سؤال يا المكشاتيين واهل الخبره

[الطوقي555]

عندي باترول قفاه طامن خشته مرتفعه احط له ياي استرالي ويكفي ولا كرده مدري كعكه الصراحه ما اعرف اسمها
سؤال ثاني الفرارات ( القباصات ) تنصخوني فيها يخف المتر بعدها ولا لا
وسلامتكم

[راس الرعيلة]

كم موديل موترك يالغالي وهل هو طويل ولا ربع؟؟

لعلي إن شاء الله أقدر أفيدك وإلا أحد من الأخوان

[الطوقي555]

الموديل 99 طويل
ما قصرت ابو مالك

[عاشق السيل]

إذا كان الوجه إرتفاعه غير طبيعي أنصحك تنزل الوجه وتخلي القفى زي ماهو ،،

أما إذا كان الوجه طبيعي والقفى نازل ممكن تركب كعكات ورى ويرتفع شوي حسب رغبتك ،،

أما الفرارات فوائدها كثيرة ومنها ( خفة السيارة ، المحافظة على العمود والدفرنس والصوفة ، تخفيف استهلاك البنزين ، تخفيف رجة الموتر على الخطوط )

أما سلبياتها تغثك جدا جدا جدا بالنزول والركوب علشان التشبيك وخاصة إذا غرزت بوقت يكون المطر شديد أو البرد شديد أو العجاج شديد أو في منطقة طينية أو منطقة مليانة نمل ،،،،،، إلخ ..

تقبل مروري يالغالي وانتظر غيري بيفيدك أكثر إن شاء الله ....



.

[الطوقي555]

اخوي عاشق السيل يعطيك العافيه على المعلومات المفيده
احس انك معاني منها واجد
تحياتي

[محمد الحريقي]

انا كان معي سوبر سفاري 99 وركبت له يايات استرالية وهي مقاسين فقط( 5سم) و(3سم)عند الرماية انا ركبت له 5سم وطلع تمام .
بس على فكرة السفاري فيه عيب من موديل 98الى2001ضعيف عزمه,وشكرا............