احترت بين البرادو و اليوكن وش الراي

[سهيل 2002]

السلام عليكم : يا اخوان وش الأفضل البرادو أو اليوكن 2007في الإستخدام وخصوصاُ إني مالي في البر

[بدوي جنوبي]

عليكم السلااااااااااااااااااااااااام

طالما مالك في البر خذ اليوكن ونت مغمض ،،، طبعا كلامي هذا بعد تجربه اليوكن 2007

بصراحه ما توقعت اليوكن بها الرساوة خصوصا عند تجربته في منعطفات خطيرة في المنطقة الجنوبيه

والله علي سرعه 100 ما شاء الله رااااااااااااااااسي ،،، لكن انا ما عجبني استخدام الدركسون

لانه خفيف مرررررررره والافضل لمثل هذي السيارات يكون الدركسون في ثقل شوي علي اساس السائق يتمكن من القيادة

اما في الخط الطويل مرريح جداااااااا وسريع ،،

وانصحك تاخذ دفرنس واحد اذا مالك في البر والعقاب نهائيا

[راع الصمان]

ان كانك منت راعي بر خذ اليوكن وانت مغمض وبدون دبل والصغير وتوكل على الله
سعه وفخامه وشكله حلو!!!

[بدوي جنوبي]

بس ويش رايك في ردي انا وراع الصمان

هذي يسموها ردود صاروخيه ( سريعه يعني ) هههههههههههه:D

http://www.mekshat.com/pix/upload/images44/mk32037_dd8b4f8e34.jpg

[ابو سمحه]

ابصراحه خذ اليوكن افضل استخدام وافضل شكل اما البرادو تراه هايلكس نفسه 2006

[سهيل 2002]

ما قصرتو الله يخليكم لعيناً ترجيكم أجل نتوكل على الله وناخذ اليوكن . وسلامي على الخرج وأهلها

[z a n h o r]

يالغالي

ما يبيلها يوكن وانت مغمض

وترى التاهو انسب سعر وشكل بالنسبه لي انا

[بدوي جنوبي]

يالغالي

ما يبيلها يوكن وانت مغمض

وترى التاهو انسب سعر وشكل بالنسبه لي انا

يا سلاااااااام عليك نفس المزاج للتاهو انا اشوف شكله احلي من اليوكن

وترا المحركات وحده ما فيها اختلاف

الاختلاف في الوجه والدخليه اختلاف بسيط

اخوي شاري يوكن نص فل 122 ،،، بالله كم سعر التاهو ؟
بالتوفيق

http://www.mekshat.com/pix/upload/images44/mk32037_1t_gallery_big5.jpg

[z a n h o r]

يا سلاااااااام عليك نفس المزاج للتاهو انا اشوف شكله احلي من اليوكن

وترا المحركات وحده ما فيها اختلاف

الاختلاف في الوجه والدخليه اختلاف بسيط

اخوي شاري يوكن نص فل 122 ،،، بالله كم سعر التاهو ؟
بالتوفيق

http://www.mekshat.com/pix/upload/images44/mk32037_1t_gallery_big5.jpg


نفس الشي بالظبط لكن تغير ديكور .. مثل الميركوري والكروان

بالنسبه لسعر اظنه والله العالم

بـ 110 للـ LT

تشغيل عن بعد + تحكم صوت + مثبت + سيدي

يعني المنتشر

[أستاذ قلق]

شف ياسهيل ولايهونون الشباب
وحتى لو انك راعي بر ... لاتاخذ البرادو
حقيقه ان البرادو تصميما وشكلها وانسيابيته ليست بمثابت سياره بر
لذا انصحك ان تاخذ اليوكن وهو أفضل منه بالف .. موتر نشيط ويعطيك بالبر والديره
والرزه خذ رزه حقيقه انه موتر يستاهل دراهمه :.. اما البرادو ها اللى لاركبته كنك راكبن حمار
اعزكم الله ..

تحياتي للجميع ..
اخوكم أستاذ قلق

[مـدحـدر]

تاهو تاهو وبس

ارخص سعر ونفس مواصفات اليوكن

وعليك بالاستخاره

[السبت]

استاذ قلق كيفك خيو الي ما يعرف للصقر يشوية

[الخبوبي]

حيا الله الربع كل بأسمه

مثل ما قالوا الشباب لا تتعدى اليوكن تراه موتر سنع ويبيض الوجه في الديره وفي الخطوط وفي البر

ومريح جدآ وواسع ,,,

لكن نصيحه لا تقرب الجميح ,, أسأل مجرب والله يعلك ويضحك عليك

إذا أنت ناوي خذ من العيسى

والسلاااااااااااااااااااااااااااااااااام ختااااااااااااااااااااااااااام

[مخاوي قناص]

واخرتها معاك بتاخذ تاهو ولا كيف

[بدوي جنوبي]

لا لا خلاص عني بياخذ تاهو ان شاء الله

بالتوفيق يا سهيل 2020

[.أبوعبدالرحمن]

التاهو لا تبعد عنه


والله نضرة لا ابعد الحدود

وارخص من اليوكن

[مخاوي قناص]

لا لا خلاص عني بياخذ تاهو ان شاء الله

بالتوفيق يا سهيل 2020 بدوي جنوبي على ضمانتك بياخذ تاهو اشوف عاد انا ياخذ ولايغير:mad:

[aaa658]

مع احرامي للجميع لي راي اخر اذا انت تبي سيارة تشخص فيها سنة واحدة بدون سفريات بعيدة لي وحدك خذ يوكون او تاهو اما اذا انت تبي سيارة لك ولزمن تكد وتمد مايبيلها كلام اسئل مجرب التايوتا مابعدة كلام اخو الفي الكس ار رساوة يعتمتد علية خفيف داخل الديرة وخارجها وذا بغيت تبيعة تلقا الي يشتري بسعر ماتحلمبة وانت استخر والله يرزقك الي فية الخير

[fassad]

ماللك الا اليوكن

[مخاوي قناص]

مع احرامي للجميع لي راي اخر اذا انت تبي سيارة تشخص فيها سنة واحدة بدون سفريات بعيدة لي وحدك خذ يوكون او تاهو اما اذا انت تبي سيارة لك ولزمن تكد وتمد مايبيلها كلام اسئل مجرب التايوتا مابعدة كلام اخو الفي الكس ار رساوة يعتمتد علية خفيف داخل الديرة وخارجها وذا بغيت تبيعة تلقا الي يشتري بسعر ماتحلمبة وانت استخر والله يرزقك الي فية الخير اقول كلامك عسل جبت المختصر اه على الاند علومه تشرح الخاطر وممشاه لو بعد 7 سنين ماشاء الله عليه يمسك بوديه وسعره مااقول الا الله يلهمك الصواب ويرزقك وايانا واخوانك اعضاء منتخب مكشات كل خير اخوكم مخاوي قناص

[سهيل 2002]

يا حبنيلكم كلكم كفيتم وو فيتم مع احترامي لولد الديرة مشرفنا بدوي جنوبي التاهو مادخل مزاجي أبد شكلنا عزمنا على اليوكن وأكرر شكري للجميع :d

[راس الرعيلة]

عز الله إنك أحسنت الأختيار

الله يعطيك خيره ويكفيك شره

وأنا مع اللي يأيدون التاهو

وما دامك ما شريت يمديك تعيد النظر تراه أجمل من اليوكن

والناس أذواق وفي كل خير

مقدما الله يبارك لك فيه ويعطيك من خيره ويكفيك شره

((تراني أول من بارك لك))
:d

[مغلي]

تــــــاهـــــو وبس

[القناص]

مبروك عليك اليوكن

وابشرك سوقه زين

اذا بغيت تبيع ما زباينه واجد..

[القناص]

مبروك عليك اليوكن واسع ومريح واقتصادي

وابشرك سوقه زين :good:

اذا بغيت تبيع زباينه واجد..

[مخاوي قناص]

مبروك الف مبروك الله يعطيك خيره ويكفيك شره مقدمآ وترى امزح معك عسى ماتكون زعلت علينا اخوك مخاوي قناص

[Magellan]

يا حبنيلكم كلكم كفيتم وو فيتم مع احترامي لولد الديرة مشرفنا بدوي جنوبي التاهو مادخل مزاجي أبد شكلنا عزمنا على اليوكن وأكرر شكري للجميع :d


أخوي الظاهر يوكن 2007 منقطع من الوكالة ....
سألنا هاليومين في الجميح والعيسى وقالوا مهوب موجود النوع اللي دبل ونصف فل بحدود 128 ألف
أتوقع راح ينزل 2008 مع رمضان الله يعيده بالمسرات
ما أدري تغير شيء وإلا لا

[شبح الصحراء]

برادو وبس اليوكون فااااااشل وش جاب الثرى للثريا ؟؟!.
تويوتا + نيسان + ميتسوبيشي = لك وللزمن ولعيالك من بعدك
فورد + شيفروليت + كرايسلر = للورشة وللتشليح!

[3zyiz]

يوكن تاهو دفرنسين ولا اروع

بر + سفر + راحة

ماتبيه للبر طف الدبل وخلاص
بس اكيد راح تحتاج الدبل في يوم من الايام وسعره في السوق مستعمل مرتفع يعني ماسك سعره ما يطيح مثل الي بدون دبل

طع شوري انا اشتري وابيع في السيارات الفووووور باي فوووور :)
ولم انزل اشتري اتأكد اذا السيارة دبل فهذي سوقها ميه ميه ما ينخاف عليها اما الأصلع الي بدون دبل تلقاه منهار في السوق محد يطالع فيه

واذا تبي سيارة ماعليها كلام .. اكسبديشن ووخر عن دربه ===>> خط + صاروخ + ناعم + دلع + قمة الراحة
سواء القيدم او الجديد كلام ثاااني الاكسبديشن

ما تقنيا فدبل اليوكن قوي ما ينخاف عليه :)

[3zyiz]

برادو وبس اليوكون فااااااشل وش جاب الثرى للثريا ؟؟!.


تويوتا + نيسان + ميتسوبيشي = لك وللزمن ولعيالك من بعدك



اخطأت يا غالي :no2:
اذا بتشتري برادو خذ لك هايلكس دفرنسين غماريت وريح مخك

ياخي تويوتا راحت خلاص بح .. مابقى منها غير (( الكبسوله + الهايلكس + الشاص )) والباقي ولع فيها بعود كبريت وطفها بزنوبه :D

عموما .. لكل وجهة نضر
لكن من واقع تجربة اقل لك ان اليوكن حتى القديم ماسك سوقه
لكن اشتر برادو وطلعه من الوكالة ورح لأقرب معرض او حرج !!! موقفك صعب بعد ما تسمع اول سومه :rolleyes:

فرق لما يطيح من قيمة السيارة 2000 ريال والي يطيح من قيمتها اكثر من 5000 وهي توها بقراطيسها

تعال عقب سنه شف كم تسوى ؟!؟!
اليوكن يطيح 10 الاف والبرادو يطيح من 18 الف الى 22 الف


:cool: ترا مو تحطيم بس واقع :D

[هاوي الربع]

يالغالي

ما يبيلها يوكن وانت مغمض

وترى التاهو انسب سعر وشكل بالنسبه لي انا


والله يا طويل العمر انا اخالف كلامك

ترا اليوكن أفضل من التاهو بألف مرة

وانا سألت عنه في العارض واحد معه تاهو يقول نصيحة خذ يوكن

ونتمنى اننا افدناك

[شبح الصحراء]

اذا حلو مشكلة طرمبة البنزين في اليوكن فكروا فيه بس حطوا ببالكم في اي لحظة راح يطفي الموتر !
http://www.mekshat.com/vb/showthread.php?t=95980 (http://www.mekshat.com/vb/showthread.php?t=95980)

السيارات الأمريكية صممت للسوق الأمريكي لأن اكثر بيعها يتم داخل أمريكا والقليل يصدر لذلك هي صممت حسب مزاج الأمريكان فهم يحبون الراحة والدلع والمهايط في الشوارع وبعد سنتين ثلاث يبيعها ويشتري غيرها والدليل كثرة السيارات إستعمال أمريكي المصدرة إلى أسواق الخليج ، بعكس السيارات اليابانية فهي صممت للتصدير منذ البداية والقليل يباع بالداخل لذلك يحرصون على مراعات ظروف البلدان التي سوف تصدر لها من حرارة وتضاريس وعرة وغيرها من العوامل كما ان مزاج اليابانيين يختلف عن الأمريكان فاليابانيين من النوع الذي يعشعش بالسيارة سنوات طويلة وما يحب المهايط فهم شعب عملي وهذا ينعكس على سياراتهم .

[Magellan]

اذا حلو مشكلة طرمبة البنزين في اليوكن فكروا فيه بس حطوا ببالكم في اي لحظة راح يطفي الموتر !
http://www.mekshat.com/vb/showthread.php?t=95980 (http://www.mekshat.com/vb/showthread.php?t=95980)

السيارات الأمريكية صممت للسوق الأمريكي لأن اكثر بيعها يتم داخل أمريكا والقليل يصدر لذلك هي صممت حسب مزاج الأمريكان فهم يحبون الراحة والدلع والمهايط في الشوارع وبعد سنتين ثلاث يبيعها ويشتري غيرها والدليل كثرة السيارات إستعمال أمريكي المصدرة إلى أسواق الخليج ، بعكس السيارات اليابانية فهي صممت للتصدير منذ البداية والقليل يباع بالداخل لذلك يحرصون على مراعات ظروف البلدان التي سوف تصدر لها من حرارة وتضاريس وعرة وغيرها من العوامل كما ان مزاج اليابانيين يختلف عن الأمريكان فاليابانيين من النوع الذي يعشعش بالسيارة سنوات طويلة وما يحب المهايط فهم شعب عملي وهذا ينعكس على سياراتهم .


كل واحد ينام على الجنب اللي يريحه
أنا ماراح أصير مجنون وأطق لاندكروزر بـ 200 الف وهو مايستاهل حقيقة 130 الف على تجهيزاته
عندي اليوكن بـ128 الف أصرف ..خذ ولد بالطريق ويلهم الخط لهم.. وصرفية بنزين إقتصادية وبالنفد خذ نشاط وعائلي مهوب تصكصك بالاند كروزر أو اللي أصغر منه والبرادو اللي تقل قوطي صلصة .....
اما طرمبة البنزين فالمشكلة تكمن في تعبئة البنزين والسيارة تشتغل

[M o b d a]

طيب ليه بالذات بدون دبل ؟

[مغلي]

واخرتها معاك بتاخذ تاهو ولا كيف


هههههههههههههههههههههههههههه

[مغلي]

كل واحد ينام على الجنب اللي يريحه
أنا ماراح أصير مجنون وأطق لاندكروزر بـ 200 الف وهو مايستاهل حقيقة 130 الف على تجهيزاته
عندي اليوكن بـ128 الف أصرف ..خذ ولد بالطريق ويلهم الخط لهم.. وصرفية بنزين إقتصادية وبالنفد خذ نشاط وعائلي مهوب تصكصك بالاند كروزر أو اللي أصغر منه والبرادو اللي تقل قوطي صلصة .....
اما طرمبة البنزين فالمشكلة تكمن في تعبئة البنزين والسيارة تشتغل

والله انا حاولت اطفي ماقدرت -- حر الحراره 50 درجه بالرياض - وتبيني اطفي السياره - صعبه جدا

انا كان معي سيارات كثيره يابانيه ولا اطفي الا اذا وصلت باب البيت بس

حسبي الله على صناعتهم هالامريكيين وبس