تعب وانا ادورلي....

[ابو جلعود]

السلام عليكم ورحمه الله وبركاته


الله يحيييكم يالربع .

انا ابي لي طير شاهين ولا وكري يبيض الوجه وسعره حليو موب غويلي في الرياض موقعي

والله اني تعبت وانا ادور خصوصا انى مبتدأ وهاوي والله الطير هوى مالي حيله يالربع

ما غير اناظر بهطيور المزيونه وصيدها مشاء الله لا يضرهن ..

الي يذكر له شي ولا عنده شي يحط رقمه ولا يشوف لي حل ياربع ماعاد اقدر اتحمل .

وبيض الله وجيهكم .

[سلطان2007]

ابو جلعود ..

ابد مالك الا طيبة الخاطر يالغالي ..

ادخل على هالموضوع وشوف اللي يجوز لك واذا تبي شي منهم ارسلت لك رقمي على الخاص ..

http://www.mekshat.com/vb/showthread.php?t=97830

دمت بخير ..

[*الـزيـن*]

وعليكم السلام والرحمه

عندي شيهانه ايرانيه مقاسه طيب بالحيل 14

وسبق فارط ماتخلي ولا حمامه وهاديه بالحيل ولا تصيح ولا تكوش ومشروطه

والصيد كراوين ياطويل العمر ونورس

ومعلمه على 3 حبشيات

قرناس ثالث

اذا جازلك ارسلي سومتك على الخاص



اخوك الزين

[بومعطش]

أخوي الزين وين مكان الشيهانه؟؟
وكم السوم عليها؟؟وكم مبقيه من الريش؟؟

[*الـزيـن*]

الشيهانه بالشرقيه بمقيض ابو فالح بالدمام

واليوم مريت عليهم ومصفيه وهذا ميزت الشواهين الايرانيه يصفن مع الحرار

ويكفي ابو فالح مدح في الطير وهذا يكفيني

والطيره ماعليها اخلاف

وكانك تسئل عن السوم ماجاها سوم للحين لاني ماعرضتها للبيع الا الان

[راعي جملا]

الشاهين بحريه ولا

[*الـزيـن*]

الايرانيه جبليه وانا اخوك

[فتى باريس نجد]

اخوي الزين كم وصل السوم على الشهانة الايرانيه

[*الـزيـن*]

http://www.mekshat.com/vb/showthread.php?t=98658