أين يمكنني شراء حليب النياق بالرياض

[lil]

أين يمكنني شراء حليب النياق بالرياض

[سدا نجد]

أخي الفاضل لا اوصي شراء حليب الابل للاسباب التالية

1 عدم نظافة الاماكن التي تعيش فيها

2 عدم تقيد من يحلبها بالنظافة

ذلك يجعل فائدة حليب قليلة والاهم في ذلك انتقال الامراض لاسمح الله

واذا انت مصر راسلني على الخاص

[lil]

اشكرك اخي العزيز على هذه المعلومة القيمة
طيب هل هناك محلات معروفة لبيعها (قد تكون اكثر صحية من غيرها)؟

[lil]

هل اجد الجواب لديكم؟؟؟

[الوافي عزام]

هلا بك

بالنسبه للأشخاص الذين يبيعون حليب الابل بالرياض فهم كثيرون

ولاكن :

اذا جينا لحقيقة الامر وجدنا ان قصدهم مادي بحت ويعني :
اعلاف الابل التي تأكلها غير صحيه
اجدها دائما في مكب الزبائل ( اعزكم الله )
النضافه معدومه جدا
البعض منهم يقوم بأعطائها ابر للأدرار لأكثار كمية الحليب
واشياء كثيره لا يمكن حصرها

وحنا والله ناصحينك لاننا ماودنا ندلك على شي ضرره اكثر من منفعته

وبالتوفيق

[كاشخ 24 ساعه]

انا عندي نوقات بس والله بعيده حيل والا كان تبشر باللي يطيب خاطرك

[عبودي]

السلام عليكم ورحمة الله وبركاته
تجد حليب النياق الطيب عند محلات الوطنية " عضوي " وفروعها في الشمال والشرق والوسط .
وان شاء الله ان اصحابها ناس يخافون الله حسب ما اسمع عنهم .
ولا نزكي على الله احدا

[lil]

الوافي عزام
اشكر لك نصيحتك
كاشخ 24
ماتقصر يالطيب
عبودي
اشكرك جدا وين مكانهم بالضبط اذا فيه بالشمال او شرق الرياض

[عبودي]

أخي lil
السلام عليكم ورحمة الله وبركاته
فرع الشمال تقاطع طريق الملك عبدالله مع التخصصي
قبل مطعم كودو على اليمين وانت متجه جنوب
وشكرا

[lil]

يعطيك العافية عزيزي عبودي

[المحتار2007]

يرجال انا انصحك دام انك تحب الحليب تشتريلك خلفه وتحطها في حدود الرياض
وترا اسعار الخلفات من 6000 الا 7500 تبي تلقا منيحه طيبه وتراها مهيب خساره لانك انشاالله تبي تبيع ولدها اذا صار عمره 10 شهور بنص قيمتها ولو تشتري ثنتين وتمنح كل سنه وحده احسن وتر ا الجلسه عندهن بعد العصر تسوى شي واجد

[المشراق]

أخي الكريم أبعد عن الرياض شوي أي عن المدينة وأنزل القدية ولف من عند الكبري بإتجاه ضرما ويجيك مسجد من زنك لف يمين عندك كم واحد بحدود 2كم 0

[ابو حمد911]

اخوي الله لا يهينك روووح شارع الفرووووسيه يجيك تقاااااطع ابد بعد التقاااطع يساااارك ابوووو الف ووواحد يبيع حليب نيااااق وفي واحد سوووداني اسمه جمعه العماد هذا سودانيونعم الشنب هووو راح يضبطك اول ماااتدش السوووق قااااارمه مكتووووب عليه اسمه

[راعي الخرازة]

اخوي نصيحه لك اذا كانك تبيه للونسه والتلذذ بالطعم ففيه ناس ابواصفلك مكانهم انجيتهم مايقصرون معك ابشر بالخير لكن فيه بعض النصايح تجي بالاخير
وانكانك تبيه للعلاج انصحك بالي عند ملف الطوقي والسبب انها تاكل من الحمض وترعى رعي بري وتمشي فهاذا هو الصحي .
فان كانك من اهل سكان الشرق رح للي بملف الطوقي .
وانكانك من سكان الغرب فى ضرما افرب لك زي ما وصفولك الشباب.
ام ان كانك من النوع لاول فرح للي بالجنادريه الي قبل ما توصل للمهرجان على ايدك اليسار .

النصائح : 1- اغلب راعين الابل ما يحلبون الى قبل المغرب يعني ماتروح السعه 3 العصر تدور حليب .
2- ثانين ماتسالهم بكم الحليب فهاذا يضايقهم سلم واجلس وسولف واغبق من الحليب فهم يرحبون بالرجال
3- لاتنصاء السوداني او الراعي انصى راعي الحلال وسلم عليه وامدح ابله واسئله عن احوالها تراه يرحب.
والله يوفق الجميع...

[راعي الروضة]

اخوي نصيحه لك اذا كانك تبيه للونسه والتلذذ بالطعم ففيه ناس ابواصفلك مكانهم انجيتهم مايقصرون معك ابشر بالخير لكن فيه بعض النصايح تجي بالاخير

وانكانك تبيه للعلاج انصحك بالي عند ملف الطوقي والسبب انها تاكل من الحمض وترعى رعي بري وتمشي فهاذا هو الصحي .
فان كانك من اهل سكان الشرق رح للي بملف الطوقي .
وانكانك من سكان الغرب فى ضرما افرب لك زي ما وصفولك الشباب.
ام ان كانك من النوع لاول فرح للي بالجنادريه الي قبل ما توصل للمهرجان على ايدك اليسار .


النصائح : 1- اغلب راعين الابل ما يحلبون الى قبل المغرب يعني ماتروح السعه 3 العصر تدور حليب .
2- ثانين ماتسالهم بكم الحليب فهاذا يضايقهم سلم واجلس وسولف واغبق من الحليب فهم يرحبون بالرجال
3- لاتنصاء السوداني او الراعي انصى راعي الحلال وسلم عليه وامدح ابله واسئله عن احوالها تراه يرحب.

والله يوفق الجميع...

كلام 100% الا ان الحرص واجب وخاصة الابل التي لاتعرف صاحبها 000 فشرب غضارة من الحليب قد يكلفك العلاج من المالطية او احد الامراض الاخرى مثل الطلوع سنه كاملة 000 لاتقولون موسوس 00 فاكثر واحد من ربعي اصيبوا ولم يشربوا حتى الحليب المبستر من ذلك الوقت بسبب ماواجهوه من تعب 00 ومن عقله في راسه يعرف خلاصه 000 وسلامتكم

[ابوحماد]

الوطنيه شارع التخصصي بجوار كودو تقاطع شارع الملك عبدالله

الوطنية أسواق الربوة بجوار بيع الدجاج و البيض

يوم الخميس و السبت و الثلاثاء

ويوجد لبن ضان طبيعي 100% 100

[سرهيد]

اعتقد ان الوطنية تبيع حليب الابل

ولكن كما ذكر االاخوان لا انصح بالشراء من هؤلاء الباعة الذين يجلسون عند شبوكها ولا تفر منه ولا متر

[راعي القميري]

أسمعني طال عمرك والله انا اسمع ان الحليب اللي يبيعونه ماهوب صحي ولا بالعقل الناقه تدر اربع وعشرين ساعة اجل انت يملالك طاسه ام ستين ثم يجي واحد بعدك ويملا مثلها
طال عمرك يم شركة الكهرب اللي عند خريص وبدلك عليها وراعيها من العصر ليا المغرب ويمكن بعد المغرب وهو عندها رح مع طريق الدمام السريع الين تعدا كبري راماح بحاولي كيلو بتلقى مفرق على يمينك افرق معه ثم بيجيك تقاطع اطلع معه يسار انت بتشوف شركة الكهرب تعدها بكيلوين و خمس امية متر بتلقا علم مرتفع على يدك اليسار هاه انصه وليا نصيته بتلقاه الشبك في وجهك وان شاء انك تدعيلي وانا عندها شبه يوميا طال عمرك متا مابغيت تروح ... دق على هالجوال طال عمرك
0508828216 راعي القميري( ابو سعيد )ولايردك الا لسانك وابشر باللي يرضيك ..

[المسااااافر]

ماقصرو الشباب كلهم ولاكن كلام (المحتار2007)عين الصواب والله ماراح تلقا بعد البل وناسه وسئل مجرب ودمتم سالمين.

[ابوحماد]

أسمعني طال عمرك والله انا اسمع ان الحليب اللي يبيعونه ماهوب صحي ولا بالعقل الناقه تدر اربع وعشرين ساعة اجل انت يملالك طاسه ام ستين ثم يجي واحد بعدك ويملا مثلها
طال عمرك يم شركة الكهرب اللي عند خريص وبدلك عليها وراعيها من العصر ليا المغرب ويمكن بعد المغرب وهو عندها رح مع طريق الدمام السريع الين تعدا كبري راماح بحاولي كيلو بتلقى مفرق على يمينك افرق معه ثم بيجيك تقاطع اطلع معه يسار انت بتشوف شركة الكهرب تعدها بكيلوين و خمس امية متر بتلقا علم مرتفع على يدك اليسار هاه انصه وليا نصيته بتلقاه الشبك في وجهك وان شاء انك تدعيلي وانا عندها شبه يوميا طال عمرك متا مابغيت تروح ... دق على هالجوال طال عمرك
0508828216 راعي القميري( ابو سعيد )ولايردك الا لسانك وابشر باللي يرضيك ..

بيض الله وجهك بنيابه عن راعي الموضوع

وانا مع راعي القميري

ونت رايح شمال على خط الجنادرية جتك محطة خزام عند الثمامه رح يمين من عند المفرق حق الرمحيه البويب

13 كيلو الى نهاية شبك الامير سلطان ( طبعاً الدعوى شبوك في شبوك معتقل كوبا ) المهم بعد الشبك 4 كيلو يجيك مفرق يمينك رح من عنده اتجه شف أبل أخوك أبو حماد يسار أن كاني موجود الله يحيك واذا ماني موجود قل للراعي أنا خوي أبوحماد

وبشر بري والكلام للجميع

[راعي القميري]

ووجهك يابو حماد حنا اخوان ومابينا وان بغيت تروح يم اباعري ولا اباعر ابو حماد على هواك كلنا اخوان ولا يفرق بينا شي ان شاء الله عزالله اني اشكر القائمين على هالمنتدى اللي مايجمع الا اللحوات الغانمة
وعز الله ان خوتكم تنشرى لو بويش اقولكم والله اني مقدر اثمنها حتى
اخوك راعي القميري

ganas666@hotmail.com

[صياد المجمعه]

وشوووووووو