تنصحون أركب فلتر رياضي للاندكروزر 99 أتوماتيك ؟؟؟؟

[power]

تنصحون أركب فلتر رياضي للاندكروزر 99 أتوماتيك ؟؟؟؟

أين أجده ؟؟؟

وين الورشة اللي ممكن تركبه ؟؟؟

وشكراً ....

[بريد5]

طبعا التركيب سهل

لاكن على مايقولون لاتخنبدز واجد

خلك على شد البلد

واابعد عن المشاكل

تقولي ليه ..

اانا اقولك ليه صح الموتر يطربك ويطلع فله

بس نظام فلتر الرياضي يدخل كمية كبيرة من الهواء والاتربة داخل المكينه

وبالتالي تخبط عليك المكينه ويظيق صدرك على شي ماله داعي


نصيحة ثم نصيحة خلك على شد البلد ويالله من فضلك



,, وجهة نظر ,,

[power]

نصيحة طيبة من رجل أطيب ...

وخلنا نسمع آراء المجربين ...

وش تقولون ؟؟؟

[مطفوووق]

الفلتر طال عمرك هو عبارة عن ماصورة المنيوم تركب بدال الفلتر الاصلي وباخر هالماصوره فلتر .
صحيح الموتر بيخف عليك لان الهواء اللي بياخذه اكثر من الهواء او المعدل الطبيعي بس فيه عيب باوقات المطر او ( المطافش ) بوسط الماء لان اذا ابتل رح يمنع دخول الهواء الى المحرك وهنا مشكله . هذا من وجهة نظري والله اعلم
اذا تبي موترك يخف ركب له مراوح اتماتيك تنفع وماتظر .

تحياتي لك ...

[power]

اذا تبي موترك يخف ركب له مراوح اتماتيك تنفع وماتظر

شكراً .... الأخ مطفووق :

وش تقصد بمراوح اتماتيك ؟؟؟ ويين تركب ؟؟؟

[هولوكس2005]

والفلتر تراه يبي مدارات يعني كل اسبوع اسبوعين لا زم تنفخه بالهواء

والماء تراء الماء يضره يعني اذا صادفة مره ودخل الماء مع القصبه ووصل للميكنه
احتمال تخبط المكينه



والفلاتر احرص على الاصلي مثل السوماتا الامريكي وقيمته لا تقل عن ال160 ريال
وفيه الكي ان افضل نوع بس غالي قيمته حوالي ال 300 ريال

ويمديك تلبسه شرابه حريم الشفافه


وفيه وممتاز الي هو فلتر دنه سيزو وكاله وقيمته 93 ريال بس كبير حجمه والقاعده قيمتها الميه وحولها
القاعده عن ورشة السيف ببريده او اي محل زينه معروغ بالحجات هذي

مع كل هال معلومات مأنصحك فيه


نصيحه اخويه

[لن أمل من العطاء]

السلام عليكم
اخوي اقدر كل اللي ردوا على موضوعك هذا
انا مركب فلتر رياضي على جمس 99 مكينته 7400سي سي اي انها 454 وماشاء الله تبارك الله الموتر اقوى من مثيلاته بفرق واضح
ولكن هذا يعتمد على نوع الفلتر اللي تركبه ونوعية الشركه المصنعه للفلتر اي ان فيه مقاسات لانواع السيارات
الشيء الثاني طريقة التركيب فهناك من يركبه بدون حماية والبعض له صندوق للحماية الشيء الثالث الماء لا يوصل له فطبيعي الماء اذا وصل سيدخل داخل المكينة في حالة بدون مربع الحماية
رابع شيء احترامي للي يقول التنظيف بالهواء عند البنشر مل اسبوع او اسبوعين لان تنظيفه يتم بواسطة الماء وداخل المنزل وله علاج تنظيف يستخدم مذيب للاوساخ وزيت لونه احمر الذي هو لب الموضوع ويمكنع دخول الاوساخ التنظيف يتم كل 3 شهور وسهل وممكتع بالمنزل علبة المنظف المذيب والزيت قيمتها 80 ريال ومتوفره ويكفي لاربع مرات تنظيف
اخيرا هناك انواع من الفلاتر جديده بدون زيت تكون اسهل لكن بالزيت افضل

[رسن]

اخي باور انا انصحك تخلي كل شيء وكالة خلة طبيعي وانت حر تحياتي

[الدحبول]

طبعا التركيب سهل



لاكن على مايقولون لاتخنبدز واجد


خلك على شد البلد


واابعد عن المشاكل


تقولي ليه ..


اانا اقولك ليه صح الموتر يطربك ويطلع فله


بس نظام فلتر الرياضي يدخل كمية كبيرة من الهواء والاتربة داخل المكينه


وبالتالي تخبط عليك المكينه ويظيق صدرك على شي ماله داعي



نصيحة ثم نصيحة خلك على شد البلد ويالله من فضلك





,, وجهة نظر ,,


ماقدر أقول شيء كفيت وفيت