تكفون ساعدوني ...... [الأرشيف]

صمت اللقاء

14/08/2007, 02:12 AM

عندي مشكله في جيبي السفاري موديل 99

وهي رجه في الموتر وانا ماشي على الخط حوالي 110 او اكثر تأتيني رجه تقول تفككت السيارة خاصة اذا فيه مطب على الخط

ولا تروح لين اهدئ السرعه الى 40 او 50 تروح .

شيكت على الربل كله وغيرته ولا راحت
نزلت عامود الدبل ولا فيه فائده

يا ليت اللي عنده فكره يفيدني مشكورا .

عاشق السيل

14/08/2007, 03:25 AM

200% عندك مساعد الدركسون يحتاج تغيير ،،

صارت معي نفس المشكلة بالضبط وغيرت مساعد الدركسون وارتحت ولله الحمد ...

تقبل مروري يالغالي ....

..

سعد777

14/08/2007, 10:46 AM

جرب مثل ماقال الأخ عاشق السيل وان لم تفيد ونخوك شيك على الأذرعه او وده لميزان العضيب في الرياض الحقيقه انا ما أدله خلهم الشباب يوصوفون بس هم يقولون حول دويرة الخرج الصناعيه القديمه بالرياض ولا انت طالع منه الا وأنت مبصووووووووووووط من شغلهم بمشيئة الله

صمت اللقاء

14/08/2007, 12:55 PM

200% عندك مساعد الدركسون يحتاج تغيير ،،

صارت معي نفس المشكلة بالضبط وغيرت مساعد الدركسون وارتحت ولله الحمد ...

تقبل مروري يالغالي ....

..

بيض وجهك اخوي وبيض الله وجه اخونا سعد 999

لكن سؤالي هل اغير المساعد فقط ام الذراع معاه

وهل الذراع لابد ان يكون ثابت مره ما يتحرك اذا حركته فوق تحت بيدك

لكم كل الشكر

شعيب المسمى

14/08/2007, 01:44 PM

الرجة هذي معروفة فالسفاري وهي الرمانة الامامية مع استخدام الموتر تبدى ترتخي عندك ميزان البادية بالصناعية القديمة قد مرت عليه مثل مواترك ويصلحونها بــ 200 الى 300 ريال

بس الشغلة كلها ماتستاهل كلها وردتين على كل جهه ويشد عليهن الصامولة

وانصحك تركب مساعد الدركسون تلقاه عند الرماية لونة اصفر ازين من الوكالة

هذا اللي عندي وبالتوفيق

عاشق السيل

15/08/2007, 01:50 AM

وإذا تبي نصيحة من القلب وتبي تدعيلي إن شاء الله ،،

اطلع مع مخرج 17 باتجاه الغرب مع شارع سلمان وإذا تعديت نفق علي بن أبي طالب رضي الله عنه تبي تجيك أول إشارة بالصناعية القديمة رح على طول وإذا جتك الإشارة الثانية لف يسار يصير وجهك جنوب عندك ثالث ورشة على يمينك ( ميزان الحرمين ) فيه يماني اسمه محمد ( أبوحسين ) ويمكن تلقى ولده حسين قله جايك من أبوتركي وهو يعلمك وش فيها سيارتك بالضبط وينصحك بالصحيح ،،

طع شوري ولاتتردد تراي ناصحك من القلب والكلام للجميع ...

والله يوفقك ،،،،،،،

.

روافد

15/08/2007, 02:17 AM

اخوي انا حصلت عندي نفس المشكلة و تكون الرجه رهيبه و كانت المشكلة ارتخاء الهوبات فشدها و ترتاح
تحياتي

صمت اللقاء

15/08/2007, 03:29 AM

وإذا تبي نصيحة من القلب وتبي تدعيلي إن شاء الله ،،

اطلع مع مخرج 17 باتجاه الغرب مع شارع سلمان وإذا تعديت نفق علي بن أبي طالب رضي الله عنه تبي تجيك أول إشارة بالصناعية القديمة رح على طول وإذا جتك الإشارة الثانية لف يسار يصير وجهك جنوب عندك ثالث ورشة على يمينك ( ميزان الحرمين ) فيه يماني اسمه محمد ( أبوحسين ) ويمكن تلقى ولده حسين قله جايك من أبوتركي وهو يعلمك وش فيها سيارتك بالضبط وينصحك بالصحيح ،،

طع شوري ولاتتردد تراي ناصحك من القلب والكلام للجميع ...

والله يوفقك ،،،،،،،

.

يعطيك العافية اخوي

كلكم ما فيكم شك اخوان عزيزين

وجمالك واصلة يا الذيب

تقبلوا تحياتي