الونش وطرق الإستفادة منه

[aldrawy]

السلام عليكم ورحمة الله وبركات
بيض الله وجهك يالخبير على هالمعلومات الجيده وانا جربت الأستبنه وجربت الشجره لكن اطنابك ما بعد جادورها وعسى ما يجي ان شالله ولكن صورتها وبتصير من ضمن العده ان شالله شكرا لك مرة اخرى



اخوك - الدرعاوي

[ابو زاخر]

الأصل كُتب بواسطة المسفهل

عمل رائع يا مشرفنا الخبير عز الله إنك اسم على مسمى ..

أما أنا فقد إستفدت من هذا الموضوع فائدة كبيرة وأضاف إلى معلوماتي

القليلة كثيرا من الفوائد .

[مثابر]

الله يعطيك العافية يا راعي الكحيلة

[ابو عمر 2]

ماشاء الله تبارك الله

والله يقويك اخي الكريم على مجهودك الرائع ،،،،

كفيت ووفيت ،،،

والسلام عليكم ورحمة الله وبركاته

[ساق الجواء]

في حوالي عام 1975 اخترع امريكيا محبا للتطعيس وسيلة تسمى الـ (Pull pal) تعمل كوتد للونش خفيف المحمل يغرس نفسه في جميع التضاريس بما في ذلك الرمل وتبيعها الآن ابنته بسعر عال ولكن يستطيع المرء تقليدها. يمكنكم معرفة المزيد عنها ورؤية صورها بالبحثفي الأنترنت تحت كلمة Pull pal.

لو كنت أعرف كيفية تحميل الصور لاريتكم صورها.

[klko]

ما قصرت يالغالي يعطيك العافية وأنا توني مبتديء وعز الله أنكم بتفيدوني الله يجزاكم خير

[محب الشمال]

بيض الله وجهك على الموضوع
والله يعطيك العافيه
بس اخوي الخبير عندي استفسار لو تكرمت
اخوي الحين لما اشتري ونش ما يجي معه واير
اقصد ان الواير لوحده ينباع بدون الونش
واين افضل مكان لبيع الونشات في الرياض
والله يحفظك ويرعاك

[الخبير]

الواير يجي مع الونش
وإذا كنت تبي ماركة وورن الأمريكية رح للسليماني
بالتوفيق

[صقرنجد]

السلام عليكم

الله يعطيك العافية يأخي العزيز
الخبير والله خبرتك أضافة الكثيير إلى معلومات الضئيلة

وشغل متعوب عليه

الله يعطيك ماتمناه

والله يجزيك الف خير


أخوكم ومحبكم في الله : صقر نجد

[محب الشمال]

اخوي الخبير ما شاء الله عليك اسم على مسمى
والله يعطيك العافيه وعندي سؤال بعد
القاعده ما تجي مع الونش ليش
لانك كتبت تركيب القاعدة يكلف خمس مية ريال لييش ما اشتري الونش كلة مع جميع ملحقاته من السيلماني
ليش دايم مرات ما يكملون جميلهم وبعدين وين افضل ورشة مشهورة في الرياض تركب الونشات
وش رايك في ورشة المواهب تنفع للونشات
وهل فيه امكانيه بالنسبة لليوكون او السفاري او الاندكروزر صالون اني اركبه مخفي يعني تحت الصدام ما ينشاف ويكون ثابت لان منظره يشوهه منظر السيارة من بره
بعدين ليش السليماني ما يركب الونش عندهم ويجيب ناس متخصصين في تركيب الونشات حتى لو اخذ زيادة ماهي مشكلة ان شاء الله بشرط ان يكون تركيب قوي ما يتخلخل ا و يطيح او ينكسر او يأثر على السيارة والصدام وخصوصاً لما يقوم راعي الجيب بالطرد وخصوصاًَ طرد الحصاني وغيرها لازم بأذن الله ما تطيح
ماعليش كثر الكلام بس عشان المشتركين وغيرهم اذا ارادو يركبون ونش يركبونه بافضل مكان وافضل نوعيه وافضل ورشه
والله يعافيك ويطول في عمرك ويحفظك

[رحال الغربية]

موضوع تشكر عليه كامل متكامل ماشاء الله عليك يالخبير

وحبيت أضيف حاجة وهو شئ جديد ويسمونه مرساة البر
تراه خفيف ويطبق على بعضه ومايحتاج لغرسه تعب إنت بس حطه فوق الرمال أو الطين واشبك الواير فيه وهو يغرز نفسه بنفسه

وهذا شكله عند الإستخدام



وهذا شكله عند عدم الحاجة له

[الوهاج]

يالخبير الله يبارك فيك على الموضوع الممتاز.
عندي الواير شكلة خرب انعفط ولا ينصف بطريقة صحيحة واعتقد اني احتاج الى تغييره، سؤالي يالغالي وش احسن ورشة لتغيير الواير او حتى في عملية الصيانة
تحياتي

[الطعس الذهبي]

جزاك الله خير لاكن فيه صور ما طلعن

[الطعس الذهبي]

جزاك الله خير على المعلومات لاكن فيه صور ما طلعن

[المطلق]

مشكور أخوي الخبير على الموضوع الأكثر من ممتاز

ويعطيك العافية على المعلومات القيمة