لمبات الريوس [الأرشيف] - منتديات مكشات

مشاهدة النسخة كاملة : لمبات الريوس

0العاصمي0

07/08/2007, 12:29 AM

السلام عليكم ورحمه الله وبركاته

اخواني انا عندي مشكله في اللمبات الخلفيه للسياره وهي اذا سحبت بريك ولعت لمبات الريوس ولمبات الاشارات على خفيف مع لمبات البريك ما ادري وش سبب المشكله
ولا عرضته على كهربائي لاني قلت استشير اخواني في مكشات وشوف وش المشكله وماخاب من استشار

باترول 4×4

07/08/2007, 12:33 AM

يمكن فيه تلامس لأسلاك لمبات الريوس مع لمبات الفرامل والإشارة
لكن ما قلت لنا وش نوع سيارتك .

0العاصمي0

07/08/2007, 12:34 AM

باترول اشكرك لسرعه الرد
السياره فان شفر

L I M I T E D

07/08/2007, 12:44 AM

يبدو انك مغير الاصطبات او الشمعات من فتره قريبه

ولعل ان اللي ركبها لك ركب حق البريك محل حق الريوس

وصارت تشتغل بالعكس

حاول انك تشيك عليها بحيث انك تفك الاصطب الخلفي

ويصير واحد غيرك يركب الموتر ويضرب بريك وانت فك الشمه حقت البريك وركبها محل الريوس

الشغله سهله ماتحتاج كهربائي

0العاصمي0

07/08/2007, 12:54 AM

اخوي ليمتد مالك لوا الموتر ماغير اسطباته
واللمبات حقت البريك تشتغل كلها إذا سحبت بريك وتشتغل معها لمبات الريوس والاشارات وتكون اضائتها خفيفه مهيب قويه
ونسيت لا اذكر انه اذا سحبت البريك تشتغل المبات حقت الاشاره اللي في الطبلون وتكون مستمره الين افك رجلي عن البريك ونرها ضعيف مهوب قوي واذا دقيت اشاره يطلع النور عادي في الطبلون و الانوار الخلفيه

باترول 4×4

07/08/2007, 01:23 AM

أنصحك تصلح هذه الأمور ليس لذاتها فهي بسيطة ولكن للتأكد من كهرباء السيارة والظفيرة .فقد تجد أشياء أخرى بالكهرباء .
لأن الكهرباء من أخطر الأشياء في السيارة ، وهو السبب الرئيس في حرائق السيارات بعد الحرارة والحوادث ، ما أقول هذا الكلام إلا لمجرد النصح فقط وإلا إن شاء الله ان اللي في سيارتك أشياء يسيطة .لكن ما يمنع انك تتأكد مادام ظهرت لك بعض الأشياء .ودرهم وقاية خير من قنطار علاج .

m1m

07/08/2007, 02:50 AM

الواضح أنه التماس خفيف ..أو يكون من بعض الفيوزات

alkongrs

07/08/2007, 04:11 AM

التماس خفيف

مجتهد***

07/08/2007, 08:00 AM

هذي فلسفت كهربائي
تسبب في ألتماس بسيط
الأمر هين

0العاصمي0

07/08/2007, 08:18 AM

L I M I T E D

07/08/2007, 10:24 PM

ماازيد عن كلام الاخوان

اكيد ان فيه التماس بالكهرباء

ويخلي الوضع مخترش

وده عند اي كهربائي ويعرفها ان شاء الله

بـ النسبه للطريقه مااعرفها صراحه

هاوي الله

07/08/2007, 10:37 PM

الكهربائي عند الله ...

باترول 4×4

12/08/2007, 06:02 AM

باترول بيض الله وجهك بس كيف ادري من وش الخراب
m1m & ولد العمده & مجتهد بيض الله وجيهك لكن كيف اعرف موقع الالتماس
وبيض الله وجيهكم مرتن ثانية ونخدمكم في الافراح

ننتظر مشاركه اخواننا في مكشات

ووجهك أبيض يالغالي ، وبالنسبة للخراب أعتقد أنه التماس أسلاك ومكانه يمكن يكون في الاصطبات الخلفية أو الأمامية أو الطبلون أو الظفيرة ، وأرجح أن يكون في الاصطبات الخلفية أو الأمامية لأن السلك الكهربائي إذا حصل التماس في أي جزء منه ظهر ذلك على كل أجزائه من الأمام والخلف .
والنسبة لسؤالك كيف أدري ؟ ناظر الأسلاك في الاصطبات هل فيه سلك متلامس مع سلك ثاني .
أنصحك تروح لكهربائي ثقة وتريح بالك .لكن لا تنسى تفيدنا وش صار معك .

شاص

12/08/2007, 06:25 AM

تصير هالمشكلة أحيانا إذا تم تغيير لمبة الفرامل اللي بالاسطب بلمبة ذات خط واحد بينما هي ذات خطين يعني تولع مع النور وتولع بقوة إذا دعست فرامل فلعلك تشيك عليها