الونش وطرق الإستفادة منه

[القناص]

ا لسلام عليكم

بصراحة موضوعك

احسنت شوية عليك
اقول الله يعطيك ما تمنيت

[الدبل الثقيل]

ماشاء الله تبارك الله .. جزاك الله خير... الله يجعل كل ماقلت في موازين حسناتك

لكن عندي سؤال وش افضل ونش يركب على الشاص موديل 2000 وش النوع (اهم شيء مايكون امريكي)وكم القوة ووين احصله وكذالك المستعمل وين احصله(في الرياض اوجدة) وكم اسعارها.

وجزاك الله بالجنة.

[أبرق الضيان]

موضوع رااائع

و لكن هل من المفيد تركيبه على هيلكس أو ددسن ؟

[عبدالعزيز الدباسي]

الحقيقة اني اكتب هالرد وانا مستحي ، لاني توي اشوف الموضوع ، والبركة باخونا ابرق الضيان اللي رفع الموضوع وخالني اشوفه .

ما قصرت ياابو وليد على هالموضوع الجميل المدعوم بالصور ، والحقيقة شرح ولا في الخيال وتطبيق عملي ، يخلي اللي ما يعرف يتفرج

ويخلي اللي ما يحب هالامور يندهش

بارك الله فيك اخوي الخبير وما قصرت يالغالي

[العـفــار]

أخوي (( الـخـبـيـــــر )) الله لايحرمنا منك ولمن خبرتك وتسلم يمينك على هالموضوع الشيق والمفيد .
لكن عندي أستفسار بسيط لو تكرمت . بالنسبه للبكرة الي ذكرت كيف تزيد قوة الونش من ( 3 طن ) الى ( 6 طن ) وكيف أستخدامها . وألأطناب وين المحل الي أحصلها عنده بالضبط ..

شاكرين لك سعة صدرك وتحملنا

[عاشق البابونج]

جزيت خيرا
س 1 نفس سؤال العفار

س 2 عملية تثبيت الاوتاد في الصورة الاولى غير واضحة (بالنسبة لي)

وأدامك الله يالخبير

[تالي الاولين*]

.


الخبير وانا اخوك

لا تخلي شي يقرقع في قلبك ابد

خاصة اذا كان من هالمواضيع

المفيده ....

وعز الله انك ماقصرت


تحيات اخوك
تالي الاولين


.

[أيمن]

( لقد تم إضافة هذا الموضوع إلى مواضيع المبتكرات والاختراعات )
مع الشكر للجميع ،،


مشرف الخيمة

[desprado]

موضوع جميل ومفيد

بس زي الاخوان كيف طريقة البكرة ووين القا الاطناب؟؟

[الخبير]

السلام عليكم
اعتذر على عدم الرد لمدة طويلة، لكن ابشروا بإلي تبون

سؤال العفار: كيف تزيد قوة السحب من 3 طن إلى 6 طن؟
هذي يالحبيب مسألة فيزيائية ( انا خريج أدبي )، وابي أقول لك قاعدة كل ما زاد عدد البكرات زادت قوة السحب. ( هذي درستها يوم أخذت دورات مكثفة في العلمي ).

الدبل الثقيل: أنسب ونش 4 طن لأن حجمه مناسب و تقدر تسقطه في الصدام وتخفيه.

ابرق الضيان: الونش مهوب حكر على الجيوب، مدام الددسن ولا الهايلوكس ياصل البر فهو يحتاج ونش لكن مهوب ضروري.

مومجام: معليش إذا ما كتبت الأسم صح.
طريقة الطنب كالتالي: انت مثل ما تطق أطناب الخيمة تطق أطناب الونش إذا ما كانت مركب فيه المروحة ( بزاوية معاكسة للخيمة ( في هذي الحالة السيارة )، بس طقه لين ما يبان إلا راس الطنب.
إذا كنت مركب المروحة: لو تحفر شوي يكون أسهل عليك، لأنك تبي تطق الطنب لين المروحة ثم تفر المروحة وهي تقوم بالحفر ثم إذا إنتهيت إدفنها لين ما يبقى إلا الرأس.

الأطناب كلها ترهيم، يعني لو تروح لورشة المميز أو المواهب وتقول لهم المواصفات يبون يزينون لك مثلها، بس خلهم يركبون لك قواعد لها على الصدام ( إذا كان الدعام إلي أنت مركبه حق العدد المعروف ).

[الفرعاوي]

الاخ الخبير حفظه الله

جزاك الله خير على هالجهد الرائع ... شكلك طالع للبر علشان تورينا بس ...


الحقيقه احد اخوياي يسأل عن وين ممكن نلقا الطنب و البكرة و هو في الرياض ..

و شكرا مقدما ..

[الفرعاوي]

الاخ الخبير حفظه الله

جزاك الله خير على هالجهد الرائع ... شكلك طالع للبر علشان تورينا بس ...


الحقيقه احد اخوياي يسأل عن وين ممكن نلقا الطنب و البكرة و هو في الرياض ..

و شكرا مقدما ..

[الخبير]

تقدر تلقاها عن المميز ولا المواهب

[ابو مساعد]

السلام عليكم ورحمة الله وبركاته

اشكرك الاخ الخبير على هذه الفكره الروعه .

واذا لم يكون معا الاوتاد ماذا تفعل ....!!!!!!

اذا كانت الارض نفود لا يثبت الوتد في الارض

أليك هذه تقوم بحفر حفره وتنزل الاستبنه الكفر الاحتياط وتدفنه وتعلق الونش فيه وتسمي بسم الله وعندما يسحب الونش يعلق الكفر في الرمل ويثقل .

ولان أوقات امطار وخير وسيول وخباري ماذا تفعل لو هلش الموتر تقوم بركز مركاز خشب على شكل مايل عكس اتجاه الموتر وتعلق الونش باسفل المركازويقوم واحد من الشباب بتثبيت المركاز من الاعلى وتسمي بسم الله .

تحياتي .

[راع الكحيلة]

( في الصور ما ركزته لأقصاه لأني كنت طالع بالحالي و ذبحنى العج )
=======================================
الله يجزاك الخير وياجرك على اللي عانيته علشان نفعة ربعك واخوانك.