نواف الردعي
23/07/2003, 03:15 AM
قصه خالد بن محمد الرويس
من اشهر قناصة الطيور في الشمال
خاويته ونعم الرجل ........ في فجر يوم من ايام المقناص المشحونه بالتوجس والترقب وبعد ان شرب المهيله وتقهوى الحليب طبعا قبل صلاة الفجر وتعوذ من الشيطان وصلى مع الجماعه في مسجد المخيم
كان جيب خالد مشتغل له ربع ساعه وهو مشغول بتليين الشبك على البراد وتركيب العفش وتجهيز الحمام والمريعيات احس خالد ببعض التعب ربما انه لحقه بعض الارهاق في مقناص اليوم السابق او انه لحقه برد
المهم اشتغلت المواتر وكلن حرك من المخيم على وجهته ماعدى خالد قال بينه وبين نفسه الارزاق موزعه والمقسوم يبي يجي سواء مشيت هالحين او تاخرت
خالد اخذ غطه بعد الصلاه الى ان طلعت الشمس حوالي الساعه السابعه
لم يكن الكنود متوفرا في تلك الايام ولا القارمن
القصه ترجع الى حوالي 1412
حرك خالد من المخيم بمفرده كان في باله انه سيستمر الى الساعه التاسعه ويرجع للمخيم
الحماد مليان بالسيارات كلن يبحث عن نصيبه
اخذ خالد وجهه غير اتجاه القناصه
حمامه معه ..... مريعياته معه كل شي جاهز ماعدى؟؟؟؟؟؟؟؟؟؟؟
ماعدى الهمه لان خالد يحس بتعب وربما بدايه حمى
تناول حبتين فيفادول لخفض الحراره متلحف الفروه ... صاك اللطمه الى عن فمه لان الدله الاخيره زالها في الترمس طبعا لطمة قناص
يتقهوى وعلى هونه طلع ذاك الرجم مد الدربيل شيك على الحماد عشق الجيب مشى من رجم الى رجم وعلى هونه
الساعه الثامنه الى ذيك المروه لاا مروه لا حصاه هااااااااااااه لا مروه كبيره تبلص من الشمس خالد قناص محترف قلبه فز
فز فزه لا يمكن ان تخطيء
مد ابو محمد دربيله الا والعين وما تشوف
ذاك الفرخ اللي مناحر للشمس ارتجف خالد صب العرق منه معقول يا الله
تمالك نفسه ابو محمد المكان خالي من القناصه
هو بحاجه الى مساعده اذا لزم الامر خوياه ما يدري وينهم
ليس لهم ذنب انهم مشوا وتركوه لانه استاذن منهم انه ما يقدر يقنص اليوم وسيكملها نومه .. ولاكن القناص
مبلي....... استمر خفقان قلب خالد الحمام ملبس الشبك بعضه في الصندوق واللي ملبس معه في الغماره اللي تحت المرتبه واللي محل الرجلين واللي في الدرج ويالله وانت ماشي
وقف خالد ودربل وتاكد انه الطير اللي ماله خليط................ حرك من مكانه سنح الطير من بعيد الطير على يساره هالحين استمر وخلى الطير الين ابعد شوي رجع مره ثانيه في هذه الاثناء كان خالد مشغول في فك الحمامه اللي تحت المرتبه لان العيون حقه الشبكه ناشبه في مسامير المرتبه خم الحمامه الثانيه اللي عند محل الجلين للراكب الى واحد من عيون الشبكه ناشب في رقبة الحمامه ان وقف ربما يكفخ الطير .... استمر وانحرف يسار والطير على يمينه وروح كان ماهوب يمه جهز الحمامه صار معه حمامتين جاهزات رجع مره ثالثه مخلى الطير على يمينه من يوم صار الطير على يمينه مباشره نطل له الحمامه واستمر في دربه الحمامه ماصدقت خبر زبنت للسياره خالد حط رجله ونش الموتر وعينه على الطير الطير كفخ وبدئت المطارده .. خالد في المقدمه يليه الحمامه يليه الطير الغبار غطى الحمامه وانحرفت .. خالد ضيع الطير واحمامه رجع وحاول يطلع عن الغبار الى الحمامه ناصيته والطير وراها ماجاب خبر خالد ولا جيبه ... خالد قلبه يدق في الدقيقه 220 دقه ريقه نشف عرقه يصب الطير وصل للموتر الحمامه تحاول ان تدخل تحت الموتر قبل ما تاصل للموتر بعشرة امتار خمها الطير الخمه اللي يحبها قلبك ظفها روح بها ... مشكله وش يظمن انه شبك لاكن خالد بخبرته ترك الطير وحمامته وخلاه يروح وتابعه ووراه ووراه بدون ان يزعج الطير وعطاه فرصه انه يتمتع بها فغلا وقع الطير واخذ يفرس الحمامه... وخالد وقف وصار يراقب الوضع خالد في قلق الان هل شبك الطير ام لا هل معي فرصه لاعداد حمامتين او ثلاث الان ... راحت الحمى نزلت مع العرق خالد الان في اجمل لحظات عمره واشرسها على الاطلاق رهبه؟؟ ترقب.. فرصه,,متعه قناص اضطراب قلق دربل خالد الا الطير في وضع غير طبيعي ترك العلف وصار يتحرك حركات غير طبيعيه فيها خوف وعلامات استفهام
شــــــــــــــــــــــــــــبــــــــــــــك الطير تل الموتر عليه ضف الحمامه وروح الشك يراود خالد عطى الموتر وراه ضرب بوري عليه اطلق الطير الحمامه الى وهي عالقه في احد اصابعه وتدودل يا سلام
وهات يالرويس ووراه ووراه كيلو كيلوين ثلاثه سبعه عشرهالين انهك الطير بدي ينهار وكل مامنه وينخفض ويالله ووراه ووراه الين صار بينه وبين الارض متر ومعه وارك عليه طبعا بطريقه فنيه مايعطيه فرصه يوقع ولا يعطيه فرصه يكسر الحوم يبءى أبلني اذا كسر الحوم
خالد ورى الطير الين انهكه مررررررررررررررررررره مره عرف خالد ان الطير خلاص ماعلد فيه حيل وخالد اصلا ماعاد فيه حيل من تلف الاعصاب
قرب خالد من الطير مره الين طاح الطير نزل عليه خالد ولحقه ووراه الين طاحت كبده رجع للسياره الطير في هذه اللحظات وقع واخذ نفس خالد رجع للسياره منهك ووراه وتبدى المطارده الثانيه وهات وعندك وعندك والطير خلاص ماعاد فبه حيل تاكد خالد ان الطير انتهى لحقه لين قرب منه وخلاه على يساره طب من الموتر والموتر بالثاني وورا الطير على رجليه ويركض باسرع ماعنده مابينه وبينت الطير الى متر ؟؟؟؟؟؟؟؟؟؟؟؟؟
السياره راحت معشقه بالثاني راحت عن خالد وخالد ورى الطير يطرده مره ينوشه ومره يطيح ويستمر خالد مادرى عن السياره ويركض حوالي نص كيلو ورى الطير ويطيح الطير ويطيح خالد عليه ويقعد له ربع ساعه وهو مجود الطير طايح على بطنه يسترد نفسه والطير مثله يوم ردة روحه له الا لا سياره ولا برقع
مشكله السياره رايحه تمشي على اتجاهها وتعرفون الحماد الله وكيلك مطار
بلش خالد بالطير ما معه ماء يرشه ...لا يرش نفسه قبل والموتر راح
ولاكن ابو محمد صقار محترف نزل ثوبه واخذ فنيلته ومهد الطير بالفنيلهوحمامته معه الجيب التعيس
الهامل اللي ماله والياستمر حوالي كيلوين وهو يمشي الين عارضه موتر ددسن فيها شيبان قناصه شافو الموتر مفتوح بابه ويمشي ولا فيه احد لحقوه ووقفوه وتبعو جرته الين شافو خالد جوه وعطوه موتره جلس هوياهم برقع طيره ركب السبوق بخه بالماء ظبط وضعه
من هذه اللحظه انتشر في الحماد كله خبر الطير رجع خالد للمخيم مافيه الا الهندي طق الوكر حط الطير
ضبط وضعه طبعا الشيبان عزمهم خالد للعشاء ووافقو انهم يجون
وصلو خوياء خالد الى المصخن صايد طير ان لم يكن افظل طير في ذلك الموسم انتشر الخبر جو السوامه بداء المزاد بيع الطيربمبلغ 160 الف ريال مائه وستون الف ريال كان نصيب الشيبان منها عشرون الف ريال
هذه قصه قناص من اشهر هل الطيور اللي خاويتهم في الشمال ونعم فيه وفي اهل الشمال كلهم
والمره الجايه سوف اسرد لكم قصه الصقار سلامه طليان العنزي والنقل والميكانيكا
أمل ان تحوز على رضاكم
الردعي
من اشهر قناصة الطيور في الشمال
خاويته ونعم الرجل ........ في فجر يوم من ايام المقناص المشحونه بالتوجس والترقب وبعد ان شرب المهيله وتقهوى الحليب طبعا قبل صلاة الفجر وتعوذ من الشيطان وصلى مع الجماعه في مسجد المخيم
كان جيب خالد مشتغل له ربع ساعه وهو مشغول بتليين الشبك على البراد وتركيب العفش وتجهيز الحمام والمريعيات احس خالد ببعض التعب ربما انه لحقه بعض الارهاق في مقناص اليوم السابق او انه لحقه برد
المهم اشتغلت المواتر وكلن حرك من المخيم على وجهته ماعدى خالد قال بينه وبين نفسه الارزاق موزعه والمقسوم يبي يجي سواء مشيت هالحين او تاخرت
خالد اخذ غطه بعد الصلاه الى ان طلعت الشمس حوالي الساعه السابعه
لم يكن الكنود متوفرا في تلك الايام ولا القارمن
القصه ترجع الى حوالي 1412
حرك خالد من المخيم بمفرده كان في باله انه سيستمر الى الساعه التاسعه ويرجع للمخيم
الحماد مليان بالسيارات كلن يبحث عن نصيبه
اخذ خالد وجهه غير اتجاه القناصه
حمامه معه ..... مريعياته معه كل شي جاهز ماعدى؟؟؟؟؟؟؟؟؟؟؟
ماعدى الهمه لان خالد يحس بتعب وربما بدايه حمى
تناول حبتين فيفادول لخفض الحراره متلحف الفروه ... صاك اللطمه الى عن فمه لان الدله الاخيره زالها في الترمس طبعا لطمة قناص
يتقهوى وعلى هونه طلع ذاك الرجم مد الدربيل شيك على الحماد عشق الجيب مشى من رجم الى رجم وعلى هونه
الساعه الثامنه الى ذيك المروه لاا مروه لا حصاه هااااااااااااه لا مروه كبيره تبلص من الشمس خالد قناص محترف قلبه فز
فز فزه لا يمكن ان تخطيء
مد ابو محمد دربيله الا والعين وما تشوف
ذاك الفرخ اللي مناحر للشمس ارتجف خالد صب العرق منه معقول يا الله
تمالك نفسه ابو محمد المكان خالي من القناصه
هو بحاجه الى مساعده اذا لزم الامر خوياه ما يدري وينهم
ليس لهم ذنب انهم مشوا وتركوه لانه استاذن منهم انه ما يقدر يقنص اليوم وسيكملها نومه .. ولاكن القناص
مبلي....... استمر خفقان قلب خالد الحمام ملبس الشبك بعضه في الصندوق واللي ملبس معه في الغماره اللي تحت المرتبه واللي محل الرجلين واللي في الدرج ويالله وانت ماشي
وقف خالد ودربل وتاكد انه الطير اللي ماله خليط................ حرك من مكانه سنح الطير من بعيد الطير على يساره هالحين استمر وخلى الطير الين ابعد شوي رجع مره ثانيه في هذه الاثناء كان خالد مشغول في فك الحمامه اللي تحت المرتبه لان العيون حقه الشبكه ناشبه في مسامير المرتبه خم الحمامه الثانيه اللي عند محل الجلين للراكب الى واحد من عيون الشبكه ناشب في رقبة الحمامه ان وقف ربما يكفخ الطير .... استمر وانحرف يسار والطير على يمينه وروح كان ماهوب يمه جهز الحمامه صار معه حمامتين جاهزات رجع مره ثالثه مخلى الطير على يمينه من يوم صار الطير على يمينه مباشره نطل له الحمامه واستمر في دربه الحمامه ماصدقت خبر زبنت للسياره خالد حط رجله ونش الموتر وعينه على الطير الطير كفخ وبدئت المطارده .. خالد في المقدمه يليه الحمامه يليه الطير الغبار غطى الحمامه وانحرفت .. خالد ضيع الطير واحمامه رجع وحاول يطلع عن الغبار الى الحمامه ناصيته والطير وراها ماجاب خبر خالد ولا جيبه ... خالد قلبه يدق في الدقيقه 220 دقه ريقه نشف عرقه يصب الطير وصل للموتر الحمامه تحاول ان تدخل تحت الموتر قبل ما تاصل للموتر بعشرة امتار خمها الطير الخمه اللي يحبها قلبك ظفها روح بها ... مشكله وش يظمن انه شبك لاكن خالد بخبرته ترك الطير وحمامته وخلاه يروح وتابعه ووراه ووراه بدون ان يزعج الطير وعطاه فرصه انه يتمتع بها فغلا وقع الطير واخذ يفرس الحمامه... وخالد وقف وصار يراقب الوضع خالد في قلق الان هل شبك الطير ام لا هل معي فرصه لاعداد حمامتين او ثلاث الان ... راحت الحمى نزلت مع العرق خالد الان في اجمل لحظات عمره واشرسها على الاطلاق رهبه؟؟ ترقب.. فرصه,,متعه قناص اضطراب قلق دربل خالد الا الطير في وضع غير طبيعي ترك العلف وصار يتحرك حركات غير طبيعيه فيها خوف وعلامات استفهام
شــــــــــــــــــــــــــــبــــــــــــــك الطير تل الموتر عليه ضف الحمامه وروح الشك يراود خالد عطى الموتر وراه ضرب بوري عليه اطلق الطير الحمامه الى وهي عالقه في احد اصابعه وتدودل يا سلام
وهات يالرويس ووراه ووراه كيلو كيلوين ثلاثه سبعه عشرهالين انهك الطير بدي ينهار وكل مامنه وينخفض ويالله ووراه ووراه الين صار بينه وبين الارض متر ومعه وارك عليه طبعا بطريقه فنيه مايعطيه فرصه يوقع ولا يعطيه فرصه يكسر الحوم يبءى أبلني اذا كسر الحوم
خالد ورى الطير الين انهكه مررررررررررررررررررره مره عرف خالد ان الطير خلاص ماعلد فيه حيل وخالد اصلا ماعاد فيه حيل من تلف الاعصاب
قرب خالد من الطير مره الين طاح الطير نزل عليه خالد ولحقه ووراه الين طاحت كبده رجع للسياره الطير في هذه اللحظات وقع واخذ نفس خالد رجع للسياره منهك ووراه وتبدى المطارده الثانيه وهات وعندك وعندك والطير خلاص ماعاد فبه حيل تاكد خالد ان الطير انتهى لحقه لين قرب منه وخلاه على يساره طب من الموتر والموتر بالثاني وورا الطير على رجليه ويركض باسرع ماعنده مابينه وبينت الطير الى متر ؟؟؟؟؟؟؟؟؟؟؟؟؟
السياره راحت معشقه بالثاني راحت عن خالد وخالد ورى الطير يطرده مره ينوشه ومره يطيح ويستمر خالد مادرى عن السياره ويركض حوالي نص كيلو ورى الطير ويطيح الطير ويطيح خالد عليه ويقعد له ربع ساعه وهو مجود الطير طايح على بطنه يسترد نفسه والطير مثله يوم ردة روحه له الا لا سياره ولا برقع
مشكله السياره رايحه تمشي على اتجاهها وتعرفون الحماد الله وكيلك مطار
بلش خالد بالطير ما معه ماء يرشه ...لا يرش نفسه قبل والموتر راح
ولاكن ابو محمد صقار محترف نزل ثوبه واخذ فنيلته ومهد الطير بالفنيلهوحمامته معه الجيب التعيس
الهامل اللي ماله والياستمر حوالي كيلوين وهو يمشي الين عارضه موتر ددسن فيها شيبان قناصه شافو الموتر مفتوح بابه ويمشي ولا فيه احد لحقوه ووقفوه وتبعو جرته الين شافو خالد جوه وعطوه موتره جلس هوياهم برقع طيره ركب السبوق بخه بالماء ظبط وضعه
من هذه اللحظه انتشر في الحماد كله خبر الطير رجع خالد للمخيم مافيه الا الهندي طق الوكر حط الطير
ضبط وضعه طبعا الشيبان عزمهم خالد للعشاء ووافقو انهم يجون
وصلو خوياء خالد الى المصخن صايد طير ان لم يكن افظل طير في ذلك الموسم انتشر الخبر جو السوامه بداء المزاد بيع الطيربمبلغ 160 الف ريال مائه وستون الف ريال كان نصيب الشيبان منها عشرون الف ريال
هذه قصه قناص من اشهر هل الطيور اللي خاويتهم في الشمال ونعم فيه وفي اهل الشمال كلهم
والمره الجايه سوف اسرد لكم قصه الصقار سلامه طليان العنزي والنقل والميكانيكا
أمل ان تحوز على رضاكم
الردعي