ورشة المميز خفس سقف الجيب وش الحل يا جماعة.

[ابو ســــاره]

قبل فترة قريبة شريت لي جيب تيوتا هدد وبديت في تجهيز السيارة ورحة لم ورشة المميز .
الورشة انا اعرف راعيها السوري محمد المصري من يوم ما طلع من عند المواهب من قرابة سبع سنوات كنت اجيه دايم اشتغل بسيارتي وغالباً ما يئخرني ويبهذلبي بمواعيده المهم ما لكم بالطويلة . جبت الجيب في ورشته الجديده الي في صناعية الدائري وتوقعت انه تحسن مستواه وقلت له يالله ابيك تفصل سلة سقف ودعامة وقاعدة استبنة داخلية قالي خل السيارة عندي وابشر بالخير رجعت له من بكره لقيت موتري خالص والشغل لك عليه البوية تتقشر بطرف اصبعك ومش حالك طبعاً ما دققت يوم وصلت البيت وافك السله ابي اخليها للشتى والطلعات وانا الي امسك راسي من هول ما شفت التنده مطابقة من الجهات الا ربع متخفسة لاحول ولا قوة الا بالله رجعت له من بكره وكأن الموضوع ما همه ويقول ما تعمدنا وزي الي يقول ارضي بنصيبك وهاته ورده انا وياه اتفقنا اشوف كم تكلف ويعطيني التكلفة ونخلص ورحة وراكضة وسعروها لي بــ1500 تعديل التنده يوم قلتله قال الكلام هذا ما يمشي ابي ورقة من المرور بالكلام هذا ايييييه الله يعين كيف يا محمد مهوب ذا شغلك من قبل المهم واروح للمرور ورجعوني للشرطة والشرطة استدعائت ومرمطة وعساي القى الافراد على مكتبهم كل صبح وانا عندهم وهو بعد عارف لهم قعد يمطمط ما جاء الي باخر استدعاء ويوم جاء يتبسم ولا همه ابداً قالو له عطنا صورة من اقامتك وتوكل على الله وااخذ ورقة من الشرطة للتقديرات والتقديرات قالو صدقها من الناصرية اه ه ه ثم اه كيف مثل هالفلسطيني يبهذل بي في ديرتي وانهان ولا همه طبعاً الكلام هذا كله اخذ معي شهر كامل من الغربلة والحوسة نهايتها قدروها لي المرور بــ900 ريال رغم اني لو صلحتها يبي يطيح بالجيب حول 5000 واسف جداً على الاطالة لكن ما عندي الا انتم افضفض لكم يالمكشاتية

[هاوي البر]

الله يعوض عليك يا ابو ساره والله ان الاجنبي في هذي البلد لعب علينا لعب كنك منتب بديرتك لا شرطه تنصفك ولا احد غير رب العالمين لو تتهاوش معه قالوا ايه تستضعفه علشانه اجنبي ولو يشتكيك هو في الشرطه مرمطوك مرمطه يقولون اهم شي سمعت البلد شف مشكلة الخدمات تجيبها بعقد لمدة سنتين ولو تجلس عندك مدة اربع شهو لا خمسه وتقول بسافر ما تقدر تسوي شي الفيزه الي دفعتها راحت عليك و فلوسك راحت المفروض تحاسب الخادمه على ان مدة العقد سنتين كيف تجلس اقل ولا حسيب ولا رقيب خلها على الله بس شي يفقع الكبد

[سعيد11]

ابك انت وش فيك اول ماهو خذ حقك بيدك وبعدين يجي دور الشرطه والمحاكم يتعلمون الحلاقه في روس الايتام والله لو حصلو الجد من كل واحد فينا ما كان اتجراء على بهذلة سيارتك

[ابو ســــاره]

شكراً اخوي هاوي على الرد بارك الله فيك .
انا ما غبنني الا العسكري الي في القسم والمشكلة انه بدوي يعني يعرف وش معنى جيب وتخفست تنده يعنى ما عاد ينفع ولا بريال وقلتله حولني على شيخ المعارض وخله يقيم السيارة ويعطين الي طاح من سعرها ورفض .

[ابو ســــاره]

سعيد 11 على يدك يالله رح كيف الرجال وابشر بالي يدسم شواربك بذبيحة يا اخوك انا رجال ابو عيال .

[راعي الهـــدد]

لاأله الا الله ...

يالربع انتو وشفيكم ...

وش تبون بهالسوري او ما ادري هالفلسطيني ....

بالله عليكم ... بالله عليكم ...

مرات وكرات نشوف الأخوان هنا ... ينزلون مواضيع يشتكون فيها من هالسوري

حق ورشة المميز ... او بمعنى اصح المقبّح وليس المميز ...

والله ان اقل وصف يطلق على هالسوري وورشته ورشة المقبّح

ان يقال له انت سروق نهار وليل

ياخي وش تبي به لابارك الله بالعدو ...

والله اقولها بكل صدق ....

تعاملت مع ورشة الغالي ابو خالد ... ورشة المواهب ...

احسب الرجل والله حسيبه .. رجل فيه خير ...

ولايمكن يغشك بريال وآحد ...

وصلحت عنده الهــدد يوم كان معي ...

ثم صلحت عنده الربع الباترول ...

ورهمت به وصلحت وضبطت بحدود ... 3000 ريال او اكثر ...

ومع هذا مارأيت منه الا كل خير ....

سؤال وآحد ...

وش تبون بورشة المقبّح ... قبح الله صاحبها وورشته معه ...


والله اني الآن متألم من حالك يابو ســـاره

وقبلك اخونا ملاعب الريح ... اسرقه هالسوري سرق وفي وضح النهار ولاحسيب ولارقيب

ماغير كلاب تناظر وبس .... واقطاوووه بعد .... ماغير ميو ميووووو ... ولااحد في المجتمع رد له حقه ...

وجانا اخونا الغالي ابو سيف ملاعب الريح وسجل موضوع هنا يشتكي فيه .... اذا تذكرون يوم يخرب عليه السوري الونش حقه

ومع هذا نجد ان سقطات الأخوان دائم كثيرة

وعلى يد هالسوري الذي لايخاف الله

لكن .... أقترح أقتراح ....

ان إدارة المنتدى ... تبين للأخوة الورش القبيحة .... والورش الطيبة ...

وتجعلها بموضوع مثبت ...

لكي مايقع أحد من الأخوة مرة أخرى .....

اقول ربما هذا الأقتراح صعب طرحه ...

وممكن انه يسبب أشكالات على المنتدى .....

طيب يطرح بأسلوب ذكي جداً ....

وهو طرح موضوع به قائمة ... بالورش المميزة ....

ولا يذكرون ذم لأحد ... بس يذكر الورش المميزة .... وتخصصها وموقعها ... أن حصل ...

واللبيب بالإشارة يفهمُ

وكل لبيب بالإشارة يفهمُ .... وليس له غيرها فليرشد

وبهذا الموضوع يقال المثل أياك اعني واسمعي ياجارة

..............

اما عن أعطابه لسيارتك ....

فسجلني معك وآحد ممن سيطالب بحقك ياغالي

وابشر بالي يسرك ....

انا عندي شوي بالمحاماة واعمامي عندهم مكاتب محاماة ....

ابشر استفصل لك بالأمر ... ان حصل حقك بالنظام والمحاماة فالحمدلله ....

وإن ماحصل .... فترى يمدحون ذيك الي دايم ورى المرتبة .... ونعين ونعاون ههههههه


ياحبي لك يابو سارة

انتظر بس منك رد وابشر يابعدهم

[power]

راعي الهدد:

ورشة المواهب تكفى وين عنوانهم بالضبط ؟؟؟

[ابو ســــاره]

يا هلا وغلاء ابوحمد راعي الطيب والخير كله
ابو خالد الخلف راعي المواهب رجال والنعم فيه ومن الجماعة بعد بس انا استحى لا اتعامل معه لانه شخص قريب خصوصا لا صار شغل مثل هلامور يعني تتوقع انه لو الي سواء هالسواة بي بالتنده هي ورشة ابو خالد ابروح اشتكي واطالب مستحيل طبعاً اما هالسوري الي مخليني اطيح فيه من زمان وهو اذا ما عجبك الشغل اقوله فكه ما صلح لي وما عندي فيه اما شخص قريب صعبه وعلى فكرة ترى فيه اشياء يعجز السوري المميز يصلحها ويقولك بلسانه رح لم المواهب يظبطونها لك .
وترى النفس عافت الموتر يا بوحمد وان كان تخبر لي مثل موترك عطنا خبر .

[راعي الهـــدد]

راعي الهدد:

ورشة المواهب تكفى وين عنوانهم بالضبط ؟؟؟





لاتقول تكفى .....

أزهم صاحي يجيك مجنوووون .....

سم ....وآمر ... وتدلل




سجل عندك يالغلا ...

ابو خالد
0504492550

الورشة
014461057

وهذا بعد رقم جوال لهم ارجاحه وزود على الكيلة ههههه

0505418509

الصناعية القديمة ... شارع العويضة ...

واضح جداً واذا ماهوب واضح ارسل لي رقمك بالخاص

اوصف لك وانت رايح لهم ...

وأشرط لك انك ماراح تندم ....

والله العلي العظيم ان مالي مصلوح ....

بس والله مشفق عليكم من هالنصاب السوري ...
ورشة المقبّح ....

والله لو ما القى احد يصلح لي جلست احورف بموتري

ولا انطله عند هالسوري

[راعي الهـــدد]

يا هلا وغلاء ابوحمد راعي الطيب والخير كله
ابو خالد الخلف راعي المواهب رجال والنعم فيه ومن الجماعة بعد بس انا استحى لا اتعامل معه لانه شخص قريب خصوصا لا صار شغل مثل هلامور يعني تتوقع انه لو الي سواء هالسواة بي بالتنده هي ورشة ابو خالد ابروح اشتكي واطالب مستحيل طبعاً اما هالسوري الي مخليني اطيح فيه من زمان وهو اذا ما عجبك الشغل اقوله فكه ما صلح لي وما عندي فيه اما شخص قريب صعبه وعلى فكرة ترى فيه اشياء يعجز السوري المميز يصلحها ويقولك بلسانه رح لم المواهب يظبطونها لك .
وترى النفس عافت الموتر يا بوحمد وان كان تخبر لي مثل موترك عطنا خبر .





والله مادام قريب فلا اقول شي ...

بس والله ما اظن ان ابو خالد وعمالته بيسووون زي هالغلطه ...

تقول لي ليش اقول لك ...

لأن هالغلطه داري وش معنآها ... ؟؟؟؟

أن هالسوري ما أخذ مقاسات الحديد صح ... وتورط .... طبعاً هذا قبل التركيب وقبل تعفيط التنده ....

بس هو مايبي يخسر حديد ثاني ويرمي هالي قص ...

وش سوا لك

رص ابو السلة رص .... واتبكها بالمسامير ... وانت حبيب جيت وشغلت ومشيت ...

فغلطه زي هاذي وفس سلة علوية ... هذا تعطيك تصور كامل عن الورشة ... وأن ماعندك أحد ....

يعني اجل لو جيت ابيه يرهم لي تانكي اضافي وش بيسوس ... بيعدم ابو ارضية الموتر عدام ...

اقول لك .... خله عنك تفكى .... واذا عزمت جمع شغلاتك وجرها لورشة الأختيار بحايل ترآهم بعد جيدين وعندهم شغلات طيبة حتى ماتحصلها عند اطلق ورشة ولا حتى عند ابو خالد المواهب ...

بس بعيد حايل ... بس ولو جمع شغلاتك ورح يوم ربوع ولا ترجع الا الجمعة خالص ونسق معهم بتصال ...

عموماً حصل خير ... والحمدلله ... انه اهوينه ...

وأحب اقول لك انا ياما وياما خسرنا بمواتر القنص ...

ولا تحسف بس خلك حذر ....

وجعل هالريال بالنار .... بكيفه والله باوسع صدري بالمعقول ...

ولانيب مضيق صدري وبدآل الريال ريال ....

شفت 5000 ريال ....هالي خسرتها بموترك ... نصيحة انسها ....

ويبي يعوظك الله بدآلها بتشوف ....

ترى ليس معنى كلامي ان تترك ترويض هذا السوري ليتقن عمله الحقيقي بالبلد ....

بس قصدي لاتحزن فما عند الله خير وابقى ....


وترى موتري فدا رجليك ....

تعال تقهو .... وشف الموتر .... واذا تبيه شله معك .... طالبك تقول تم ....

والله انه يفدا رجليك يابو ساره ...

بس قبل هذا شفه وسقه ... وامش عليه ....

واذا ناسبك وناسب عايلتك ... فوالله انها اسعد اللحظات يوم يروح موتري لغالي مثلك وشرواك ...

[ابو ســــاره]

كثر الله خيرك يا ابو حمد تهدي البل وانا اخوك وموترك مركب لك وتحت رجلك وما عزالله سالتك عنه ابيه لي بس هو اخر ما طاح في بالي رغم ان مشكلة الربع الضيق بس انا قلبتها في راسي وقلت ما اخذه ابو حمد وترك التيوتا لا فيه خير

[راعي الهـــدد]

كثر الله خيرك يا ابو حمد تهدي البل وانا اخوك وموترك مركب لك وتحت رجلك وما عزالله سالتك عنه ابيه لي بس هو اخر ما طاح في بالي رغم ان مشكلة الربع الضيق بس انا قلبتها في راسي وقلت ما اخذه ابو حمد وترك التيوتا لا فيه خير



اقول الليلة ماعاد الا خير ....

وبكره اول يوم دوام لنا ياطاقم التعليم ...

الله يعظم الأجر ... هههههه

العودة بكره ...

اقول باروح انام ....

وبكره باصلاك صلي ان شاء الله .... هههههههه

وابي اعلمك عن كل شي بموتري وبالتفصيل الممل وبعدها قرر ترغب هالنوعية .... او لا ...

ووالله اني فاهم انك ماتقصد موتري يوم انك تسأل

بس انا عندي لك راي راشد ومبارك وصالح ومحمد هههههه

بس خلها بكره وتكفى لاتحزن وبتيسر الأمور بأذن الله

بمان الله بادحدر اتعنقط بالمخدة .... ههههههههههههههه

[طارق الحربي]

انا لو اني بمحلك


مسكته وجلدته ليييين يعض الارض :)

لان الشرطه ماراح تطلع حقك

او اقعد صايح عليه عشان يخاف من الفضيحه ويعطيك فلوسك

شكرا

[بواسامه]

قسم بالله ان شغله مثل قلته وبويته تتقشر وانت عنده
وما يحترم زبونه وشايف نفسه
ومتخذ في نفسه مقلب ودايما يتكرر منه الخطأ
قاطعوه يالكشاته ويتأدب
وخلو سمننا في دقيقنا
مع ابوخالد راعي المواهب اللي هو درب هالسوري اللوري

[حمد808]

الله يعوضك يابو سارة والله انها غبنة وتحرق الكبد
انا قبل اسبوعين رحت لم السوري ابية يلحم لي مجرى لطبق الشاص جيتة يوم الثلاثا اخذ المقاسات قالي يوم الخميس تجي ونلحمة جيت يوم الخميس الصباح قلتلة لحمة قال اه نسيت قلت خلاص مافية مشكلة قص الحديد ولحمة يوم جا التلحيم بصندوق الجيب ونا فوق راس البنقالي يوم بدا التلحيم وهو اللي يحرق الفيبر وهوشه قلتلة ياللة كمل بس لا تعودة ثانية يوم خلص صار المجرى مايل ولا خليتة يصلحة خفة يخربة زود
وهذي تجربتي اللأولى والأخيرة باذ ن الله
المشكلة ان اليوكن اللي معة ما يسوالة 50الف ولا تخسف تندتة وتبرد كبدك

[وقاااااد]

محمد المصري (المميز) :no:
اكبر نصاب صارلي مره معه موقف رهمت عنده تانكي بانزين كبير في محل تانكي الوكاله في سفاري 93 وعبيته بانزين وانفجر اللي وهرب برا رجعتله وغير اللي ورحت مشوار وهرب مع الكلبليتر نسم من الكبوت
ورجعت وغير الطرمبه وكل مره اخليه وارجع على لموزين رايح جاي وآخر شي رميته في وجهه بعد ماخربتها معه وخذيت فلوسي وريحت راسي
انصحكم عدم الشغل عنده شغل مروح والنفس خايسه تقول تشحذ من حلاله 0

[النمر الأشهب]

يا جماعة الخير إنتبهوا من السوريين بصفة عامة (الشامي) ترى أكثرهم ما يخافون الله لا تأمنه على مال ولا على حلال وأكثرهم عديم الضمير لا صلاة ولا أمانه وأكثر الورشات الي يشتغلون فيها لحسابهم الخاص والكفيل بس بالصورة إنه صاحب المحل ولا يجي عندنا إلا الخربان منهم إلا ما ندر ولهم معارف عند الشرطة ويصلحون السيارات ببلاش لبعض العسكر لكي يكسبون ودهم وعند الأزمات (ينفعونهم) فلا تستغرب عندما تتجاهلك الشرطة عندما تطالب بحقك ويمكن يكون الكفيل من الشرطة بس بصورة غير مباشرة لأن النظام ما يسمح للعسكري بفتح الورشة فيجيبها من الطريق الغير مباشر فأحسن حل أراه من وجهة نظري (لا للمخدرات ولا للشغل عند السوري) والله يحفظنا من كل مكروه ويديم نعمة الإيمان علينا.

[خيام الندم]

حسبي الله ونعم الوكيل الحق ضااااااااااايع

[راعي الهـــدد]

ابو ســـارة ..... وش صار عليك ... ؟؟؟

حسبنا الله ونعم الوكيل ....

تراني بنتظارك الى الآن ....

[saaqaar]

ابو سارة جعلها دفاعة البلاء عنك وعن موترك.
بالنسبة لورشة المميز كنت معهم من يوم كان في ورشته الاولى الصغيرة
مركب دعامة سلق 99 زي العسل(علشان ما نظلم الرجال)..
قبل مل ينتقل لصناعية الدائري ركبت ونش على سفاري2005 تركيبه حليو
لكن الي ضيق صدري اذا جيت تاخذ موعد منه شوي وتقوله تكفى عطني وجه
مع العلم انك جاي بفلوسك ويوم جيت وركبت الونش كنت صايم ذاك اليوم والله يا عالم اني من الصباح عنده وان فطوري في الصناعية المغرب قسما بالله
وقالي بركب لك اللوحة قدام الونش ويصير الونش مخفي قلت شورك و هداية الله
ما امداه يركبها ذاك اليوم وابشرك ما ركبت الى يومك
راح اخوك وجبت غطاء ونش حق كروزر ورشيت نفس لون الموتر وطلع ابرك من وجه
لكن مثل ما قال اخوي ابو حمد (رحمه الله) :) لابد من موضوع مثبت عن الورش حتى لوكان صاحب الورشة عضو معنا الدراهم دافعينها دافعينها راتب اسلاف المهم الشغل الصح وكان الله في عون الجميع

[منصور ع]

قسم بالله ان شغله مثل قلته وبويته تتقشر وانت عنده
وما يحترم زبونه وشايف نفسه
ومتخذ في نفسه مقلب ودايما يتكرر منه الخطأ
قاطعوه يالكشاته ويتأدب
وخلو سمننا في دقيقنا
مع ابوخالد راعي المواهب اللي هو درب هالسوري اللوري
هذا والله العلم الزين والشور المبارك فعلا مرة ركبت سله فوق الجيب اعوذبالله نفس خايسة وجلد مروح طبعا غير المواعيد الكذب وعينه قويه بعد
قاطعوهم لا للمنتجات الدانمركيه لا للمميز العفن

[ناوي نيه]

يا ابو ساره ليش كل شيلت الهم رحل يوم من الايام في ليل وخفس تندته
وحده بوحده والبادي اضلم عشان يحس ابو شكم بلاي ما اشوف حل غير هاذا عشان تبرد حرتك ولا يعيدها بمواتر المسلمين

[البيـرق]

والله انكم صادقين لو اتصلنا وشكينا لراعي الورشه....

ان يقلعه ويجيب غيره ازين منه....اخلاقه شينه وما يعطي وجه ....وشغله صار زي وجهه

ركبت دعاميه على الجيب .......ويوم وصلت الشرقية الا والبوية طايره......

والله يعيننا واياك اخونا ابو ساره..........بس نصيحتي لك لاترش التنده ولاتسمكرها....

حاول انك تعدلها.......انت عارف المعارض وش بيقولون لو رشيت (؟؟؟؟؟؟؟؟؟).........

[القناص]

حسبي الله على المميز اللي مهوب مميز

الله يخلف لك خير منها

[ابو ســــاره]

شاكرومقدر لكم يا جماعة كلاًً باسمه على ردودكم وتعاطفكم مع مشكلتي
ابو حمد جزى والديك الجنة على حرصك واهتمامك . ابداً ما صار شي مثل ما قلت لكم قبل سعروها المرور بــ900 ريال واستلمتها بشكل رسمي من قسم الشرطة مع مرمطة زي الي قبل. ولا طاعو يسلمونيها الا بعد ما وقعت تنازل عن السوري . الحمدلله على كل حال . لا بعد حقين التعديل يقولون التنده ما تعدل لان فيها جسور في الزوايا الداخلية لازم تقص وراح يدخل بويلة وخربطة قلت ما يحتاج ابى ابيع الموتر اصلاً النفس طابت .

[غضنفر]

الله يعوض عليك يا ابو سارة
وزين انك طلعت من ذا السوري بــ 900
مدري لكن بالنسبة لي
اشوف انه غلط انك تركب شي على بودي السيارة ما يركب الا باللحام
لأنه مهما كانت مهارة العامل لازم يترك اثر لحام او حرق على بوية السيارة
وبالنسبة للسلة
فيه بالغرابي سلات مفصلة وجاهزة وتركب على مسامير سقف الموتر
سهلة الفك والتركيب
ولا تحتاج الى لحام

[قصرصالح البديوي]

السلام عليكم


الله يكون بالعون
ورشة المميز قبل خمس سنوات اي في ورشته الاولى ... فصلت سلة على اللاند كروزر وكنت مستعجل ابسافر المهم ركب عقب مرمطة... رحت للديار المقدسة مكة المكرمة ... المدينة المنورة ... صدفه وانا بالمدينة المنوره نازل من الشقه الظهرية إلا اشوف الموتر لونين !!! أصفر وابيض قلت يمكن ماهو موتري !!! إلا مـــوتــــري ... اثر الشمس لاعبتن بالسله وقالبتن البوية أصفر ... كلمت السوري قال تعال نطرب لك بويه ... بكل بروود .. طبعا الكلام من تركيب السله الى اللون الاصفر ماله كم يوم خمسة ايام وحولها .


- يا جماعة أنتم تحبون الخير
وش رايكم
يمسك كل واحد منا ساعتين خفاره عند مدخل المميز ونعطي فكره وتوضيح لكل زبون يدخل الورشة .
ويكون مدير
الخفاره والمناوبة
ابو ســـــاره
ونائب المدير ... راعـــي الــــهــدد
وش قولكم



والله ولي التوفيق

[ديرتي]

والله ان الموتر سنه موتري يابو ساره لاني ارتفع ضغطي من هالشامي
انا اشتغل عنده بس على خفيف
اخر مرة سوا لي دعامه لجيبي 97 ورحت البر وفكيت الفاس وابي ارجعها واثر المسمار بايز من مرة واحدة فقط
قلت وجع اخاف اني لاك علية والا اثر السنه منتهيه تقول جايبها سكراب
مير ارجع له ويغيره لي بعد فحص دقيق وبنفس شينه

[ابوريناد1979]

ياجماعة بإختصار نصيحة
اذا دخلت ورشة ولقيته عربي انحش :no2: (سوري لبناني مصري) لأنه يحط راسه براسك ويحاول يقتنص اللي بمخباك
ياحبي للآسيوين وبس (هندي باكستاني فلبيني) :good:

[عبيثراني]

تحيه طيبه للشباب
انا اضم صوتي لصوتكم بمقاطعة هاض الشخص
انا تركته لسوء اخلاقه في التعامل مع زباينه فوق انه غالي شين نفس خايس النفس والريحه هو وعماله0وقصتي معه اني جيته يوم افصل تانكي ماء للجيب وقال ب1300 هذا السعر تراه قبل الغلاء في اسعار المواد وتفاصلت معه حتى وصلنا الى 1200 0 واعدني بعد اسبوع قلت سم ننتظر اسبوع 0 وعند التركيب اتيت بدري صباحا ولم اجده وكان اخوه موجود فقال لي اترك السياره وارجع العصر فقلت لا ياخي لااستطيع ترك السياره عندك سيارتي جديده2006 حيث حذرني الاخوه بعدم ترك السياره لديهم وذلك لعدم الاهتمام عند رش البويه عند وجود سيارات بالداخل فقال لي كلم محمد وعند الاتصال به اخذ يزبد وينفخ ويقول اما تترك السياره او امش فقلت له ياخي انا لن اجلس بداخل الورشه سوف اجلس بالورشه المقالبه لك من الغرب حتى تنتهي من تركيب التانكي فاخد يهربد وينفخ ويتهدد انا مانيب مركب لك الا اذا تركت السياره لوحدها خذ لموزين وارجع 0عندها شانت نفسي واعطيته كم كلمه تعلمه اصله من وين ووش كان وتركت تانكيه عنده0
هذا ماحصل والله الشاهد على ماقول 0000

[صيهد]

ونعم والله عبيثراني
للأسف كل و احد يشتكي منه يذكر ان نفسه شينه و انه قعد ينتظر و غيرها ومع ذلك يتعاملون معه
معليش اسمحوا لي انتم غلطانين واحد نفسه شينه و انت فلوسك في جيبك لا تسلمه دقنك اروح لواحد يتعلم فيني ولا اهين نفسي لواحد مايسوى
مجرد رأي

[ق ب م 632]

طيب هالحين وش بتسوي موترك؟؟؟


انا انصحك بورشه بالقصيم اعرفها زين عندهم جهاز شفط وبأذن الله ماتبين انها معدله وسعره يمكن يكون غويلي لكن اهم شى يضبط معك



واما المصري شف شغلك معه واذا تبي فزعه ترا نعين ونعاون




المهم اذا بغيت الورشه اللي بالقصيم راسلني على الخاص وابشر بسعدك

[ابو ســــاره]

شاكر ومقدر لكل من شارك في معاناتي
اخوي ق م ب الورش الي هنا قالو لي مافيه مجال لتعيدل نهائيا عشان فيه زوايا داخلية في التنده لا بد من قصها حتى يقدرون ياصلون للجهة الخفوس .

[ابوعبيده]

اقول تري هالسوري الي تكلمون عنه رفع ضعطي وصلت درجة الحراره عندة h ...........

ياجماعه والله لو تفضحون فيه لمدة اسبوع في هذا المنتدي ان تلقاه يهش الذبان .. يخوك ماشهره الا انتم في هذا المنتدي كل يوم طلع لنا احد عن ورشه المميز !!!!!!!

وبيض الله وجهه ابو حمد وماقصر وانا اشهد انه راعي الاوله بفزعةه مع الاخوان .. واويد رايه عندما قال

ان إدارة المنتدى ... تبين للأخوة الورش القبيحة .... والورش الطيبة ...

وتجعلها بموضوع مثبت ...
وسلامتكم

[ابوسعدبدر]

السلام عليكم جميعا ورحمة الله وبركاته
لقد تعاملت مع ورشة المواهب وهم بصراحه والحق يقال ينصحون لك ويقدمون المشوره وانت على كيفك تبي تشتغل عندهم والا تروح لغيرهم ولكن الأنسان الفاهم والله مايتعدى محلهم وخاصة انهم موجودون بالمحل بشكل دائم نتمنى لنا ولهم التوفيق والنجاح وهذه شهاده لوجه الله تعالى ...

[شليويح السر]

الله يخلف لك خير منهاهذا اللي اقوله

ولاطلعة العجرا سهله

لكن ماتستاهل تضيع مستقبلك عشان واحد مثله ( مع انه وقت السالفه الله يبطي بساعة الشر مادري ..... خلني كاتمها )

تعوض الله يمكن انهادفعت بلاى عنك وعيالك

[alkongrs]

ياخوك حسبي الله عليه والله يقلعوه ولا يرجع أبد(((الرسول اللهم صلي وسلم بالمعنى اتق دعوة المضلوم فانه دعاء المضلوم مستجاب او ليس بينوه وبين الله حجاب))) وادع علية باخر اليل ما عندك الا كذا ولا اذا بغيت الي ورا الراتب جاهز هههههههههههههه امزح عليك

[ابو ســــاره]

لا حول ولا قوة الا بالله انا يوم فصلت السلة كنت مفصل معها قاعدة استبنة داخلية فكيتها امس باليل اتصدقون اني لقيت فرشة السيارة محترقة من الحام حسبي الله عليه هاذي توي ادري عنها !!!
حسبي الله عليه الله يجعل ورشته تحترق . يعني من زود النذالة مشتغل بالقاعدة وهي راكبه في السيارة .

[صقار البكيرية]

الله يعوضك ي ابو ساره
...........................
اما ذا السوري لا زم ننشر اعلانات بالصناعيه
اللهم احرق ورشته وابعد عنه زبائنه ورده عنا