▓◄ܓܨ تحذير عند وضع سيارتك بالورشة ܓܨ►▓

[بدوي جنوبي]

كم مره اقول ادخل لا تطالع من الطاقة ههههههههههههههههه











اعزائي اعضاء وزوار مكشات

السلام عليكم ورحمة الله وبركاته



اذا لا سمح الله تعطل عليك القير او بغيت تسوي له صيانة ،،
يعني السيارة لازم تبات في الورشة او مركز الصيانه ،،
انصحك تاخذ رقم التسلسلي حق القير ( السريال نمبر)
Serial number

او الكمبرسر او الدينمو او العمود او اي قطعه في السيارة
لان يوجد عمالة فاسدة ما تخاف الله تقوم بتغيير القير مثلا وتركيب قير اخر او دينمو

يكون السريال نمبر مكتوب دائما علي كل قطعه بالسيارة

هذا مثال للمحرك


او




او يكون منقوش علي المحرك او القير








كل هذي الصورة امثله للرقم التسلسلي

اذا مافي رقم تسلسلي في القطعه تقدر ترقم القطعه او وضع بوية



ان شاء الله يكون واضح التحذير

بالتوفيق للجميع

[فهووودي 7991]

اخوي بدوي جنوبي

اول شي اعجتني الكلمه الي في السطر الأول

ثاني شي صراحه في هاذي صدقت عماله ماعندها لا ذمه ولا ظمير

بس يطقطق عليك وانت ماتدري عن شي لازم الواحد يحرص

ماعمري وثقت في الورش الميكانيكية ولا احبهم بسبب مواقف مرت علي من المحتالين دايم تلقاني اوقف على روسهم واناظر وش يسوون واذا فك قطعه تلقاني ادور على علامه واضحه للأحتياط في حالة مثل ماذكرت اخوي بدوي جنوبي اذا غير القطعه

ومستحيل احرك من الورشه الين يعطيني القطعه القديمه الي فكها اذا صارت حديد ارميها عندي في المستودع واذا امتلى وديته للميزان الحديد بكذا اقدر اقول عوضت نسبه بصيطه من خسايري وانتبهو من البطاريات لاتعطونها للبناشر خذها معك وجمعها ورح مخرج 17 على الدايري بتلقى عمال هنود واقفين عند الأشاره يشترونها منك البطاريات والحديد يتفق معك على سعر الكيلو ويله عليك الحسبه كم يطلع معك من كيلو

[البدر000]

يخوك والله انك صادق والله يستر على المسلمين من الخونه

[أبورهف]

الله يجزاك خير على هالنصيحة

كلام جميل

وحصل معي مع صاحب الثلاجات والمكيفات طبعاً الورشة

مكيف البيت بدا يطلع صوت قمت أنا وأخوي فكيناه وغسلناه وبعد يومين شغلنا المكيف وهو على الأرض ودورنا وش هالصوت ألي طلع فيه وإلا المروحة البلاستيكية الكبيرة ألي بالخلف منكسرة كسر بسيط وتحك بالمكيف قلت لأخوي هانت مروحة بس إن شاء الله نبي نلقا أصلية ورخيصة بس وشلووووون!!! نركبه
قلت نتصل على الورشة يجون يآخذون المكيف ويركبون المروحة , واتصلنا عليهم وجو وقلنا لهم ترا الخربان المروحة فقط لاتصلحون غيره لو هو خربان قال خلاص يوم جلسنا ساعة اتصل رفيق يقول الدينمو يبي تغيير قلت حلوه!! ما مرت علي قلت له جب المكيف ولاتغير فيه شيء
ووديته لورشة ثانية بنفسي وكشف عليه وقال الدينمو سليم 100% بس المروحة خربانة نغيره بـ30ريال
انتهى
هذي السالفة تعلمنا دروس إننا ما نودي الشيء للورشة إلا حنا عارفين خرابه وإلا على ماقال مشرفنا وإخواننا لازم تكون عنده....
وأخيراً أشكر صاحب الموضوع على تنبيهه لنا

[الرهدن]

وعليكم السلام ورحمة الله وبركاته:

لايمكن بأي حال أخي أقرأ وأرحل ,, بل لابد من الدعاء لك ولنصحك
وهذا أقل الواجب بحقك ,, وهذا ديدنك في هذا المنتدى
فغفر الله لك ولوالديك ولكل مسلم وأصلح الله لنا ولك النية والذرية 0
أخي :
لقد نثرت الملح على جراحآ كادت أن تلتئم


للأسف فينا طيبة تصل أحيانآ للسذاجة ويستغلها هؤلاء اللصوص
ومرد هذه الطيبة ماتربينا عليه في هذه البلاد الطاهرة
ومعرفة عاقبة الظلم والغش

وليس أخي جنوبي الغش مقتصر على ورش السيارات كما تعرف ,, بل وللأسف أصبح ظاهرة من هذه العمالة التي لاتخاف الله
ولو ضربت لك أمثلة مما وقع معي لطال بنا المقام ,,
لكن :
حسبنا الله عليهم ونعم الوكيل وكل لحم نبت من سحت فالنار أولى به 0



0

[المتليك]

الدين النصيحة
جزاك الله خير
تحياتي

[راعي الهـــدد]

الأخ الغالي ... الفاضل ... مشرفنا ... مشرف الخيمة .....

صدقت فيما تقول .... ولافض فوك ....

وقل شانؤوك ...

أخي الغالي ....

انا ياواحد .... مستحيل اترك سيارتي عند ورشة وامشي ....

حتى لو اني عميل له ...

وحتى لو كان يعرفني .... مستحيل .... مستحيل ...

بس اذا اوجبت المقادير .... وش اسوي .... ؟؟؟؟

اجيه بعباطه .... يعني اسوي نفسي فاهم ....

واحرصه زيادة .... ولايمنع من ذكر قصة له وارويها له بشراسة .... قصة لأحد غيره تم فرك بطنه وفرك راسة وبقوة .... عندما اخطأ علي او جنا على سيارتي ....

لكي يقول السلامة اطيب ولايفكر يلمس السيارة بمكروه ... ههههههههههههههههه

اي والله هذا الي حاصل ....

ام السيريل نمبر .... وغيره ...

فوالله لو خذا قير موترك ... وانت عارف السيريل نمبر حق القير واشتكيته ....

انا ماتحصل حقك .... وانه هو يصير صاحب الحق وانت صاحب باطل ....

وزيادة على أسلوبي معهم بهذه الطريقة ....

قبل أن اخرج من الورشة ... التفت واعاين السيارة ....

واقول الدعاء الوارد .... واستودعها الله الذي لاتضيع ودائعه ...

بس لايفوتك اسلوب الرواية للعمالة وبشراسة .... ههههههههه

محبك ابو حمد ...

[دغيم1]

السلام عليكم ورحمة الله وبركاته

حياك الله أخي الكريم :

بدوي جنوبي

تنبية جدير بالعناية والإهتمام في ظل السرقات ،خاصة من العمالةالرديئة ،أضف على ذلك يقوم باستبدال القطع الداخلية بقطع تجارية دون علمك .

تقبل تحياتي وشكري

دمت بود

[مصيول]

الله يجزاك خير على هالنصيحة


وأنا مع أخوي راعي الهدد

كلامه صحيح والله
يعني لو قدام عينك تشوفه يفك القير وتمسكه متلبس أنك ما تحصل لا ابيض ولا اسود

بس ان الواحد يطلب الله

ومشكور مره أخر أخوي بدوي جنوبي

[أ.الخزاعي]

والله إنك صادق

[مكشات عنيزه]

السلام عليكم
اشكرك اخي بدوي جنوبي على هذا الموضوع الرائع
الذي يلتحف بروح الاخوة الصادقة

انا مع اخوي فهووودي انك اذا حطيت سيارك بالورشه
ما تطلع من الورشة الا وسيارك معك
والله احيانا اروح للورشة الساعة 2 الظهر ولا اطلع الا قبل صلاة العشاء
الا اذا حدت الظروف مثل ماقال اخوي راعي الهدد

اشكرك على التنبيه اخوي بدوي جنوبي

[العـابر]

ام السيريل نمبر .... وغيره ...

فوالله لو خذا قير موترك ... وانت عارف السيريل نمبر حق القير واشتكيته ....

انا ماتحصل حقك .... وانه هو يصير صاحب الحق وانت صاحب باطل ....

قبل أن اخرج من الورشة ... التفت واعاين السيارة ....

واقول الدعاء الوارد .... واستودعها الله الذي لاتضيع ودائعه ...
واقول الدعاء الوارد .... واستودعها الله الذي لاتضيع ودائعه ...
واقول الدعاء الوارد .... واستودعها الله الذي لاتضيع ودائعه ...

محبك ابو حمد ...

هذا الكلام ولا بلاش
اللهم لا تكلنا الى انفسنا طرفة عين


مشكور اخو بدوي جنوبي على التنيه القيم
والشكر موصول للجميع

[كانو1]

الله يجزاك خير على النصيحة .. وكثر الله من أمثالك
والمثل يقول حرص ولا تخون .. والحرص زين وما فيه واحد إلا وأكله مقلب من هالورش الله يكافيهم ......

[Bader-M]

الغش طال كل شي
للاسف الشديد
وتوجد ورش كثيرة جدا
لا تخاف الله
وياغافلين لكم الله

معلومات قيمة ومفيدة
تشكر عليها
........
تحياتي اليك

[شاص&نص]

تسلم يا مشرفنا و الله يجعلها في موازين حسناتك و لا يتكلنا على أحد غيره

أخوك أبو عبدالكريم