هافمون - سباق التحدي - صور

[ابو الريم]

السلام عليكم ورحمة الله

تم بحمد الله اقامة سباق رسمي في شاطئ نصف القمر بالدمام , والذي اطلق عليه سباق التحدي . وهو سباق لسيارات الدفع الرباعي في طعس هافمون ........

وهذا السباق مر عليه الى الان ثلاثة اسابيع وفي كل اسبوع تزيد الاثارة اكثر وهنا لن اتكلم كثيرا بل سأدع الصور تتكلم عن نفسها .

ونحب ان نشكر اللجنة المنظمة للسباق والذي يدل على انهم تعبوا كثيرا في تحضير التحدي وترتيبه وخاصة في موضوع السلامة ورغم مشاكل الجمهور ( الغير متعاون ) فلا تجد منهم الا رحابة صدر


ملاحظة ...... بعض الصور غير واضحه لانها اخذت عن طريق كاميرا فوتغرافيه عاديه ( وليست رقمية) ولكن المشكلة في الاستديوا الذي حمضها صراحة استديوا فاشل مع انه من اكبر استديوهات الدمام وان شاء الله اذا فضيت احمضها مرة ثانية وانزلها اوضح ...


اخيرا يقول المثل ( من شاف غير من سمع ) ورغم اثارة الصور الا ان الحضور امر مختلف تماما وخاصة بعد سماع صوت المكاين المعدله وهديرها العالي

نترككم مع الصور .

http://aboreem.jeeran.com/تطعيسهافمون/ra2.JPG

http://aboreem.jeeran.com/تطعيسهافمون/rac2.JPG

http://aboreem.jeeran.com/تطعيسهافمون/ra1.JPG

http://aboreem.jeeran.com/تطعيسهافمون/rac1.JPG

http://aboreem.jeeran.com/تطعيسهافمون/rac6.JPG


انطلاقة عنيفة بكفرات جراف .......


http://aboreem.jeeran.com/تطعيسهافمون/star.JPG

جانب من حضور الجمهور الكثيف الذي قدرته جريدة اليوم باكثر من 32000 الف

http://aboreem.jeeran.com/تطعيسهافمون/gomhor.JPG

الاسبوع الثاني

http://aboreem.jeeran.com/تطعيسهافمون/ra4.JPG

http://aboreem.jeeran.com/تطعيسهافمون/rac4.JPG

http://aboreem.jeeran.com/تطعيسهافمون/rac7.JPG

http://aboreem.jeeran.com/تطعيسهافمون/ra7.JPG

http://aboreem.jeeran.com/تطعيسهافمون/rac5.JPG

http://aboreem.jeeran.com/تطعيسهافمون/ra5.JPG


اي استفسار حاضرين ........... تحياتي ابو الريم ,,,,,,,,

[Bader-M]

الله يعطيك العافيه
على هذه التغطيه الرائعه
تقبل تحياتي

[laith]

الاخ " ابو الريم " ....

الصور رائعه ومعبره .. وخاصة التجمهر الشبابي الملحوظ ولاكن وللاسف الشديد لازال هذا المكان يفتقر الى ادنى درجات التنظيم.!!

وعموما فانه يشهد نقله سياحيه افضل من العام ..

بالنسبه للتحدي حقيقة كان مثير جدا خاصة مكائن ال "GMC" وصوت الهدرات ودوي انفجارات الاحتراق الهائل للوقود .. ولكن محدودية السيارات المشاركه وخاصة ذات التلغيم والترهيم ادى الى شيء من الملل .. ولكنها تبقى مثيره ومنظمه نوعا ما.

هنالك عدة امور تعكر صفو الجو تتلخص في بعض التصرفات الهوجاء من اشخاص يفتقدون للوعي والرقي .. منها:

* كثافة مستخدمي الدبابات فوق الطعس واسفله .. ومنهم اطفال.
* التفحيط وتشويه المنظر من بعض الطائشين وللاسف بعضهم كبار وليسو مراهقين ..!!
* وجود كثير من العوائل بالنساء والاطفال في وسط المعمعه..
* تصرفات حمقاء برفع صوت الاغاني خلال اوقات الصلاه.
* افتقار بعض الشركات المشاركه الى تنظيمها الدعائي وزادت من غوغائية المكان..
* حصول بعض الحوادث والحمدلله بدون اصابات .. وتاخر وصول الدوريات.

اقدم لك شكري واعجابي بمواضيعك الشيقه والميكانيكيه .. سواء في " مكشات الغالي" او ساحة السيارات..فشكرا لك..:D

اخوك الليث

[مخاوي الذيب]

صور جميلة ومعبرة

الله يعطيك العافية

[عاشق الصفاري]

يعطيك العافية

على الصور الممتعة

ــــــــــــــــــــــــــــــــــــــــــــ
.

اخوك عاشق الصفاري

.

[أيمن]

يا جعلك تسلم يا ابو الريم ..
مشاركة وتغطية مميزة ورائعة .. لا عدمناك ..
وتستاهل كاميرا رقمية بعد :)

تحيتي

[الباهي]

صور حلوة مررررررره

تسلم يدينك اللي اخذت هذي الصور:redcar: :redcar: :redcar: :redcar: :hot:

[راعي عنيزة]

كح كح غبار :D

سلام عليكم

مشكور اخوي ابو الريم ولا تعبت يا غالي

جهد كالعاده متميز وفوق حدود الابداع

وحبيت اسئلك عن البليزر الي سبق ونشر له صور في العيد وهو يتحدى البقي حق خالد عبدالرحمن وطلع عليه

صحيح يطلع بدون دبل وبدون تلغيم ؟ ولا اشاعات ;)

[Najd^Prince]

بسم الله الرحمن الرحيم


مساء الخير جميعاً ,,

وماقصرت (( ابو الريم )) جهد واضح تشكر عليه :) بالرغم إن الكمرا غير رقميه
لكن الصور واضحه نوعاً ما (( يقولك العوض ولا القطيعه :rolleyes: )) .

وبصراحه ابو الريم ,, شكلك محترف التصوير وهذا اكبر مثال لكلامي
http://aboreem.jeeran.com/تطعيسهافمون/rac2.JPG

يعني بالرغم من سرعه السيارات (( في القومه )) إلا هالصور واضحه ;) .

بس في نظري هالسباق يفتقر لوسائل السلامه الصحيحه (( هذا إذا كانت موجوده أصلاً )) .

آسف على الاطاله ,, وتسلم يمينك مره ثانيه :good: .

[برقان]

تسلم يمينك يالخوي .........................................لا عدمناك
وعندي اضافه بسيطه اللتي هي ان المكان يعتبر ضيق


ولو شفتوا هالمبزره وهم يلعبون الدبابات عرفتوا......!





وارجع اقول يعطيك الف عافيه على ذا لعرض بس ترى بعض الاخوان ما ظهرت لهم الصور ليش

[ابو الريم]

اخوي طاير بالعجه .............. تسلم وحياك الله


اخوي laith ......... رغم بساطه التنظيم ورغم بساطه الامكانيات الا ان البعض الاخر يعتبرها شيء كبير جدا طالما ان التحدي صار في السعودية ....... فهذا التحدي الذي حصل يعتبر رسمي على انه سياحي فقط ........ يعني ليس رياضيا ومعنى كلامي ان كل التجهيزات التي تراها اجتهادات فرديه يعني شباب اجتمعوا وخططوا ( وجمعوا لهم مبلغ صغيرون ) وتوكلوا على الله ...... يعني لا رعاية شباب ولا رعاية اي منظمة ثاني .... فلذلك نقول الله يعطيهم الف الف عافيه على اللي سوه .... وانا شخصيا اعتبره نجاحا باهرا رغم ما فيه من عقبات ........ وان شاء الله يكون هذا النجاح سببا في استغلال هذه الطاقات الموجودة بالشباب لعمل نادي لهم اكثر تنظيما وترتيبا من اجل السلامة .

واذا سمعت من قبل عن تل مرعب وهو مسابقة تقام بالامارات تحت رعاية الشيوخ ولو ذهبت هناك لتفاجأت من قوة الامكانيات وترتيبها وتنظيمها ....... بوسط الصحراء مدينة كامله - مطاعم - بقالات - ورش للسيارات المعدله - مواقف - مضاء كليا حتى الطعس نفسه والجوائز حذث ولا حرج واول جائزة جيب تويوتا في اك ار ...... ومع ذلك كله كان الحظور بقرابة ال 25000 الف متفرج ........ اما هافمون فرغم هذه البساطه الا ان الحظور قارب على 32000 الف متفرج !!!!!!!!!! يعني لو تتخيل ان هذه الشغله منظمة اكثر كان اختلف الوضع ......


اما عن الامور التي عكرت صفو الجو فللأسف اكثرها موجود وفعلا منظرها مؤذي والله المستعان ......


اخوي مخاوي الذيب ......... حياك الله .

الاخ عاشق الصفاري ......... حياك الله

الاخ ايمن ....... تسلم والله بس انتبه ترى بنشب فيك لين تجيب لي وحده :):):)

الباهي ....... تسلم وحياك الله .

الاخ راعي عنيزة ......... حياك الله وما قصرت .... اما عن البليزر اللي تقول فهو موجود في الصور فوق واللي كاتبه ( انطلاقة عنيفه بكفرات جراف ) او موجود في السباق الثاني مع البليزر الابيض ........ اما عن مكينته فهي معدله ويطلع بدون دبل بعد وملصق بالطعس ...... ولكن اهم شي بالسيارة هي كفرات الجراف ...... فانت من تشوف جراف اعتبرها مكينه ثانيه ولذلك في جميع السباقات العالمية ومنها الامارات يعطونك الصلاحية لتفعل ما تشاء باستثناء كفرات الجراف . وفي العيد كان خالد عبدالرحمن ايضا مركب جراب في البقي ولذلك صار التحدي متساوي ومع ذلك تعداه راعي البليزر .........


الاخ Najd^Prince ......... على قولتك العوض ولا القطيعه والكامريا الفوتغرافيه اكثر من ممتازه ( بروفشينال ) بس المشكلة في استديوا التحميض اللي ان شاء الله ما اقربه مرة ثانية ....... اما عن وسائل السلامه فبالعكس تماما ,........ اكبر اهتمامات المنظمين حسب شوفتي هي السلامة ومستعدين يلغون السباق اذا لم تتوفر الشروط ............


الاخ برقان ...... اقولك مثل ما قال امير نجد يقولك العوض ولا القطيعه ........ يعني شي احسن من لا شي بس لو تلاحظ ان المكان مسور ومنعزل بحيث اصحاب الدبابات ما يقربون او اصحاب السيارات ( المجانين ) اللي يسفون من كل جهه .....


اما عن الصور صار ضغط على الموقع اللي شاركت فيه وارسلي

[القناص]

قوة بو الريم

وش اخر اخبار الاسبوع الثالث

بانتظار علومك

لاعدمناك