رفع امبيرات البطارية ؟ ساعدوني بالمعلومة

[وسيـع البـنايد]

على حسب ماسمعت ان السيارة اذا كانت قديمة تركب لها امبيرات اعلى يكون افضل فما ادري هل هذا الشي صحيح - مثلا الموتر يحتاج لـ 60 أمبير نرفعه لـ 70
إذا صار موديلها قديم من 5 سنوات وأكثر

اللي عنده معرفة لا يبخل علينا :)

[برادو]

السلام عليكم,
رفع الأمبيرات يطول عمر البطاريه لأن قدرة البطاريه تكون أعلى والسياره ما تستهلكها بسرعه. ولا لها دخل بقدم السياره لكن أحيانا مع قدم السياره السلف يضعف ويحتاج قدرة بطاريه أعلى علشان كذا رفع امبيرات البطاريه يخدم أكثر والبديل لذلك إما تغيير نحاسات السلف أو تركيب كت أوت. أضف لذلك أن أصحاب الرحلات تكون البطاريات ذات القدره الأعلى مريحه لهم لكثر أجهزتهم ولراحتهم لأن البطاريه ذات القدره الأعلى تخدم أطول ولن تخذلهم بإذن الله. من واقع تجربتي الخاصه البطاريه ذات القدره الأعلى مثلا بطارية سيارتي وكاله 60 أمبير غيرتها وركبت 75 خدمتني أربع سنوات وهي مرتاحه وأشغل عليها أنواع الأجهزه والسياره طافيه وأنا مرتاح واذا جيت اشغلها بس شمة سلف وهي مشتغله "مشاء الله" لأن البطاريه فيها قدرة تزويد طاقه أعلى من اللي يحتاجه السلف.

[mzmz]

اخوي برادو وين الى يعرفون يزينونها ويرفعون الامبيرات تخبر احد نروح له
لاني بصراحه عندي هايلكس 88 وودي ارفع الامبيرات

ولاهنتوا

[الدحبول]

ما ظنتي انه ياثر على الموتر

[المظل]

اخواني رفع الامبير بقدر كبير وذلك بتغيير البطاريه من 60 الى 90 يؤثر على عمر الدينمو
لانه له امبيرات يتحملها
والبطاريه يكون مكتوب عليه عدد الامبيرات لاكن لاتعطيها كاملة بل ناقصه واسئل دائماً عن التي تعطي صافي

اما عن رفع امبير الدينمو فهو يتم عن طريق الكتاوت اذاكانت عاديه اي ليست الكترونيه
اما بالنسبة للهيلوكس من اول ماطلع حتى موديل 91
هذا والله اعلم

[برادو]

السلام عليكم

أخوي mzmz رفع الأمبيرات انت تسويها بس اقرا وش مكتوت على بطارية سيارتك كم امبير 60 أو 55 أو 65 وأرفعها شوي يعني ركب 70 أذا كانت 60 أو 65 أذا كانت 55

[mzmz]

السلام عليكم

أخوي mzmz رفع الأمبيرات انت تسويها بس اقرا وش مكتوت على بطارية سيارتك كم امبير 60 أو 55 أو 65 وأرفعها شوي يعني ركب 70 أذا كانت 60 أو 65 أذا كانت 55



لاهنت اخوي برادو انا مالقيت الى رقم 40 على البطاريه هل هو صح على ولاغلط

طيب كيف ارفعها تقول انت ارفعها الى 70 وش اسوي

ارجو التوضيح اكثر هل اشترى شي او اشيل شي لاني ياخوي مافهمت كلامكم صح

وارجو انكم تسامحوني على كثر الاسئله

[الدرندس]

ارفع ولا تبالي انا عندي 2005 وحطيت له 80 امبير وزي الهوى او الحلوه؟ ما فيه احلى منه ما شاءالله

[وكيل مدرسة]

طيب ..أنا معي هايلوكس 96 ..

هل يحتاج إني أغير أصابع البطارية والدينمو ؟