ياجماعة محتار بين باجيرو و باترول فزعتكم يالنشاما,,,,

[ابوحمد..]

بسم الله الرحمن الرحيم

حياالله الشباب ...........
مساكم الله بالخير
انا بأذن الله مقبل على شراء سيارة ومحتار جدا بين سيارتين؟

1\ باجيرو ربع طبعا سياحي.

2\باترول ربع طبعا سياحي.
.................................................. .................................................. ......
الله لايهينكم عطونا آرآكم وش الافضل بينهم ,,, والله اني محتار بينهم
.وجزاكم الله خيـــــــــــر

[ابوحمد..]

وينكم ياشباب

[شاهين999]

السلام عليكم
أظن الباترول ما يقارن بالسفاري لا في التحمل ولا في قطع الغيار والصيانة عموما
أنا جربت السوبر سفاري لمدة 5 سنوات وصراحة تندمت يوم فرط فيه لأنه في الرمال ما يوجد أفضل من السفاري وهذا شي معروف في الخليج كله

[مرعش هدب]

مايبيلها مشاور خذ الباترل وانت مغمض

[راس الرعيلة]

يا رجال خذ باترول وبإذن الله لن تندم

لو معي دراهم ماشاورت

الله يكتب لك اللي فيه الخير

[مساير الليل]

باترول بدون تردد ولامشاور

أول شي الباجيرو فليورات وراء وقدام>>>واحد من أحد العيوب

الباترول يكفيك دفرنسات وراء وقدام>>>>ميزهـ للباترول

باترول
ولاتنسى صلاة الأستخارهـ

[ابوحمد..]

ضب الصمان جزاك الله خير

[ابوحمد..]

مرعش هدب اشكرك على النصيحة

[ابوحمد..]

راس الرعيلة جزاك الله خير على المرور

[ابوحمد..]

صديق الهم عز الله انك صدقت..
الله يعطيك العافية

[رجل كريم]

انصحك بالباجيرو 3800 سي سي السياحي ولن تندم باذن الله .. الباترول قوي بس يتهربد بسرعة ويضعف عزمه في الطعوس ويشفط بنزين بشكل غير طبيعي وكثير اعطال .. انصحك تقرا المواضيع اللي كاتبينها اصحاب الباترول بانفسهم ..!
لاتنسى الاستخارة فما خاب من استخار

تقبل تحياتي ..

[ابوحمد..]

ماشاء الله اخوي داكار كيف الصرفية يصرف ولا

[ابوحمد..]

وكم سعر باجيرو الربع

[رجل كريم]

ماشاء الله اخوي داكار كيف الصرفية يصرف ولا

اللي تشوفه هذا طال عمرك المحرك الاضعف 3000 سي سي 190 حصان تقريبا 90 لتر يمشي في الخطوط السريعة 680 كم واحيانا يوصل 700 كم على سرعة 120 و125 كم في الساعة ..

[ابوحمد..]

ماشاء الله تبارك الله
كفيت ووفيت اخوي داكار
جزاك الله خير على الاضافات