ابي شوركم (( ابشتري سياره ولا ادري وش اشتري ))

[ابـ معزي ـو]

السلام عليكم

مساكم الله بالخير

يالربع انا محتار مدري وش اخذ موتر .. باترول من موديل 90إلى97 او باث فندر من موديل 200إلى 2003 والا هيلوكس موديل 2002 .. مع العلم ان فلوسي كله (( 30 الف )) الله لا يحيرنا بدينه .. تكفون يالربع ابي شوركم

واذا فيه سيارات تستاهل غير هالسيارات وتكون بالسعر ذا قولو لي ولاتبخلون علي

تكفووون يالربع

[بدوي جنوبي]

عليكم السلام

هلا وغلا توكل علي الله وخذ باث وان شاء الله تكفي فلوسك

بالتوفيق

[كاشخ 24 ساعه]

30 الف حتى الكوري ما تجيب لك

السيارات والله ياخوك اسعارها نار والعياذ بالله

تصدق انا لاقي باث 2005 ب70 الف


انا شخصيا بروح واشتري وكاله حتى لو انه غالي احسن ما اطب في سياره مستعمله وغاليه حيل ويمكن بعد تمشكلك بخراباتها


الله يوفقك

[عاشق السيل]

وعليكم السلام ومساك الله بالرضا والعافية ،،

حسب خبرتي الضعيفة جدا بسوق السيارات أتوقع إن فلوسك ماتجيب كل السيارات اللي قلتها ويمكن تجيب بعضها طبعا الكلام هذا يتعلق بالموديل ،،

لكن الأنسب لك إنك تاخذ باث فايندر موديل 2000 وإن شاء الله تلقى النظيف بهالقيمة ،،

أما الباترول ( 4 أبواب ) يمكن تلقى من موديل 92 وتحت ،، والبابين من 94 وتحت ،،

أما الهايلكس إن شاء الله تلقى 2002 لكن ماعندي به علم ،، وبرضو أنصحك بالباث !!

تقبل مروري يالغالي والشباب أكيد بيفيدونك اكثر مني .....


http://www.m5zn.com/uploads/00ea3cfba5.bmp (http://www.m5zn.com/)

[مقهوي الذيب]

وعليكم السلام

والله لوتزدها شوي يكون افظل بس 30 شويه الله يعين00 انصح ب

الباترول00000
ولاتخذ باثفيند2003 في خلل مصنعي اخوي معه واحد ظربت مكينته و3 من اخويا غير شرنا له مكينه14000
مدويل2005 افظل وماشيه 00000000000
وسألت كذا ورشه عارفين المشكله في 2003

[الدحبول]

فلوسك تجيب هايلوكس 2002
وباترول 1994 أو 1995
وتجيب باث 2000
كل السيارات التي ذكرتها ليست من فئة واحدة
1) ونيت سيارة نقل 5 ركاب للغمرتين
2) جيب صالون 8 ركاب
3) جيب صغير 5 ركاب
@@@@@@@@@@2
هايلوكس 2002

[محب الرمنغتون]

اشتر بها (( دير)) بك اب جديد ومكيف 0

[ابـ معزي ـو]

الله يعطيكم الف عافيه .. ماقصرتو والله .. تعبتكم معي
لكن اغلب الشباب ماينصحوني بالباث ....ليه مدرٍي وانا برضو سمعت ان فيه خلل بالصنع
ودي اسأل بكم يمكن ألقى قيمة الباترول من موديل (( 93 -96 )) .. مع العلم ان الباترول المطلوب ربع(( سلوقي ))

[السنع كله]

اياك رب هداك من الموديلات القديمة ترها تعرفك على كل ورشة والغيار اليوم غالي جدا واصبر على مويترك لا يجيك اردى منه اخوي خاصة البترول ترى ماله بقية ابد يجي طيحة جدار يحفظك ربي من كل مكروه

[a f h]

حياكم الله ياخوان انا ماني بعيد من اخو ابو معزي الله يعينا وياة لكن انا فلوسي بين 50و60الف ارجو المشورة وش اخذ سوا سيارة بر او ديرة بشرط تكون جديدة او شبة جديدة اخوانى ياخوانى ما استغني عن مشورتكم .

[أبو علي 444]

الـــ 30000 ريال ماتجيب هايلكس غمارتين بالموديل الي ذكرت بل من موديل 98 ..((مواصفات غمارتينglx))

أما بالنسبة للباث أبعد عنه ..إذا كان عاجبك لاتشتري أقل من 2005

فمن وجهة نظري انسب موتر لك الباترول ..توكل على الله

ولاتنساني من عائك

[أبو علي 444]

حياكم الله ياخوان انا ماني بعيد من اخو ابو معزي الله يعينا وياة لكن انا فلوسي بين 50و60الف ارجو المشورة وش اخذ سوا سيارة بر او ديرة بشرط تكون جديدة او شبة جديدة اخوانى ياخوانى ما استغني عن مشورتكم .

كيف تبي تأخذ شورنا وحنا ماندري عنك أنت راعي بر ولا راعي خطوط ...

وبعدين حددلنا عدة سيارات من خلالها نعطيك المشورة

[a f h]

اخو ابو علي 444 بارك الله فيك انا قلت سيارة بر ولا ديرة كلة سوا اما من ناحية تحديد السيارة انا خليت الموضوع مفتوح علشان يكون الامر فية سعة لكن طبعا تكون السيارة شعبية , ومرة اخرى اقدم شكري لحسن تجاوبكم .

[أبو علي 444]

طيب أخوي حدد أستخدامك بشكل عام أنت راعي بر ولا ديرة ...

أنت بكذا تعقد الأمور شوي .. الأفضل اتحديد النوع الي ببالك ..

[سحابه]

السلام عليكم ورحمة الله وبركاته
عندي سؤال لو تكرمتوا ؟
ما عيب الباث موديل 2004 2003 ؟
ناوي اشتري موتر بر وكذالك رزه واحس اني لقيتها في الباث؟ لكن اذا فيه عيوب كبيرة أديور من قريب ؟
اعذروني على اللفظ

[B E R A T T A]

أنصحك بالباترول بس موديل 99 وفوق
وإن ماكفت قروشك خذ باترول ربع

تراوه رخيص أنا قبل شهرين بايع باترول باب سلقه

ب28000 ألف بس الله يعينك على البنزين

بس أنتبه ترى الباترول99 سعره حول الـ30000 ألف مايتعدى

بس عنديلك راي يمكن يعجبك اللي هو ددسن دبل او عادي تراوه حلو وقطع غيار بلاش

أهم شي لاتاخذ موتر قديم حتى لو أنه نضيف

والله يوفقك