خاص بأصحاب سيارات الباترول الديزل

[الدلولة]

أخواني
تحية وبعد 000
إذا كان موترك مقلوبة ماكينته من بانزين إلى ديزل والحرارة عندك على النصف وأكثر ولا يهمك الريال 0
فيه بالإمارات شركة تنتج رديتر ألمنيوم بالكامل أربع رصات يخلي حرارة موترك ماتعدى الثلث لو إنك مشغل المكيف وطاير ( خبرك الديزل حدة 130 إلى 160 كم ) 0
موقع الشركة : الشارقة
بالتفصيل : دوار فيصل خل محلات زينة السيارات على يك اليمين وأنت رايح شرق أول إشارة تقابلك شف المحل على يك اليمين بجنب الماجد ( قبل الإشارة فيه إشارة فليشر خلك منه )
سعره !!!!!!!!!!!!!!! ( 1600 درهم ) يعني ( 1650 ) تقريباً 0
لكن يستاهل :redcar:

[الباهي]

تسلم والله يعطيك العافيه

بس انا عندي سفاري بنزين وبقلبه ديزل يعني لو قلبته ديزل لابد ان الحراره ترتفع
ولا لا ارجو الاجابه قبل اغير المكينه وهل تنصحني بتغييرها او لا




اخوك
الباهي

[الدلولة]

طبعاً إذاقلبته ديزل راح ترتفع عندك الحرارة لعدة أسباب وهي :-
1 - مكينة الديزل حديد بينما مكينة البنزين ألمنيوم ومن المعروف إن الحديد أكثر حرارة من الألمنيوم 0
2 - المكينة ألي تبي تركب طبعاً مكينة يابانية والمعروف في المكينة اليابانية إن مجاري الماء والزيت داخل السرندل ضيقة وهذا ألي يسبب إرتفاع الحرارة ماهيب مثل المكينة الخليجية مجاري الماء والزيت وأكبر 0
3 - عندك رديتر موترك حق بنزين أصغر من حق الديزل 0
أما من ناحية أنصحك تغير مكينة أو لا فهذا راجعلك ولكن خذ بأعتبارك الأشياء التالية قد تساعدك في قرارك وهن :-
1 - ضعف العزم عن أول يوم كان بنزين خصوصاً برمل 0
2 - التكلفة في عملية تغيير المكينة راح تكلفك مابين (7000) إلى ( 9000)
3 - الصوت خبرك مكينة الديزل إزعاج شوي ماهب مثل البزين 0
4- الديزل ييبي واحد حاط بلبريق إميه يعني ألي رجله ثقيلة مايصلحله 0
5 - أنت من الناس ألي يصبرون على السيارة ولا كل يوم لك سيارة 0
6 - كله ماذكرت يهون لمنك وقفت تعبي فل وقالك الهندي 30 ريال صديق خصوصاً إن البزين مثل ماقرينا بالجرايد بعد سنتين أو ثلاث راح يزيد سعره 0

[أيمن]

عز الله كفيت ووفيت يالدلولة، ونحن سعداء بانضمام أمثالك إلى منتديات مكشات ..

تحيتي

[Bader-M]

تسلم يالذيب
والله يعطيك العافيه

[صالح السليمان]

مشكور ماقصرت

[الدلولة]

الشكر لكم جميعاً أخواني
فنحن هنا لخدمة هذا المنتدى الغالي بما لدينا من معلومات أوأفكار أو مقترحات تخدم الجميع 0 وإن كانت بسيطة

[مهيلان]

الدلوله شكرا لك
لكن بماانك ذكرت الاديتر
ليش ما تخبرنا عن المكينه الديزل اين تباع في الامارات وكم سعرها
والضمان
ودمت سالما

[الدلولة]

أفضل مكان بالإمارات لبيع جميع قطع غيار السيارات المستعملة بما فيها مكائن الديزل هو في مدينة الشارقة 0 عند دوار الخان 0
أما سعر المكائن فهو يختلف على حسب موديل مكينة السيارة
عندك من موديل 88 إلى موديل 94 فيتراوح السعر من 3500 حتى 5000 درهم
وعندك من 95 وطالع السعر من 5500 إلى6500 درهم تقريباً 0
طبعاً ألى 5000 درهم مثلاً تسوى عندنا 7000 أقل شي وتبي تبيع مكينة موترك 2000 طلعت مكينة الديزل بحدود 3000 وشوي
وللمعلومية من 88 إلى 94 تحصل غطاء المكينة لونه المنيوم ومن الخمس وطالع غطاء المكينة أسود 0أما الضمان مافيه يشغلك المكينه بالأرض وسلامك 0 إلا إذا كنت تبي تركب المكينة عنده 0

[دله وفنجال]

السلام عليكم ...

اخوي الدلولة الله يجزاك خير على المعلومات لاكن عندي استفسار بصيط . انا عندي برادو 2003 ديزل اربعه اسرندل والحقيقة ازعاج ما بعده ازعاج اذا مشا ومع خالي ديزل سته اسرندل لاندكروزر خبرك المقلوبات من اليمين لليسار لاكن ماهنا صوت زي الي عندي ونا اعتقد انه من الكنداسة او طرمبة الديزل وهل يضر اذا ركبة كنداسة بانزين عليه لاربما يخف الصوت اذا غيرتة ....

ارجو افادتي ولك جزيل الشكر ....

[الدلولة]

من المعروف إن الديزل التربو أقل صوت من الديزل العادي أياً كان نوع السيارة 0
أما الصوت عندك فهو ليس من الكنداسة أو الطرمبة كما ذكرت 0 لكن إذا كان غطاء كبوت سيارك من الداخل ما فيه عازل صوت وحرارة حطله عازل ويخف الصوت عندك
في حال الإستفسار عن عازل الصوت والحرارة أرجوا أخوي الإستبنة تحدد لي موقعك ( البلد ) حتى أقدر أوصفلك المحل 0
أخوك الدلولة

[دله وفنجال]

السلام عليكم ...


اخوي الدلولة معليش على كثر الاسئلة لاكن مكينت البرادو مطابقه المكينة الهايلوكس الديزل والصوت يجي من حدر الموتر ولا المكينة مابه اخلاف .









اخوك الاستبنه .

[الدلولة]

مادامك تقول إن الصوت يجي من تحت يعني مثل الهايلكس الديزل
واحد من الربع عنده هايلكس ديزل 2002 خبرك الفرش الداخلي بلاستيك وتحته عازل بس خفيف 0 راح لمحل الشلال بعنيزة ودبلوله العازل وخف عنده الصوت على حد قوله أكثر من النصف 0 لا بغيت تعزل لا تاخذ إلا أمريكي ولو إنه حق ها ليهود0
تحياتي ،،،

[دله وفنجال]

السلام عليكم ...


مشكور اخوي الدلولة وما قصرة وجعلك ذخر للمنتى والقراء ولكل شخص داخل يستفيد ...