15 نوفمبر 2015 - 16:514 نوفمبر 2015 - 21:27 منتديات مكشات


لمتابعة "الأحوال الجوية والرحلات" عبر جوال مكشات أرسل الرقم 1 إلى 809207 (اتصالات) - 601259 ( موبايلي )

::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
النتائج 1 إلى 6 من 6

الموضوع: (( قصص عن الذيابه ))

  1. #1
    تاريخ التسجيل
    Jun 2003
    المشاركات
    27

    Cool (( قصص عن الذيابه ))

    بسم الله الرحمن الرحيم


    قصص عن الذيابه


    القصة الأولى حدثت في أوائل العهد السعودي الثاني واعذروني لأني سأرويها باللهجة العامية يمكن لأنها تحمّس شوي هذا سلمكم الله في واحد مسافر على ناقته لقاله ذيببين ويجي واحد عن يمينه واحد عن يساره ويعون عنده بلطف وهدوء حسن إن فيه شيء مشى مع هالذيبين لمين وقفوا على مجموعة ذيابة مجوعة كبيرة جدا الول ماشافت الناقة الموقف جفلت (اهتزة) وطاح خوينا مير يروح يشوف وش السالفة وإذا رئيسهم داخله بيده شوكه كبيرة وعجزوا يطلعونه ، مير يجيك خوينا ويطلعه ماشاء الله بعد ماطلعه إلا وتجيك الأوامر ويرسل ذيبين ويجبون الناقة وأرسل اثنين يحرسونه واحد عن يمينه وواحد عن يسارة وكمل طريقه سالم غانم من قطاع الطرق ...


    ------------------------------------------------


    القصة الثانية عن راعي كل يوم ينقص من غنمه وحده وأكتشف إن الذيب هو اللي يقوم بالعمليات هذي اشتكى يم الربع يبي واحد يصيده جاك واحد وضرب صدرة وقال ازهله خله امره علي وراح وقص جرته لمين عرف طريقه كامل جاك خوينا وتغباله وراء حصاته بعد ما مر الوقت جاء الذيب واخذله شاة وهج إلا هالصياد مقدم له المقمع ( بارود قديمة ) بس القهرر إنه ما مات صار صويب المهم ولا أطول عليكم خوينا تعرفون ضارب الصدر وقايل أنا أجيبه لكم ماش أخذته العزة وراح ولقه لمين حس انه وصل مكان الإقامه ههههه لمين حس أنه وصل مكان مغباه وراح يراقب وشاف المفاجأة الكبرى وهي أن الذيب انسدح على جنبه عند المغارة وطلع من المغارة ذيب شايب وراح يشمشم الذيب الصويب وتأكد أنه مات على الفور نبح نبحه قوية ومات بجنبه يمكن تسألون ليه أدري البعض منكم يمكن يقول أنه أبوه وعجوز ومدري كيف لكن الإجابة أعلى من كذا طلع الذيب الشايب عمى مايشوف والذيب هذا هو العائل الوحيد فسبحان الله شف وفاء الذيابه


    -------------------------------------------------------------


    وهذولا ثلاثة من التجار رايحين لديرة ثانية يبون طبعاً يتاجرون لكن يافرحه ماتمت جوك قطاع الطرق ونهبوهم نهب المهم أنهم ماذبحوهم لوإنهم ذابحينهم كان أهون دفنوهم وما بقت إلا روسهم مر أول يوم ماأحد جاهم بدا كل واحد يبشر الثاني وجاء اليوم اليوم الثاني إلا وذيب مقبل من بعيد عرفوا الموت إلا شافوه وقعد عندهم وقعد يلحسهم شوي وبدا بالأول فقع مخه وبدا يلحّس هالمخ رايق الذيب عليهم وبعد ساعات إلا ويجوع الذيب وقال بالثاني مثل الأول الضاهر إن الذيب شبع جاك ونام ومن الوثوق نام بجنب راس الثالث ومخليه وراه المهم الثالث مايدري وش يسوي جته فكر إنه يعض اذن الذيب بأقوى قوته نفذ الخطه هذي ونجحت بعد ماطلع طبعااً الولد هايج وحط حيله بالذيب وبدا يكفخه لمين مات

    وشكراً إن شاء الله نقولكم قصص ثانية أحسن وأجمل لكن المرات الثانية .


    __________________
    ( الـــوشـــــــــــــــــم)

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  2. #2
    تاريخ التسجيل
    Jun 2003
    المشاركات
    1,161

    الغالي000 الوشم00

    تسلم على هذه القصص اللطيفة والمخيفة00 أسلوبك جميل وسرد أجمل00

    بارك الله فيك أيها الغالي0000ونحن بإنتظار القادم000
    اغض الطرف عن سود النوايا واعتبرها ذوق *** واقدم للنوايا البيض من زهر الشكر باقة
    --
    ولا يامحزمي تكفا ترا بعض الطواري عوق *** تشل الفكر عن شوف الصحيح وتقصر وثاقة

    راعي مرات

  3. #3
    تاريخ التسجيل
    Jun 2003
    الدولة
    النظيم
    المشاركات
    90
    احسنت يالوشم على هذه القصص الطريفه والمسليه ونريد المزيدنقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


    _فتـــــــــــــــــــــــــى النـــــــــــــــــــظيــــــم_


  4. #4
    تاريخ التسجيل
    Mar 2003
    الدولة
    ..الرس..
    المشاركات
    745
    السلام عليكم ...

    قصص جميلة اخوي الوشم لاكن هذي قصة حاصلة مع راعي غنم بشمالي المملكة والي يرويها لنا ناقلها عن الراعي مباشرة . وهي عن صبر وقوة الذيب ورباطة جأشة .


    هذا سلمك الله راعي غنم من اهل العراق يرعى بغنم رجال من اهل الشمال المراد ان الراعي مايشوف المعزب الى كل اسبوع مرة المهم ان اسبوع من الاسابيع بداً الغنم ينقصٍ والراعي تعرفون خاف من المعزب لايتهمه انه يبيع الغنم من وراه المهم قام يساهر اليول لجل وش سبب النقص والرجال على باله حراميه يجون تالي الليل وينهبون المهم انه شاف باخر الليل ذيب يوحش من كبرة هامة كبير والرجال جفل مالوه به طاقة ولابعارف يتنطحة مر الاسبوع ويجي راعي الحلال ويعلمة راعي الغنم بسالفة المهم ان الرجال عطا الراعي بندقية لجل لاشاف الذيب يثور علية ويكفي الناس شرة المهم مر الاسبوع ماجاء الذيب ويحي راعي الحلال ويقولة الراعي اني ماشفت الذيب من هاك اليوم المهم الرجال اخذ البندقيه ومشا . هو مشا من هنا الى والذيب جاي من هينا قام الراعي يصوت المعزبة وبلحضة الاخيرة يديور المعزب ويتنطح الذيب هو وياه هو وياه ويطلق علية طلقتين المراد الذيب ما وقف هج ويدخل بين هاك الضلوع والجروف ويختفي عن نضر المعزب تتبعو الاثر ويمشون سلمكم الله مسافة 70 كيلو ويلقون الذيب امتمدد على الارض ميت . الشاهد بلموضوع شف وشلون درا الذيب ان الراعي معه بندقية وما جاء الاسبوع الهي هي فيه ويوم اخذة المعزب علطول جاء. والامر الثاني شف وشلون القوه والصبر الي خلته يمشي مسافة طويلة وهو صويب .

    لاكن مانقول الى سبحان الله الي اعطا ألحيوان هذا المزايا القوية ....


    اخوك الاستبنه ...

    فكرت ابزماني تكدرلي الصافي=تعذر زماني ماحـصل صاحبً صافـي
    اهيض عليه اسرار مالتج بلحشا=وكـل شعـيـبن لـه مـفيضن اذا طافـي




    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  5. #5
    تاريخ التسجيل
    May 2007
    المشاركات
    52

    رد: (( قصص عن الذيابه ))

    انا من ناحيتي مصدق..بس شوف الشباب

  6. #6
    تاريخ التسجيل
    Apr 2017
    المشاركات
    771

    رد: (( قصص عن الذيابه ))

    مشكور على هالسواليف الراقيه والمرعبه
    تسلم الانامل اللي خطت حروف هالسطور باسلوب رائع
    واحد من ديرتنا ربى جرو ذيب وسموه خوي الذيب في يوم كان معزب بالحلال الذيب سمع عوا
    ذيب فترك الرجال وراح وما عاد يظهر له اثر ويبدو انه سمع عوا ذيبه راح عندها وما عاد للرجال اللي رباه
    بعد حوالي 4 سنوات الرجال لقى الذيب ميت فدفنه وكان هاذ هو الشخص الوحيد اللي ربا ذيب في ديرتنا
    تقبل مروري

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •