مشكلتي والحرارة

[F_454]

السلام عليكم ورحمة الله وبركاته
كيف حالكم
المشكلة يارجال أنه عندي ددسن موديل 81 بدون مكيف وعندي من فترة ومع دخول الصيف هذا صار الموتر ترتفع حرارة يعني إلى H قلت شكل الموية يبغالها تغيير ودخلت الموتر البيت وفكيت الأديتر والليات وحطيت في الأديتر مويه الأصلية ACديلكو قلت مابعدها وطلعت على الموتر وصار نفس الشيء حرارة موجودة قلت مالها إلى الله سبحانه وتعالى ثم أعضاء مكشات الطيبين وتقبلو تحياتي

[الدحبول]

يأخي لازم تخلط 50 % ماء صالحة لشرب أو مقطر
مع ماء إيسيديلكو (أخضر )
يعني 50% ماء صالحة لشرب أو مقطر العلبة بريالان أو ريال
و 50% ماء راديتر إيسيدلكو
ونشاء الله يضبط الموتر إذا ما ضبط
راح لاقرب محل بيع قطع غيار نيسان وشتر بلف حرارة حق دتسن
ونشاء الله تضبط
هل حجم المكينة 1800!!!

[الدحبول]

تركيب البلف يكلف 50 ريال وترى تركيبة سهل إليك الطريقة
أرجاء الاطلاع على الرابط بخصوص تغير البلف

http://www.mekshat.com/vb/showthread.php?t=90756

[ابوحمد..]

اخوي ماجربت تحط مراوح

[-الساري-]

أخوي غير المروحه والتمتيك حق المروحه،وترجع الحرارة إن شاء الله الى الطبيعيه ،وتكلف من 50 الى 70 ريال ،،،

[F_454]

الله يعطيكم ألف عافية وبيض الله أوجيهكم وماقصرتوا جميع وشاكر ومقدر مروركم وفزعتكم معي
وعزيزي الدحبول أنا حطيت علبة موية اصلية وعلبة الى ربع موية أم خمسة ريال الخضراء
وبالنسبة للبلف غير موجود هل اركب بلف أو لا
ويا ابو حمد الموتر كان معي الصيف الماضي وزي الحلاوه وفكرت اني اركب مراوح بس قلت أشوف المشكلة وشي منه
وعزيزي الساري المروحة والتماتيك بشيك عليها ويعطيك الف عافية

[F_454]

والمعذره حجم المكينة 1800

[Bader-M]

تاكد من
1- سير المروحة
2- تماتيك المروحة
3- طرنبة الماء
4- اعادة وزن الديكو

تحياتي اليك

[bhrt]

خوي حصلت معي نفس المشكله في جيب 97وما تركة شي حتي بلف الحراره شلته
ولم تنتهي الابعد تغيير الرديتركامل والان قاعد افكر في البلف ارده والا لا

[F_454]

مشكورين وماقصرتوا على مروركم وبيض الله
اوجيهكم

[مهب الريح]

تبي حل ... راسلني على الخاص بسرعه قبل ما تغير رأس المكينه ..
...
...
تراني ما أخوف ..

[Abu Saad]

سمع يالغالي ..
اخوك عاصر الدداسن حتى النخاع ..
وخصوصا الموديلات القديمة ..
وكان معي ددسن 81 غماره خط ... ايام الفتوة
عموما الدداسن حبيبه من ناحية الحرارة .
اعمل الاتي وادع لي:
عب الاديتر بمويه مقطره وخل عنك الخضراء والحمراء لانه اغلب اللي في السوق كلام فاضي ومغشوشة .
فك بلف الحرارة .
اذا ما ضبط ..
صيخ الاديتر .
غير كذا اتحدى ترتفع الحرارة .
واذا ارتفعت اعرف انك متعبث بالمكينة او مكينته مشريه جديده ومركبه وكالة ..
سبق وان طقيت مكينه ددسن 82 وكالة بقراطيسها ..
وعانيت من الحرارة ..
مكينة شد بلد ماعندك مشكلة اذا طبقت اللي قلت لك اعلاه ..
والسلام عليكم

[الدحبول]

الله يعطيكم ألف عافية وبيض الله أوجيهكم وماقصرتوا جميع وشاكر ومقدر مروركم وفزعتكم معي
وعزيزي الدحبول أنا حطيت علبة موية اصلية وعلبة الى ربع موية أم خمسة ريال الخضراء
وبالنسبة للبلف غير موجود هل اركب بلف أو لا
ويا ابو حمد الموتر كان معي الصيف الماضي وزي الحلاوه وفكرت اني اركب مراوح بس قلت أشوف المشكلة وشي منه
وعزيزي الساري المروحة والتماتيك بشيك عليها ويعطيك الف عافية

ضروري ترجع البلف لو موهب مهم كان ماحطوة المصنع
وإلا احتمال ينشعر عندك الراس المكينة

[F_454]

الله يعطيكم الف عافية وما قصرتوا جميع ويتم عليكم شعبان ويبلغكم رمضان وانتم بصحة وسلامة

[فهووودي 7991]

انا مالي خبره في الحراره
بس فيه حاجة انا دايم اسويها افك موية رديتر اذا شفت مويه لونه بني او قريب عليه
هاذا عندك موية مصدية او فيها تراب وتلقاها مصدد مجرى الي في الرديتر ( الحل تصيييخ )
والسبب تعبئتها من موية بزبوز او حنفية
وانشالله ان مشكلتك بسيطه بس حاول انك تستعجل قبل لايروح عليك راس المكينه