عامود الدبل في السفر؟؟؟؟؟؟؟؟

[مكشات عنيزه]

السلام عليكم ورحمة الله وبركاته

حياكم الله ياشباب
عندي استفسار وداري ان شاء الله انكم تبي تعطونن العلم الاكيد
الي استفيد منه ويستفيد غيري
انا معي شروكي واذا جيت اسافربه افك عمود الدبل ..احس ان الموتر
يخف شوي ويزيد عزمه هل هذا صحيح ولا اتوهم...
وبسأل هل على الموتر مظره ولا مايفرق

[الدحبول]

نعم تخف السيارة وبزبد العزم
فك عمود الدبل = كانك مركب فرارت
وأفضل من الفرارت بعد
بالعكس مافي ضرر مفيد الحديد القدام

[مكشات عنيزه]

مشكور اخوي الدحبول
والله انك ريحتن
الله يريحك

[الدحبول]

أي خدمة حاضر

[مكشات عنيزه]

هذا خبريبك يالدحبول
تحب الفزعات
كفو والله

[الدحبول]

تسلم يخوي
ودي اسالك
وين افضل الشيروكي أو الجراند شيروكي ؟؟ ان أناوي اشتري جراند شيروكي موديل 1997 وفوق
هل تنصح به
ربع يشجعون علية وان متردد واحد من الربع قال خذ بس لازم يكون نظيف

[مكشات عنيزه]

شف ياخوي الدحبول انا انصحك انك تبعد عن الشروكي كله
سواء جراند ولا سبورت
لكن اذا كنت ملزم اول شي خذ النضيف واذا كان جراند فهو افضل
من وجهت نظري
لان الجراند مريح وراسي وفخم بعكس السبورت
واتوقع من ناحية الخرابات ان السبورت اكثر من الجراند
لان عندنا بعنيزه ورشه خاصة فقط بالشروكيات
وقليل احصل عنده جراند شروكي
قد يكون السبب ان الجراند قليل الخرابات
وقد يكون العكس لان عندنا الجراند اكثر المستخدمين له كبار السن
واستعمالهم نظيف فلا يكون هناك خرابات
بعكس السبورت فحدث بلا حرج رح للبر وعد وغلط تتطعيس وتكسير
ويدخل الديره وطوالي للصناعيه لكن المحافظين ما يشتكون منه
ولكن عموما خرابات السياره على حسب الاستخدام
وسوف احاول ان اتي بمعلومات من اصحاب الخبره وافيدك بها باقرب وقت

[الدحبول]

مشكور يا أخوي على الافادة

[روافد]

اخوي ماصروا الشباب و كلامهم عين الصواب و لاكن ما ادري عن القير اي الدبل يتأثر ام لا

[مكشات عنيزه]

اخوي روافد اتوقع اذا كان الدبل مفصول ما يتغير شي
تقل العمود موجود
واحب اذكر الشباب اذا كان العمود مفصول
وشبكت الثقيل يشبك على الكفرات الخلفيه
يعني اذا غرزت تخلي الكفر ما يحفر
وانا ما عرفت هذي المعلومه الا من فتره
بعد التجريب والبصدفه
واشكرك اخوي روافد على مرورك