوي جنوبي

06/08/2007, 11:13 PM

اخي القابوعه

انا جربت سواقة اليوكن 2007 ما شاء الله قوة ورساوة في المنعطفات الشديدة
ومريح جدااااااااا في الخط ،،، عيبه الوحيد انه غير مزود بثلاجه ،،،

والوجه الامامي نازل وقريب من الارض ،،،،
ارشح اليوكن

بالتوفيق

Alwaily-Q8

06/08/2007, 11:30 PM

يا هلا ومرحبا..
مبروك مقدماً...
البرادو وأنت ما تشوف القاع...
http://www.mekshat.com/vb/showthread.php?t=96896

عاشق السيل

07/08/2007, 02:19 AM

رأيي الشخصي ،،

أفضل اليوكن على البرادو بمليون مرة ،،

وقبل كل شي الاختيار لك يالغالي ....

http://www.m5zn.com/uploads/00ea3cfba5.bmp (http://www.m5zn.com/)

الدحبول

07/08/2007, 02:54 AM

اليوكن مايتقارن مع البرادو
اليوكن يتقارن مع لاندكروزر

اليوكن أفضل

القابوعة

07/08/2007, 02:44 PM

بصرااااحه اشكر اللي ردو على موضوعي واشكرهم بعنف:D وشكر خاص لاخي L I M I T E D بصرااحه كلام موزون وكلام صادر من رجل مرت عليه تجاااارب وخبرااااات فجزاه الله خيرا ولا يهينون الربع الاعضاء والمشرفين فجزاكم الله كل خير .. وانشاء الله استخير .. وكأنني بعد ردودكم الجميلة ميلت على اليوووووكن .. وقبل ذلك استخير .. والله اني حسيت اني بين اهلي وأخواني .. تسلموووون ..
في امان الله

shaheenshah

07/08/2007, 03:20 PM

بعد عشر سنين ان الله عطانا وعطاك عمر دخل اليوكن للمعارض وشف كم يجيب لك ودخل البرادو وشف كم يجيب لك
الامريكي تشتريه جديد من الوكالة وسبحان الله بعد سنه يصير خشل وثقيل دم ولا ودك تشوفه واذا شفته ضيق صدرك والله الله من القرقعه ومستحيل تلقالك امريكي ما يهرب زيوت اتحدى اي واحد يقول غير هالكلام

انا اقول توكل على الله وعليك بالبراو (6 سلندر\) اما اربعة سلندر انحش عنه

عرق رملان

07/08/2007, 05:16 PM

الصوره الي ما خوذة عن اليوكن انه ما راح يمسك سعرة
اتمنى انك تزور المعارض وتشوف كم اسعار اليوكن 2007م عشان تعرف ان اليست حقيقة انه ما يمسك سعره !!!!!
هذا الكلام قديم يوم ان اليوكن غير مرغوب فيه ...
اذا انت واقف عند الاشارة او داخل مواقف عامة حاول تحط عينك على اليوكن وشوف نسبة انتشاره مع الناس وهذا دليل قاطع على انتشار شعبيتة بين الناس
انا وجهت نظري انك تجرب قيادة اليوكن وبعد ذلك البرادو ثم تستخير
ونصيحتي لك وراح تدعيلي لا تتعدى اليوكن
تراني معي يوكن مديل 2004م
ما شاء الله تبارك الله اجعل الي نصحني فيه بالجنة يالرب
واذا تبي زود راسلني على الخاص

العبرود1

07/08/2007, 05:48 PM

اخوي اليوكون سمعت من الناس ان فيه عيب

الا وهو دخول الهواء وتسمع صوت
اذا العيب هذا ماهو فيه توكل على الله واشتره
واذا بغيت شوري عليك بالاندكروزر حتى لو تاخذ مستخدم فلوسك تجيب لك موتر نظيف
والله يوفقك في السياره المناسبه

شبح الصحراء

07/08/2007, 06:12 PM

دامك من النوع الذي يعشعش بالسيارة عشر سنين وأكثر خذ عطي الله البرادو ما راح يخذلك بإذن الله لأنه من عائلة تويوتا لك وللزمن أما اليوكون حده خمس سنوات ويصير خرده تعافه نفسك ! .

هاوي الله

07/08/2007, 06:59 PM

;bl [ldg Gki p;dl

الدحبول

07/08/2007, 10:11 PM

;bl [ldg Gki p;dl

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:eek :
وش قصدك !!!!!!!!:confused:
ليكون الورعان :D

هاوي الله

07/08/2007, 10:22 PM

ماشاء الله عليك صح الورعان

راعي الروضة

08/08/2007, 12:53 PM

انا لي رأي ثاني ليه ماتشوف التاهو تراهم يمدحونه 000 او اللاندكروزر

القابوعة

11/08/2007, 02:40 PM

اخوي شبيه الصحراء كلامك حلو وجميل وموزون وخاصة انك عرفتني من النوع على ما قلت من اللي يعشعش بالسياره .. وبصراحه اعشعشبها عشاني احافظ عليها مرررره والواحد اذا حافظ على الشي صعب يبيعه واللى التنوع زين .. والبرادو ما يحتاج بس اذا صار قيمته مثل اليوكن !! وش رايكاخي :: اول مشاركه :: كلامك صحيح فعلاً اخي :: هاوي :: ما عرفت قصدك (ما شاء الله صح الورعان ) ودي اعرف وش تبغى !!!

برادو

12/08/2007, 01:18 PM

نصيحه من أخ أبعد عن الأمريكي لمجرد أنه أمريكي والله قهر ياخذون منك ريال. البديل موجود وبكثره ولله الحمد يعني منت منحد عليهم

شبح الصحراء

16/08/2007, 12:22 PM

سلمت يمينك يا برادو على هالكلام الموزون قاطعوا الصناعات الأمريكية خصوصاً السيارات فالبديل متوفر والحمد لله وهو أفضل من الأمريكي .