المساعد الشخصي الرقمي

مشاهدة النسخة كاملة : سؤال لاهل الخبره عن دودج رام غمارتين 1500 ارجو الافاده وشكرا


مناخ
20/08/2007, 03:16 PM
اول مشاركه لي بالمنتدي ارجوا منكم الاجابه عن سؤالي . شاكر ومقدر لكم المساعده
ملاحظه: ارجو من اصحاب الخبره واللي مجربين الموتر
مـدحـدر
20/08/2007, 10:57 PM
حياك الله اخوووي

وانا بعد بمسك سرا معك وانتظر اللي يعطينا معلومات عن الدوج رام غمارتين
الدحبول
20/08/2007, 11:36 PM
بغض النظر سواء جربتة أو ماجربتة
الموتر قوي وممتاز وعملي بس الله يعينك صيانة في الوكالة فقط وقطع غيارة في الوكالة فقط
انصحك بالجمس قطع غيار متوفرة وصيانة سهلة أو أي ورشة تستطيع عمل الصيانة له
مناخ
21/08/2007, 04:32 PM
حياك بالسرا اخوي ابخص
ومشكور يالدحبول على نصيحتك يمال العافيه
.أبوعبدالرحمن
22/08/2007, 12:22 PM
انا بالانتظار المزيد من معلومات واراء المكشاتية عن السيارة الرائعة


من ناحية الاستخدام والقوة والنشاط وقطع الغيار والصيانة


لذلك اقول للرفع
مناخ
22/08/2007, 02:19 PM
وينهم بس الى اللحين
أبو مها
22/08/2007, 02:52 PM
اخوي انصحك تبتعد عن هالشركة والله مواترها مافي احسن واقوى منها بس والله لتبحل بقطع غيار السيارة عندي وحده موديل 2002 رحت للوكاله اشري فحمات قالولي لازم تدخلها عندنا بالصيانه علشان نشوف نوع فحماتها قلتلهم ابشري الفحمات واغيرها برا قالو فحماتها تجي اربع انواع (غريبة ) موديل واحد اربع انواع والله شي يقهر

رحت للصناعية ولقيت بعد عناء الفر والدوجة نوع تجاري وركبته وممتاز

وصدمت بالسيارة صدمة خفيفة وانكسرت الشمعة الامامية اليمنى رحت اشتري بدالها قالولي سعرها 1558ريال بس فية نوعين لهذا الموديل (طبعاً عادات الشركة) يعني الشكل واحد بس اختلاف في قاعدة المسامير الي تركب
طلبت منة ان يخرج ويلقي نظرة عليها حتى يحدد النوع خرج وحدد النوع وقعد على مكتبة وراح يطقطق بهلكيبورد واخير قالي السعر1558ريال وهذا بعد الخصم قلتله امنت بالله عطني القطعة، قال للأسف لايوجد من هذه القطعة الا واحدة في المملكة وموقع القطعة في بريدة (من زود الدقة في عملة) وانا في الرياض قلت الله لايوفق هالشركة الحين اكثر القطع تطلب اما الشمعات الامامية او الاصطبات الخلفية في اي سيارة يعني اي حادث اما يكون في مقدمة السيارة او خلفها

دورت بكل الرياض وبعد الدوجه في صناعيات الرياض بالحر والقيض حتى نعالي وانتم بكرامة انقطع وقالي ارحمني!!!!! لقيت قطعة صيني واحدة فقط عند محل صغير وما ادري الين الحين كيف كانت موجودة عنده والظاهر كانت عندة بالغلط نصيحة وببلاش انحشششششششششششش

ادري والله اني طولت بس والله استفسارك جي على الجرح
مناخ
23/08/2007, 01:17 PM
يعطيك العافيه والله يكون بعونك يابو الهوى. بس ممكن تقولي عن الاداء خاصه بالبر
مناخ
24/08/2007, 04:01 AM
وين اصحاب الخبره
http://img]http://www.mekshat.com/pix/upload/images45/mk60481_old_pic_2.jpg[/img
.أبوعبدالرحمن
24/08/2007, 12:56 PM
الله لا يعيده ذا الموتر


اجل اذا خرب اروح ادور والله يا شيخ لو ما عندي شغل الا ذا الموتر
أبو مها
24/08/2007, 01:51 PM
اخوي (مناخ) والله من اقوى السيارات في البر بس عذروبة كما في مشاركتي السابقة رقم 7

تحياتي والله يوفق الجميع