اصحاب الباثفيندر الامر لايحتمل التأخير ضروري الدخول

[الباثفيندر]

اخواني سانقل لكم مشكلة انتشرت في الباثفيندر ولم اراها في المنتدى مع خطورتها وهي
سقوط مسامير الثلاجة في السرندل مما يسبب لكه في المكينة بعدين تدق ولايشتغل الموتر فتضطر لتغييرها وحصلت لاثنين من الزملاء
الاول غير الماكينه كاملة والاخر كلفته 1500 عند الورش
لكن اخوكم وش سوى يوم سمع بالمشكلة لان معه 2005 وخاف يجيه ماجاء اخوياه
مباشرة كتب فاكس وارسله لمكتب احمد الحمراني بجدة يشرح الوضع وان الخلل من عندكم وانه مصنعي خلال ساعتين اتصلو علي خدمات العملاء وقلتلهم القصة كذاوكذا قالوا لي راجع الوكالة اللي عندكم وعطون اسم مدير الصيانة عندنا بعد شهر راجعته وسألت عن المشكلة هل عندكم خبر عنها والا لا اول الشي انكر يوم شافن جزمت عليه وقلتله اني مرسل فاكس لجدة اعترف وقال خل الفني يفحص السيارة قال الفني مافيها صوت قلت فيها والامافيها لازم تغيرون المسامير قالي خلاص دخل سيارتك بكرا يوم جيت بكرا قالوا تدفع 750 ريال قيمة المسامير والشغل قلت ماادفع ولاريال الخلل من عندكم وليس سوء استخدام وبعد اخذ ورد كلمت خدمات العملاء بجدة لان عندهم خلفيه عن الموضوع غيروهن مجاني
ملاحظات
1- يظهر صوت لكلكة بالماكينة لمدة دقيقة كل فترة هذه هي العلامة ان فيه مسامير ساقطة بالسرندل
2-الوكالة يغيرونهن بمسامير فيهن غراء على شأن مايحلن
3- انصحكم بتغيرهن قبل ظهور الصوت لانك مانت خسران شي
4-اللي ماخلص ضمانه على طول يغيرونهن
ولكم مني جزيل الشكر

[مستقنص]

السلام عليكم ورحمة الله وبركاته

جزاك الله خير
بالنسبه لي بنصح ربعي اللي معهم باثفيندر


شاكر لك على التنبيه والنصيحه

اخوك
ذرى

[أبرق الشقيقة]

صباح الخير

هلا باخوي انا موتري 2005 واذا دست له بسرعه طبعاً وانا واقف يطلع صوت لقلقه خفيفه ؟ توقع هذا الصوت الي تقول؟؟ وحتى وانا امشي اذا زدت السرعه بعض الاحيان يطلع الصوت ؟ مع انه صوت خفيف مره ماتسمعه الى ااذا دققت فيه وشكراً

[بوابة التاريخ]

السلام عليكم
انا عندي سلمكم الله

بس فيه رجه حتى والسيارة واقفه
يطلع لقلقه خفيفة حتى وانا واقف
بس السيارة تشتغل تمام ولا فيه مشكله

وش رايكم يا شباب الله يجزاكم خير
وهل فيه ضرر على السيارة؟؟

[الباثفيندر]

شاكر لمرورك اخوي ذرى
اخوي ابرق الشقيقة
بالنسبة للصوت اللي انت ذكرته هذا عندي وسببه نوع البنزين جرب نوع 95
اما الصوت اللي اقصده صوت قرقعه حديد بحديد يستمر دقيقة او اقل ثم يرجع الموتر طبيعي

[الباثفيندر]

اخوي بوابة التاريخ
الصوت المقصود لايستمر الا دقيقة او اقل
لكن انصح الجميع سواء ظهر الصوت ام لم يظهر غيروهن وريحوا بالكم

[خلفهم]

طيب خلص الضمان وش السوات

[الدحبول]

الله يجزاك خير على نشرك الموضوع لان فية فايدة لي الاخوة إصحاب البثافيندر

[الباثفيندر]

اخي خلفهم
انا مغيرهن مجانا والضمان كان منتهي ماشي 90000 يوم اغيرهن
بس انت شد عليهم

[الباثفيندر]

شاكرا لمرورك اخي الدحبول
وهذا واجبنا

[برنو بيشة]

أنا عندي 2002 هل يشمله المشكله

[بدوي جنوبي]

اخي الكريم انا اقول هذا الكلام غير صحيح مع احترامي الشددددددديد لك

لعدة اسباب :
1- مسامير الثلاجة تكون خارجية
من المستحيل ان تسقط داخل المحرك

2- لو فعلا سقط مسمار داخل المحرك ،،، بيسقط داخل حجرة الاحتراق ،، يعني فوق البستم
والحجرة ضيقة جداااا لا تتحمل وجود مسمار ،، او حتي وردة صغيرة جدااااااااااااااااااااااااااااااا
لانه بمجرد سقوط هذا المسمار سيؤدي ذلك الي تلف سريع عند اول وهلة من التشغيل

http://www.mekshat.com/pix/upload/images44/mk32037_555.jpg

انظر الصورة لا يوجد مساحة لوجود دبوس صغير


نفترض ان المسمار سقط بأي طريقة او اخرى الي داخل المحرك عن طريق مجاري الزيت
او الماء وانا استبعد ذلك


سيصل المسمار الي قاع الكارتير وسيبقي هناك ولن يؤثر علي المحرك بمشيئة الله ،،، وقد تكون صُرة الزيت المزودة بمغناطيس بمسك المسمار وعند تغيير الزيت يظهر ذلك

3- الناس اللي تشتكي من صوت لقلقه صرصرة اعتقد والله واعلم من ان الديلكو يحتاج وزن

هذا والله اعلم

بالتوفيق للجميع

[برنو بيشة]

أخوي أبدوي جنوبي
كلامك على العين والراس بس الأخ البايثفندر يقول حصلن معه ومع أثنين من الشباب ويقول المسمار البديل فيه غراء للتثبيت فنبغى رد الأخ الباثفندر

وتقبل مروري

[الباثفيندر]

الاخ بدوي جنوبي
اشكر مرورك لكن المشكلة واقعة والحل كما ذكرت ان المسمار يغير بمسمار فيه غراءعلى شأن مايحل
ثانيا جم المسمار صغير جدا وعددهن اثنا عشر وهي داخلية
ارجوا التأكد من معلوماتك حول الباثفيندر
وشكرا

[الباثفيندر]

عفوا اخي برنو بيشة
على مااعقد انه من 2003 الى 2005

[أبوناصر]

طيب هل ممكن تزودونا بالصور لتوضيح مكان المسامير

[المميـز]

انا اعرف لكم واحد موتره باثفندر 2005 واقف بالوكاله ينتظر المكينه الجديده تصل !!!!


استغربنا وجود هذا الشيء !!!

ولكن ماقالوا شيء عن مسمار السيلندر !!!

وانا ابقولكم اللي صار مع خووي :

وقف عند باب البيت ومر يسمع صوت قربعه بالمكينه ( وكان يعاني من صوت لقلقه خفييييف بالمكينه من قبل )

وبعد القربعه ولعت لمبة الزيت وطفا الموتر !!:confused:

رجع شغل الموتر وخفة القربعه وراح لبنشري وشاف الزيت ناااااقص مره

وفتح سرة الزيت وماطلع الا ( علبه ونص بس )

وللمعلوميه الموتر مافيه اثار تهريب ابــــــــــــــــــــــــــــــدآآ :confused:

وحط زيت بالموتر من جديد وشغل الموتر ودق ريوس ومشى شوي وطفا مره ثانيه

وشاله بسطحه للوكاله ( لو مالحقت عليه كان مفجر بالوكاله :D )

بس الحمد لله عدت على خير ولحقت عليه

وعقب الفحص والتحاليل قالوا :

يقولون المشكله في عمود الكرنك وفيه احتكاك بالبساتم و مع نقص الزيت صغر حجمها والزت طلع فوق البستم !!!

على شان كذا راح الزيت وما ادري وش صار بالمكينه

عاد الحين جالسين ننتظر المكينه توصل

ويقولون ان الخطأ علينا :confused:

وبعد الكلام يمين ويسار حطوا علينا 10% وعليهم 90%

علما بأن الموتر لا زال عليه ضمان !




بالاخير اااسف على الاطاله

وشكرا لك على الموضوع المهم جدا لأصحاب الباثفندر

[الباثفيندر]

المميز
المشكلة اللتي اقصدها لمل تشوف الزيت تحصله طبيعي مانقص ولاارتفعت حرارة الموتر لكن هناك صوت يجي فجأة ثم يختفي

[أستاذ قلق]

اخي الكريم انا اقول هذا الكلام غير صحيح مع احترامي الشددددددديد لك

لعدة اسباب :
1- مسامير الثلاجة تكون خارجية
من المستحيل ان تسقط داخل المحرك

2- لو فعلا سقط مسمار داخل المحرك ،،، بيسقط داخل حجرة الاحتراق ،، يعني فوق البستم
والحجرة ضيقة جداااا لا تتحمل وجود مسمار ،، او حتي وردة صغيرة جدااااااااااااااااااااااااااااااا
لانه بمجرد سقوط هذا المسمار سيؤدي ذلك الي تلف سريع عند اول وهلة من التشغيل

http://www.mekshat.com/pix/upload/images44/mk32037_555.jpg

انظر الصورة لا يوجد مساحة لوجود دبوس صغير


نفترض ان المسمار سقط بأي طريقة او اخرى الي داخل المحرك عن طريق مجاري الزيت
او الماء وانا استبعد ذلك


سيصل المسمار الي قاع الكارتير وسيبقي هناك ولن يؤثر علي المحرك بمشيئة الله ،،، وقد تكون صُرة الزيت المزودة بمغناطيس بمسك المسمار وعند تغيير الزيت يظهر ذلك

3- الناس اللي تشتكي من صوت لقلقه صرصرة اعتقد والله واعلم من ان الديلكو يحتاج وزن

هذا والله اعلم

بالتوفيق للجميع

عزالله انك كفيت ووفيت
كلامك ليس عليه غبار..
الله يجزاك خير

[برنو بيشة]

شكرا أخوي والله يطمن قلبك

[أبوناصر]

يا شباب في الجو البارد أو ما أشغل السيارة الصبح أسمع صوت في الثلاجة أو تحتها تقول فيه خرفاشه وسطها


وبعد ما يسخن يروح الصوت



والحين بعد ما قريت الموضوع صرت أوسوس وكأني أسمع صوت طقطقه بالمكينة يا شباب وضحوا المشكلة


وهل لو رحت للوكالة وسووا فحص بيبان معهم ولا لازم فك المكينة ؟؟؟؟

[بدوي جنوبي]

يا شباب في الجو البارد أو ما أشغل السيارة الصبح أسمع صوت في الثلاجة أو تحتها تقول فيه خرفاشه وسطها


وبعد ما يسخن يروح الصوت



والحين بعد ما قريت الموضوع صرت أوسوس وكأني أسمع صوت طقطقه بالمكينة يا شباب وضحوا المشكلة


وهل لو رحت للوكالة وسووا فحص بيبان معهم ولا لازم فك المكينة ؟؟؟؟

اطمن اخي ابو ناصر ان شاء الله ما عندك اي مشكلة ولا توسوس
من المعلوم عند تشغيل المحرك وهو بارد يظهر منه اصوات مثل صوت بلوف او صوت طقطقة او صوت قرعة سبيكه ،،، وكل هالاصوات طبيعيه لان المحرك باقي بارد ،،،، انت لو تلاحظ عند تشغيل المحرك تظهر الاصوات في اول 10 ثواني وتبدأ تختفي وتبقي بعض الاصوات
وقليل من الناس ما يلاحظ هذه الاصوات ،، اذا احتر المحرك تختفي هذه الاصوات لان الحديد تمدد بفعل الحرارة
ولا ننسي دور الزيت في ملء الفراغات بين اجزاء وقطع المحرك ،،،

في فصل الشتاء تكثر اصوات في السيارة مثل صوت قربعه كأن السيارة قديمة
هذا بسبب الحديد ينكمش في الشتاء وتبقي فراغات بين الاجزاء،،

احيانا نوضب محركات كبيرة مثل محركات الكهرب 12 سلندر
او محركات الشاحنات الكبيرة ،،،

اذا بغينا ندخل البستم داخل القميص (السلندر) لازم نضع البستم في ثلاجة فريزر حتي يصبح باااارد جدااا

بعدها نقدر نركب السلندر واكيد انت عارف ليه ؟

وبعض القطع ما نقدر نركبها حتي نضعها علي سخان حرارة :rolleyes:

طيب نفترض ان المسمار اللي انت خايف منه داخل المحرك

المفروض يبقي صوت المسمار علي طول سواء كان المحرك بارد او حار

رح للوكاله وخلهم يسمعوا الصوت وشف وين يظهر الصوت ،،، وانتبه لا تستعجل ترا الوكاله ما يصدقوا تجيهم

واسف علي الطالة :D

بالتوفيق :good:

[Abu Saad]

تبي شوري عاد ...

لاتتعبث بمكينه مافيها الا العافية .
اللقلقه غالبا وزنية بلوف . سواء في الباث او غيره ..
ام اني افك المكينه عشان يمكن تنحل صاموله .. فاعتبره عبث .
مع احترامي الكبير لصاحب الموضوع.
والسلام عليكم

[salehhd]

السلام عليكم

تسجيل مشاركة حتى تتضح الرويا ان شاء الله

وسأقوم بالاتصال بأحد المعارف في وكالة الجبر للتأكد من صحة وجود المشكلة

[سبينر]

بنتظارك أخ صالح ..

وانا عندي بالباث 2005 صوت لقلقه خفيف اذا ضغط على البانص مرة وحده .. احيانا يطلع صوت لقلقه خفيف
مادري وش هالصوت .. ونفس الصوت يطلع في كابريس 2005 ..؟ وفورد 96 .. وكابريس Ss كلها يطلع
صوت لقلقه عند الدعس أحياناً مادري وش سالفة الصوت ياجماعه ..؟

[yaserx]

السلام عليكم ورحمة الله وبركاته ......... حي الله كلن بنكنيمه

معي ياأخوان باث فايندر 2005 والموتر جديد ( يعني ماكد انجلد ) وفيه نفس المشكلة ( قرقرة او قلقلة او كرة , سموها مثل ماتبون ) لكن ماتجي إلا إذا دعست بنزين ومعشق القير . وتراها ماتجي اذا دعست بنزين والموتر واقف ومفضي القير .
انا سبق وطرحت المشكلة في هذا المنتدى الموقر و اختلفوا الشباب لكن أغلبهم اتفقوا على غير نوع البنزين و الباقين وهم اقل قالوا من القزوز .

على العموم ساعتها انا كنت في جدة وكنت ابي حل للمشكلة قبل أرجع للديرة ( خايف ) ومريت ورش جدة وأدخل اول ورشة ووأول ماشرحت للباش مهندس ( أمين وأجودي الله يوفقه ) اللي قاعد يشتغل بموتر وقبل أكمل كلامي وأنا أقول له( فيه صوت قرقرة بالموتر وخايف تصير من القير)
قالي : الموتر هذا وهو يأشر على أبو بندر قلت إيه
قال : تعبي أي نوع بنزين
قلت : 91
قال : مشكلتك هينه :
1- جب فلتر بنزين جديد .
2- جب علبتين منظف بخاخات .
3- فض التانكي ( لزم عليها فض التانكي ) وغير نوع البنزين الى نوع 95 .
وموترك بيضبط إنشاء الله وبيروح الصوت .
قلت : مو من القير ( ملقوف إلا يبيهم يضحكون عليه ) هههههه ( لأ .... الحظ طيحني بأجودي يخاف الله والا كان صارت علوم .
قال :وش فيه القير .
قلت : أعايره وألقاه ناقص .
قال: وشلون تعايره .
قلت : أعشق بالريوس وأعايره .
قال : أكيد بينقص إذا تعايره وانت نعشق بالريوس , لكن عايره والقير فاضي .
قلت : الله يقزاك بالخير ياباشمهندس .

انا فقعت رووسكم بهالسالفة , لكن شو بدنا نعمل ياجماعة الربع ( اقولها بصوت القصبي وهو يقلد ذاك المتسعود )
على طاري القصبي الله يبلغنا وياكم الشهر الفضيل , عاد تصدقون من يوم اشوف السدحان او القصبي على طول اتذكر رمضان .
بتلت اسولف ماتلاحظون , تكفون شيلوا الكمبيوتر عن , تراي أباكله , ههههه , صار فصفص ( حب على قولة أهل الشرقيه )
موفقين انشاء الله .

( لا تصدقون إني قضيت تراي أبرجع لكم بعد شوي وابسولف) هههه

[ملك الباثفندر]

السلام عليكم ورحمت الله وبركاته

مرحباً بكم كلكم

شكراً على طرح مثل هذا الموضوع الرائع لكن لدي إستفسار بسيط وهو مشكلة التأخير في تغير الجربوكس من نمره إلى نمره مع العلم ان الجربوكس اتوماتيك وش الحل فيها ؟

مع جزيل الشكر والامتنان

عذراً إلى جميع الاعضاء في هذة الخيمة إنقطعنا عنكم فترة 6 اشهر بسبب الانتقال إلى مدينة الرياض
بس تترتب الامور نبي نسوي رابطة خاصة بالباثفندريه عن كل جديد على قول اخونا (قرم )

تحياتي إلى اللقاء