طلب يابو مري

[مفتون صيد]

السلام عليكم ياشباب

اخوي المري الله لا يهينك ودي لو تتكلم ولو بنبذه بسيطه لي وللشباب عن الشياهين ........ اسمع الصقارين يقولون شيهان بحري وشياهن جبلي والبحري افضل واللون فيه اختلاف ......... انا اجهل عن هالمعلومات ودي كرماً لا امراً اذا ماكان عندك مانع انك تفيدني واللي يجهل مثلي في هالامر عن هذا الموضوع

وتقبل تحيات اخوك مفتون صيد

[المري]

هلا اخوي مفتون صيد ,, حياك الله

الفرق الاول بين الشاهين البحري والشاهين الجبلي هو (( كبر الحجم))

فأن الجبلية اصغر بكثير من البحرية , فالبحرية الوافيه الوافية منها تصل الى

16ونص اما الجبليه الوافيه 14 ونص يعنى الفرق شاسع.

ايضا الارضيه (( كف الطير )) تجد ارضية البحرية اكبر من ارضية الجبلية

اما بخصوص الفعل : الفعل دائم للبحرية متميز عن فعل الجبليه , فمثلا الجبلية

وليست كل الجبليات بس اغلبها لو هديتها على كروان او اثنين خلاص ماعاد تهد

على اكثر علما بأني في القديم كانت عندي اجبلية صادت في نص ساعه 9 كراوين!!!

اما البحرية فعلى ماقالو لا تــكل ولا تــمل (( وليست كلها)).

ايضا البحرية اذا صديتها طارت عكس الهواء فهي بأذن الله تلحقها اما الجبلية

اذا انطحت الهواء فهي توقف في محلها لانها خفيفه.


هذا مايحضرني يامفتون صيد واي استفسار حااااااااااااااااضر.


اخوك / المري

[مفتون صيد]

اقول المري رحم الله والديك عن النار

تبي الصدق انت موسوعه في الصقاره...... والله تصدق انا استفدت منك الكثير في علوم الصقور

يعني ابتفلسف عند اخوياي في المجلس عن الصقور:D :D ذنبي فاهم;) ;) :D

مشكور المري وماقصرت ...... بس ودي اسئل .... هل هي الافضل او الحر لان الناس كثرة اراءهم حولهم وكل واحد يأيد ..... انا داري كل واحد ومميزاته هي اللي تفرض نفسه على الصقار بس لو عرض عليك شيهانه تامه وحر تام وش تختار؟؟؟

[المري]

مرحبا والله مفتون صيد

بالنسبة للافضل فكل واحد له طريقه , مقناص بالحر يعجبك لان الصيد الان اشوي


ولا مثل اول كل يوم ولا يوم بعد يوم تحصل لك هدد , ذا الحين تأخذ انت والطير شهر


ويالله تلقى ولا ماتلقي , فنفرض ان الشاهين معك والحر معك فسوف تفضل الحر


على الشاهين من ناحية العلف ومن ناحية المبيت في البرد في الخارج ومن ناحية


الكفخ ومن ناحية طرد الصيد , صحيح ان الشاهين سريع ولكن انه اعراضه واجد.


بالنسبة لي انا افضل الحر بدون منازع علما بأني كل سنة لازم معي شاهين...

وتقبل تحيات اخوك / المري

[مفتون صيد]

مشكور اخوي المري وعساها في موازين اعمالك

[مبرقع الذيب]

بس اخوي المري ودنا انك توضح لي انا والشباب اكثر الفرق بين الشيهان البحري وانواعه
( فارسيه) او(تركيه ) كذلك المثلوثه والتامه لو كلفنا عليك ماعليش تحملنا ترانا( راعين خرف)
وهذي كناية عن كثرة الأسئلة :D

[المري]

هلا اخوي مبرقع الذيب

بالنسبة للفارسية والمصرية لها انواع واشكال لايعرفها الا الصقار المتخصص


من ناحية الرأس ولون الراس وريشة الطير يعنى في مواري كثير للتفريق بينهما


اما التركيه تجدها غالبا سود اللون وتراها من فصيلة الجبليات لانها تقرنس مثل

الجبلية .


اما المثلوثه وهي التي تأتي في المرتبة الثانية بعد الوافية , وهي في الغالب تصل

الى مقاس 14 ونص في فصيلة البحريات.


اما التامة فهي الوافيه اي التامة وهي كبيرة الحجم كبيرة المنسر والارضيه

وهي المفضلة للصقار وهي تصل اسعارها في بداية الموسم الى 30,000 الف ريال

واكثر واقل بس حول هذه القيمة.


واسمح لي على التقصير هذا مالدي ...

اخوك / المري