عطل حير المهندسين لعل المنتدي يحلها(اصحاب الباترول)

[الباترول]

عندي باترول2003vtcبداء معي اول مره قبل اسبوعين كنت اتمشي 30كم طفا الموتر احاول اشغل مافيه فايده افحص الفيوز كل شي تمام البانزيم فوق النص الموتر يدق لكن مايشتغل في النهايه شغلت الاضافي ثم اشتغل وزبط قلت يمكن البانزيم قاضي والعيار معلق .المهم عبيت من اقرب محطه وجدت ان التانكي ماكان فاضي يعني العيار صحيح. مشت الامور بعدها زي الحلاوه مافيه مشاكل يعني الوضع طبيعي.
بعدها بأيام مسكت الخط 140كم بعد ماجاء العيار علي النص طفا الموتر واشغل الاضافي ويمشي وعبي من اقرب محطه ويتضح ان التانكي مخلص.عبيت ومشيت وبعدمسافه بين النص والخط اللي فوقه طفا .عبيت ومشيت مسافة 250كم بدون مشاكل وصلت البيت والان الوضع عادي جدا ما فيه الشيء.
ارجو من عندهالحل او مر بالحاله نفسها لايبخل علينا.
ولكم جزيل الشكر

[باترول للأبد]

أن شاء الله اللي صادفتهم المشكلة يفيدونك

[راعي ساموده]

انا اخوي معه زي سيارتك كل شوي تطلعله مشكله مره بالتانكي الاضافي مره طرمبة البنزين ماتشتغل بصراحه انه سياره تطربك بالرمل بس كثرة خراباته الصغيره تكرهك بهالسياره

[ابورانا]

هل كنت في طلعه يمكن اذا

[الدحبول]

شيك على ليات البنزين

[المحبوب11]

المشكله ياخوي شيك على عوامة التانكي خربانه
هذا اللي يطهر لي من كلامك( والزبدة فك التانكي ويبين العيب )
وشكرا

[algnaa9]

مرحبا يا اخوي مشكلتك ان شاء الله بسيطه بدل العوامه اللي في التانكي وعقب تعال كلمني وانصحك بحقة الكامري ترا يمدحونها

[الجيب الريو]

عندي لك سؤال اذا كان المشكلة دايم تصير بالظهر فقط
أما عوامة البنزين ما لها علاقة لأنك تقول المشكلة موجودة والتانكي الكبير فيه بنزين
أنتظر جوابك

[محتري السيل]

2003

نصيحة وده للوكالة

[واحد 1]

نفس المشكلة حصلت معي خاصة في الشتاء غيرت الصفاية وزال الخلل بعدها
حاول تنضف التانكي وإن شاء الله تنحل مشكلك

[خشمً طيب]

لا لا لا لا لا لا لا لا لا
المشكلة بسيطة وتصلحها انت بيدك

فية افياش حول التا نكي واحد منها منفك ركبه اكيد انك واطي شي على الخط مثل قطعت كفر او ما شابه وتسببت في فك الفيش

[Avalanche]

أغلب الظن انه لديك مشكلة بالتانكي .....
العوامة أو الصفاية أو اليات أو أحد الأفياش

[ابودوس]

المشكله واضحه فهو اكيد انها الصفايه

[شبيه سهيل]

اخوي اذا كان المشكله تحصل لسياره اكثر شي

بالظهر فهي طرمبه البانزين اللي بالتانكي

وهذي صارت معي من قبل في باترول 1998

بس انه ماتصير الا وقت الحر ارجوا انا فدناك على استفسارك

تحياتي,,,

[صقر20]

السلام عليكم
حياكم الله ولايضيق صدرك أخوي الباترول
أحسن حل ركب طرمبة بنزين أمريكيه
ACDeLco
رقم القطعة: ACD#EP376
GM#25163464
يبي يتغير موترك 180 درجة
والله وحده أعلم إن المشكلة بطرمية البنزين وتراه تركب على الباترول 100 بالميه
قيمته حوالي 280 ريال وأسلاك وفلتر ب 25 ريال
والكهربائي 35 ريال
والميكانيكي شغل اليد 100 ريال
وأنت بعنيزة أسأل الشباب هناك وشرط يبي ينصحونك تغيره
والسلام عليكم

[ذيب صعافيق]

لا لا لا لا لا لا لا لا لا
المشكلة بسيطة وتصلحها انت بيدك

فية افياش حول التا نكي واحد منها منفك ركبه اكيد انك واطي شي على الخط مثل قطعت كفر او ما شابه وتسببت في فك الفيش

[ذيب صعافيق]

سبق ان عرض احد الاخوان مثل هذه المشكله وقال انه وجد ان السبب فيش في مجموعة التانكي ابحث عنه:looney:

[fayez188]

يا سلام على المشاركات البناءة يعطيكم العافية ..

[الباترول]

السلام عيكم.
اولا لا يسعني الا ان اشكر جميع من شارك وقراء ورد جزيل الشكر علي هذا التفاعل الطيب .
(اعذروني كنت بعيد عن النت لا استطيع الرد)
-تحصل هذه الحاله. ظهرا وانا ماسك الخط.إلا اول مره كنت اتمشي عصرا لم يكن الجو حار معتدل30م
- ذهبت الي بعض الورش فقال اذا كانت السياره شغاله تمام الان لااستطيع ان اعرف العطل اذا طفت جبها وشوف.
- الوكاله يغيرون لك كل شي صفايات ليات طرمبه افياش كتاوت (التكلفه غاليه).
- سوف افحص الليات والأفياش واغير الصفايه ثم اوافيكم بالنتيجه.
لكم مني جزيل الشكر.

[خيال نجد]

السلام عليكم

حياكم الله ولايضيق صدرك أخوي الباترول
أحسن حل ركب طرمبة بنزين أمريكيه
ACDeLco
رقم القطعة: ACD#EP376
GM#25163464
يبي يتغير موترك 180 درجة
والله وحده أعلم إن المشكلة بطرمية البنزين وتراه تركب على الباترول 100 بالميه
قيمته حوالي 280 ريال وأسلاك وفلتر ب 25 ريال
والكهربائي 35 ريال
والميكانيكي شغل اليد 100 ريال
وأنت بعنيزة أسأل الشباب هناك وشرط يبي ينصحونك تغيره

والسلام عليكم


أنا مع كلام

صقر20

100%

وعلى العموم أنا معي باترول

وسبق صارت معي هالمشكله

بس

ههههههه

المشكله صارت معي بسيارتي الثانيه

وهي BMW 745 ... 2004

طبعاً تبي تستغرب

بس هذي هي الحقيقه

وهي أني رحت من الرياض للقصيم ابحضر زواج لأحد الاقار وفي طريقي للعوده وتقريباً قبل الرياض بــ 80كم

كنت مسرع أمشي 230كم وفجأه الموتر بدى يقطع وبسرعه طفى بالضبط كن البنزين خلص مع أنه باقي النصف

المهم حاولت حاولت ولا فيه فايده

المهم بينما أنا بالسطحه قال لي السوري راعي السطحه

أنا أبحل لك المشكله بس تعطيني حسابي كامل وفوقه 100ريال

قلت له OK

قالي أنت معبي من محطه تانكيهم وسخ ولا البنزين مخلوط معه ديزل أو مويه

والحل أنك تنظف التانكي أو أنك لمدة شهر لا تخلي البنزين ينزل عن الثلث

الزبده

هزيت راسي وقلت بنفسي وش يبي هالعلوص

وقفت عند أول محطه مقابل جريدة الرياض

وعبيت وشغلت

وااااااو

الموتر أشتغل وكن مافيه شي

عطيت الرجال الحساب والأكراميه ورحت

ومن بكره رحت للوكاله ((الموتر على الضمان)) وقلبوا فيه يمين يسار

وقالوا لي الموتر سليم

رحت وبعد يومي نفس الحركه تكررت والبنزين على النصف والحمدلله كنت عن المحطه

رجعت للوكاله ونفس الكلام .... الموتر سليم

وبعد أيام الموتر طفا على النصف

وعبيت بنزين وقلت أبجرب فكرة راعي السطحه

وهينا المفاجأه

الموتر بعد شهر ولا عندك أصفا منه حتى والبنزين على الـــ E

هذي تجربتي وأعتذر عن الأطاله

وسلامتكم

خيال نجد

http://khaelnajd.googlepages.com/CDG.jpg

[KEA2003]

الصفاي الي موجود امام الكفر الايمن الخلفي طقه بأي شي بمفك او عصى العفريته مثلا اذا طفى مره ثانيه واذا صار منه غيره فقط

[الفهد565]

بعد السلام

شيك على الطرنبة قبل كل شي

والمشكله الله والعالم انه من الطرنبة لانه اذا ارتفعة الحرارة يطفى وغير معه الفلتر ب 25 ريال

لانه فيه وسخ اذا احتمى الموتر (او وصل النصف ) ما تدفع صح الطرنبة

هذا والله اعلم

[سوبر VTC]

طرمبه الفتك ممتازة جدا و تركب للباترول م2001 و تحت
بعضهم يركب للفتك طرمبه فكسار ب540ريال

مشكلتك و الله اعلم انه من فيش الطرمبه
او من الكتاوت

فيه ورشة زينه ببريده

موفق

[الهواي]

السلام عليكم

انا عندي راي وحاول انك تشوفه شيف المصيور الي في التانكي يمكن قصيره اذا وصل البنزين للنص يقطع السحب البنزين

[waledsaleh]

السلام في بعض الاحيان العوامة تعلق داخل التانكي طلع الطرمبة وركبها ثاني مرة وإنشاء الله تزبط مع العلم انك اعرف بسيارتك يعني اذا طفى بكم تعبيه بنزين وانت احكم