ماهي احسن طريقة للخروج من التغريزة ؟؟

[نوحان]

حياكم الله جميع

سؤال سريع و خفيف لخبراء التطعيس:
اذا انا غرزت في برْ وصارت الكفرات بنص الرمل
وش احسن طريقة علشان اطلعها؟ وتوفر الوقت والعناء

يعني هل توجد طرق فنية وتخفى على الغشمان؟

اللي دعاني بكتابة هذا الموضوع هو اني كنت مرة مغرز في هاف مون
وصرت احاول ساعة افك عن التغريزة ماقدرت
لين جاني اثنين من هاالشباب النشاما ، والله ان السيارة ماخذت عندهم خمس دقايق ! وصلوها لين الزفلت.. الله يجزاهم خير
كل اللي شفته" انهم نسمو على الهوى بكميه كبيرة وبس


هذا الموضوع مطروح للفايدة العامة
يعني يمكن اي واحد مكشاتي او زاير يقرا الأطروحات والحلول اللي بتنكتب
راح تفيدة في يوم من الايام حتماً


اخوكم/ مقناصي

[ضغط سحاب]

مرحبا اخوي اعتقد في هذا الرابط تجد المفيد لك وللاخوان.....
http://www.mekshat.com/vb/showthread.php?t=89256

[sameer_1798]

و عليكم السلام و رحمة الله وبركاته
أخي oمقناصيo عندك في هذا الرابط أخوي أيمن كفى و وفى أرجع إليه :
http://www.mekshat.com/vb/showthread.php?t=21086

[عاشق السيل]

الشباب عطوك المفيد ،،

وأنا أقولك باختصار شديد تنسيم الكفرات مهم جدا والشي الثاني إنك تحاول تبعد الرمل عن الكفرات من الأمام والخلف علشان تعطيها مجال تتحرك والشي الثالث إنك ماتزر الموتر إذا بغيت تطلع علشان ماتنزل الكفرات زيادة بالرمل <<<<< يقاله مختصر !!!!!


والله يوفقك يالغالي وتقبل مروري ...




.

[نوحان]

الله يعطيكم العافية
كفيتو و وفيتو

[مستقنص]

السلام عليكم
صبحك الله بالخير

1/ تنسيم الكفرات وهو مهم جدا ( مثل ماقال عاشق السيل وماقصر)
2/ تبعد الرمل عن الكفرات من الامام والخلف
( مثل ماقال عاشق السيل وماقصر)
3/لا تزر على الموت الا اذا حسيت انه متمكن من الخروج من الغراز عشان مايحفر زياده وتزداد الطين بله ( مثل ماقال عاشق السيل وماقصر)

4/ عمليه ارجحة السياره تأرجح السياره حتى تسهل من خروجها من الغراز وهي عمليه احترافيه ويبيلها وزن بين الكلتش والابنص( دوارسة البنزين) في حالة ان السياره عادي ( مثل ماقلت انا وان شاءا لله اكون ماقصرت )

شاكر لك على الموضوع وجعلك ما تغرز ابد

اخوك
ذرى

[عاشق السيل]

إيه صح !!

نسيت أقولك لازم تأرجح السيارة بوزنية دقيقة بين الكلتش والأبنص في حالة إن السيارة عادي

( مثل ماقال ذرى وماقصر ) !!!!


.

[مغلي]

طيب اليوكن - طبعا اوتوماتيك - كيف ماهنا كلتش - الكثيرين يبغون درس مفصل لتطعيس باليوكن وانا اولهم هههههههههه

[عاشق السيل]

أخوي مغلي ،،

اليوكن بالذات مايبيله درس ،، نسم الكفرات على ضغط من 15 إلى 20 وخذ راحتك على الطعوس لأن اليوكن ماشاء الله عليه خفيف وقوي جدا !!

بس انتبه لاتتعلق على حد سيف ترى الموتر طويل شوي والله يوفقك ...





.