مطلوب رأي الجميع

[sami2003]

الى الجميع مع التحية
ماهو الافضل بين باترول و باجيرو (ميتسوبيشي)
من حيث القوة --- السعر-- المرونة في البراري والتطعيس
وشكراً للجميع

[جرناس]

والله عن راي ما انصح الا بالاند وغيره لا تدور بس اذا تبي راي بالي انت حاطهم انصحك بالمستوبيشي
وانحش عن شي ينقاله بترول
و سلامتك

[الأشهـــــب]

بالنسبة للباجيرو الحقيقة أنا ماجربته ، لكن كل من جربه يمدحه من حيث قوة عزمه وجبارته ، ويمكن أنك تلاحظ قلته بشكل كبير عندنا هنا بالسعودية والسبب في ذلك هو إحتكار الوكيل لها وسعر قطع الغيار الفاحش ، وذلك للمتسوبيشي ككل ، وقد يعيب الباجيرو هو ضيق المقصورة الداخلية للركاب مقارنةً بغيره من السيارات الأخرى من مثيلاتها . وهي مرغوبة بشكل ملفت للنظر في الكويت.
أما بالنسبة لكلام الأخ : جرناس فأنا معه من حيث كلامه أن الاند كروزر لايعلى عليه لعدة أسباب قد تناولها الأخوان في موضوع سابق في هذا الشأن . ولكني أختلف معه في كلامه ((إنحش عن الباترول )) فالباترول وإن كان به بعض العيوب ، ولكن فهو ليس بهذا القدر من السوء .

وتقبلوا خالص تحياتي ،،،،،،،،،،،،،،،،،،،،،

[الدبل الثقيل]

السلام عليكم ورحمة الله وبركاته...

ياخوي الاندكروزر اولا لجودته واسعار قطع غياره معقوله وعند البيع يجيب سعر ممتاز خصوصاً اذا ماجاه حكه او حادث (الله لايقدر على احد من المسلمين) وعيوبه قليله منها انه من الامام عكوس وهي تبلشك في الصيد والطرد هذا ان كان تبا صالون.. وعيبه الثاني انه ثقيل شوي (مقارنة بالباترول) . اما التويوتا الشاص والربع اشتره ولا تشاور احد ممتازه جدا جدا جدا ولكن الشاص خذ الخليجي ابو ثمان سست اريح (تحصله عندالبازعي في الرياض).
وبعده الباترول ممتاز لكن فيه بعض العيوب مثل انه يقربع بعد فتره واسعار قطع غياره شويه غاليه ويطيح سعره .. وفيه مميزات تميزه عن باقي الجيوب منها خفته (مقارنة بالجيوب اللي في حجمه).. وان الدفرنس الأمامي موصول مع الكفرات بعمود كامل وهذا افضل خصوصاً راعي البر والصيد والطرد لأنه يكد اكثر من العكوس ( العكوس اذا كنت راعي بر بعد ثلاث سنوات لو ماغيرت الجلود حقت العكوس تروح عليك العكوس ويبغالها تغيير)

اما الباجيرو لاتقربه ولا تفكر فيه ابد. لو انه زين كان طاحوبه الناس لكنه شين عيوبه اكثر من مميزاته
واقولك (انحاش من شيء يقاله باجيرو) والله ماينفع بريال..

وجزاك الله خير..

[الاجودي]

من واقع التجربة


اذا انت ناوي سنه او سنتين وتبيع خذ لاند كروزر

اما اذا انك ناوي تستخدم الله الله بالباترول

اول شىء ارخص من اللاند واقوي وقير مزدوج وسيارة معروفة مايبغاله مدح

لكن عيبه سعره يطيح بسرعه ما يمسك سعره مثل اللاند

اما الباجيرو ما انصحك وكيله زفت وقطع غيار نار