ربع التويوتا يكر النيسان

[أسد الهيجا]

السلام عليكم
من غير طولة هرج هذا المقطع قدامكم

[الدحبول]

يمكن سواق النيسان غشيم
مافي شي أسمة موتر بر
على حسب السواقة
90% السائق
10% السيارة الموتر

[طحنون]

الحبول ماازيد على كلامك شي
هاذا لا يعني ان الجيوب سيارات خارقه للعاده
الخيل من راكابها
وياما في ناس مامعهم جيوب ووصلو الى اماكن الجيوب المجهزه بااضخم التجهيزات ماوصلت لها
في اثنين معهم ددسن غماره راحو الربع الخالي في سنه 1985
يعني ددسن موديل 85 دفرنس واحد
وعبو الحوض من الصيد كأن اللي صايد 4 سيارات واشخاص عددهم لايقل عن 7 رجاجيل
في رجال تحسبه عن قوم وفي قوم مايسون شي

[الصمان 2]

لا مجال للمقارنة



سلمني على التويوتا




.

[طيب المجالس]

صح لسانك ياطحنون على هالحكم والكلام الحلو
ولا يهون باقي الاخوان

[بدوي جنوبي]

هههههههههههههههه
والله يا هو سحب النيسان تسحيب

تحياتي

[أسد الهيجا]

السلام عليكم
اشكركم اخواني على ردودكم السريعة والقياسيه ماشالله ماصار للمقطع نص ساعة ووصلت 5 ردود
وبالنسبة لاخواني الاعزاء الدحبول وطحنون اقول ان السواق في هذا المقطع مالله دخل وانتم دخلتونا في مواضيع ثانيه انا اتفق معكم ان السواق له دور فسبق ان رايت هايلكس رقا طعس بخط جدة مارقاه سواق ربع ولكن ذا المقطع مايعتمد على المهارة بل يعتمد على قوة المكينة وعزم السيارة وشكرا

[الدبل الثقيل]

ياخوي ماحد يراهن على قوة ربع التويوتا ........ لكنه غالي وماهو راسي مثل ربع النيسان ........ لذلك أهل الصيد يفضلون ربع النيسان لأنه أرسى في الطرد ... وأوسع .......... ولى كلهم ممتازين ........

[حمد808]

التويوتا الي في المقطع اجدد من الباترل وااااااااضح

[طحنون]

كل سباق وله ضروفه اللي تعيشه في لحظه السباق
والاسباب الميكانيكه والاسباب المتكافئه للسياره
اقصد المتكافئه (فيلسوف )
يعني الحاله النفسيه للسائق والقوه والضروف اللي عليها السباق كلها تحسب حسابات دقيقه
لو تذكرون السائق شوماخر سايق الفورملا ون خسر مره واحده فقط كل الامكانيات متوفره له لاكن الحاله النفسيه
ماهي مظبوطه وخسر السباق بملايين الدولارات
يعني ماتعرف الاسباب اللي سحب فيها الربع التويتا للربع النيسان
1- هل الوزن من صالح الكروزر انه اثقل
2- قوه الدفرنس الكرونا للكروزر
3- قوه القير
4- طريقه التحكم في القياده ولها دوركبير
5-حتى نوع البنزين له دور
الكلام يطول
لان له حساب وجواب من جميع النواحي
ومثل ماذكر الاخ العزيز
ان الباترول مديل قديم ويمكن له سبب ويمكن ماله سبب
يعتمد على قوه المحرك
عدد الاحصنه وعزم الدوران
انا كان مع هايلكس مديل 2001
مشيت عليها وجابت على عداد الرادار 203 كيلومتر
له جابت السرعه هاذاي
لان كان ضغط الكفرات 50 وكان الكفر واقف كنه حديد وكان التانكي البنزين مافيه الا اقل من الربع
وكان سرعه الرياح مع اتجاه السياره يعني ليس ضدها وكنت مسايس الموتر وكنت حاشر النمره في الرابع
وصفق طبلونه وتعداه
كل هاذاي عوامل خلت الموتر يمشي 203 كيلومتر على رادار امن الطرق طريق بقيق الحسا الساعه 3 الفجر
(طبعا ايام الرجه )

[abc_01]

طيب فيه مقطع ثاني ...

[الاجودي]

ولا تزعل يارع التايوتا

وهذا ربع باترول يكر التايوتا

وسمعني ردك

[الاجودي]

الخير واجد

وهذا باترول يجر لاند كروزر

=

[Avalanche]

يمكن سواق النيسان غشيم
مافي شي أسمة موتر بر
على حسب السواقة
90% السائق
10% السيارة الموتر

كلام سليم 100%

و أضيف هذا المقطع

=

[أبوناصر]

أنا أقول مهوب قوة في التويوتا بس الوزن له دوره ولا لو تشوف الباترول يفحط في محله دليل القوة لكن وزنه ما يساعده



أما التويوتا أثقل وهذا واضح