المساعد الشخصي الرقمي

مشاهدة النسخة كاملة : جيب باترول توماتيك وش رايكم فيه ؟؟


أبو هيلة
20/08/2007, 10:28 AM
حياكم الله يالربع ... حبيت آخذ رايكم قبل ما أشتريه باترول 99 توماتيك وانا في الحقيقة يوجعني قلبي اذا سمعت قير توماتيك .. أتوكل على الله وآخذه .. يعني القير التوماتيك لجيوب الباترول عملي ؟
وش الراي يالغالين ؟
تنوم
20/08/2007, 10:39 AM
اخوي ابو هيله انا مجرب التماتيك لاتقربه وتراي لك ناصح والله اني بعته بخساره كبيره بس اني ابي الفكه لانه يذلك بالعزم الضعيف لا بسفر ولابديره ولابالبر التماتيك الزين من 2002 وفوق
أبو هيلة
20/08/2007, 11:13 AM
حياك ربي أخوي الغالي تنوم .. تصدق وجعني قلبي زيادة .. طيب انت تقول ان العزم ما ينفع ابد .. طيب الاعطال والخربات بالنسبة للقير فيها شي والا قير الأوتوماتيك تمام سواءا للباترول او غيره من الجيوب ؟
مستقنص
20/08/2007, 11:18 AM
السلام عليكم ورحمة الله وبركاته
صبحك الله بالخير يبو هيله

كوجهة نظر مني يبو هيله اذا انت هاوي بر فنصيحه انحش
عن التوماتيك بشتى انواعه
العادي تقدر تتحكم فيه الا اذا الموتر نظيف وسعره لقطه ويخارجك
فهذي ترجع لك

اخوك
ذرى
abu hlal
20/08/2007, 11:20 AM
نصيحه اذا تبي نيسان اشتر جديد ولاتستخدمه اكثر من سنه!!

تحياتي
طحنون
20/08/2007, 12:31 PM
خذ اللي عندي يمكن ينفعك
الاخ العزيز ابوهيله
القير الجديد اللي هو التبترونيك
هو قمه القيورحتى الان وفيه خفه ونشاط غير طبيعي جدا والاستجابه سريعه جدا
يعني بصراحه قمه بعدين القير هاذا افضل من القير العادي بكثير لان القير العادي مع المطاعس والكرف يضعف الدزك والكلتش راح يضعف وانواع الروايح من الكلتش وبعدين صرفيه القير الاتماتيك اقل
واريح يعني القير العادي اصبح الطلب عليه قليل

صدقني القير الجديد للنيسان يعتبر قمه واسئل مجرب
وبعدين كل شي يرجع للسواق
أبو هيلة
20/08/2007, 01:05 PM
أخوي الغالي ذرى بيض الله وجهك يالنشمى وأنا في الحقيقة ما نويت على البر بس سفريات منا ومنا والبر على الخفيف وتسلم لي يالغلا ...
أخوي الغالي أبو هلال أنا راح اجيبه من الامارات قلت لعل اهل الامارات اركد من ربعنا وانا ما ادري والله لا يهينك يا بعدي ...
أخوي الغالي طحنون أنا ماني شاريه من شان أعسفه بالنفود يالله من فضلك على الاسفلت وان كان في طعس خفيف وبس يعني ماني راعي جلد للمواتر .. تسلم لي يالغالي ما قصرت على المعلومات الطيبة ....
escape_man
20/08/2007, 01:23 PM
ابو هيله

التماتيك يلبي مطالبك بالضبط وانا عندي باث تماتيك والعايدي مابيه ولا بقرش رغم انه اقوى لكن الواحد يشوف

احتياجه ويبني اختياره على هالشيء

لكن يابو هيله عندك نقطتين ابعد عنهن

موتر غير مجرب فالافضل تجنبه

موتر ينشب بنحرك فايضا ابعد عنه لان العالم يقهرونك فيه والواحد مهوب ناقص

هذي وجهة نظري وانا اخوك من واقع تجارب قديمة
أبو هيلة
20/08/2007, 01:54 PM
ابو هيله

التماتيك يلبي مطالبك بالضبط وانا عندي باث تماتيك والعايدي مابيه ولا بقرش رغم انه اقوى لكن الواحد يشوف

احتياجه ويبني اختياره على هالشيء

لكن يابو هيله عندك نقطتين ابعد عنهن

موتر غير مجرب فالافضل تجنبه

موتر ينشب بنحرك فايضا ابعد عنه لان العالم يقهرونك فيه والواحد مهوب ناقص

هذي وجهة نظري وانا اخوك من واقع تجارب قديمة
ما قصرت يا بعدي معلومة كنت غافل عنها بارك الله فيك .
fassad
20/08/2007, 03:05 PM
كل القيور نفس الشي اهم شي الاستعمال الصح
أبوسعد 511
20/08/2007, 06:14 PM
التماتيك صنع للراحه

والعايدي للأعمال الشاقه


هذا في نظري والله يوفقك...
بواسامه
20/08/2007, 09:28 PM
اياني واياك تقرب التماتيك تحت 2002 اللي فتك
2002وفوق خذه وانت مغمض
رجل كريم
20/08/2007, 09:38 PM
التماتيك صنع للراحه

والعايدي للأعمال الشاقه


هذا في نظري والله يوفقك...



لو كان التوماتيك للراحة فقط كان ماحطوه دبل ..

في نظري للراحة والكرف على السواء وهذا مجرب ...

تحياتي ..
ساكن البياصي
20/08/2007, 10:01 PM
بالنسبة للقير باترول والا تيوتا الحين التوماتيك أفضل
.
هذاك أول يقولون العادي أحسن الحين عندك مشاكل العادي أكثر
مـدحـدر
20/08/2007, 10:26 PM
انا لاحظت ان الشريطيه ما يشترون القير التمتاتيك الا اللي من 2002 م وفوق

اما الموديلات اللي تحت يحرصون على القير العادي طبعاً الكلام عن جيب النيسان

والسبب يقولون القير العادي من 2001 م وتحت اسرع بالبيع ولا يخرب

على ذمه الشريطيه
أبو هيلة
20/08/2007, 10:29 PM
حياكم الله .. بواسامة وش دعوى يعني اهون ..
بس كلام اخونا ساكن البياصي كأنه يشجع ...
والا وش رايكم يا جماعة ؟
ابونايف الروقي
20/08/2007, 10:37 PM
القير الاتوماتيك فقط في 4800 يعني من موديل 2002 وفوق
عاشق السيل
21/08/2007, 02:00 AM
أخوي أبوهيلة ،، كلامي هذا من واقع تجربة ،، وسؤالك عن باترول 99 :

من مميزات التماتيك : أريح بالزحمة ، وأفضل بالبر ، وأرغب بالبيع ، وأوفر بالبنزين ، بس عليك تغير الفلتر والزيت كل 40 ألف ويعيش معك 100 سنة لأنه صبور جدا ،،

لكن عيوبه : الموتر ثقيل جدا ، وإذا خربت البطارية ماتقدر تنتع الموتر ، ومافيه أي شي يعيبه غير كذا ..

والاختيار لك يالغالي وتقبل مروري ومشاركتي ....




.
أبو هيلة
21/08/2007, 01:06 PM
حياكم الله .. تسلم يالغالي اخوي عاشق السيل .. ريحتني الله يريحك انا سؤالي بالذات كان عن الموديل 99 أو 2000
بيض الله وجيهكم يالغالين على الردود الرائعة .