ياجماعة الخير رأيكم بأفضل سيارة للتحميل

[ابوعلي2580]

السلام عليكم ورحمة الله وبركاته حي الله الجميع وشرايكم ياجمعة الخير بافضل سيارة للتحميل
انا عندي تحميل اوزان ثقيله وراعي خطوط التحميل حول 2طن كل يومين تقريبا من القصيم للرياض لمدة 3 اشهر تقريبا وابيه استخدام عاددي بعد الثلاثة اشهر وانا محتار صراحتا بين السلفرادو hd2500 موديل من 8 الى 10 او هايلوكس من 9 الو 11 او ددسن واللي عنده نظرتن ثانيه ياليت يفيدن وبيض الله وجيه الجميع

[ابوسند9]

وعليكم السلام
2 طن
الهايلوكس ما راح تشيل وراح تلعب بك لعب با الخط
الجمس او السلفرداو hd فيه نوع يجي شاص طويل غمارة هذا النوع طرب ويشيل ال 2 طن والهايلوكس معهم
الخيار الثالث فتك حوض لكن تحتاج ياي استرالي اقوى شي , 1 طن يشيلها مرتاح ولا ينزل , واذا نقول 2 طن اي زيادة طن اخر ما عندي علم عن نزوله
طبعا انا اخذت بالاعتبار الرساوه والراحة

[ابوعلي2580]

وعليكم السلام
2 طن
الهايلوكس ما راح تشيل وراح تلعب بك لعب با الخط
الجمس او السلفرداو hd فيه نوع يجي شاص طويل غمارة هذا النوع طرب ويشيل ال 2 طن والهايلوكس معهم
الخيار الثالث فتك حوض لكن تحتاج ياي استرالي اقوى شي , 1 طن يشيلها مرتاح ولا ينزل , واذا نقول 2 طن اي زيادة طن اخر ما عندي علم عن نزوله
طبعا انا اخذت بالاعتبار الرساوه والراحة

بس الامريكي الصراحه متوحشن من قيره لان كلن يسبه وانا والله مادري

[مطر وربيع]

2 طن مالك الا الامريكي HD 2500
حتى الشاص مايشيلها ولو شالها فيها خطورة من ناحية الرساوة واللفات
او استاجر دينا لمدة 3 شهور ورجعها

[ابوعلي2580]

2 طن مالك الا الامريكي HD 2500
حتى الشاص مايشيلها ولو شالها فيها خطورة من ناحية الرساوة واللفات
او استاجر دينا لمدة 3 شهور ورجعها

طيب رايك بقيره يتحمل ولا لا

[أبوصالح9]

انت متأكد من الحمولة 2 طن تراها مهب سهلة يعني كنك مركب سيارتين على سيارة وحده -

انا من راي اخوي مطر وربيع - مافيه سيارة بتتحمل هالوزن ابد -

[أبويعقوب60]

انا مع الاخوة 2 طن كثير يعادل 40 كيس اسمنت ! إذا كان هذا صحيح
فأنا مع من قال ( دينا ) بقية السيارات الي ذكرت تسبب خراب مع طول المدة , هذي رأي .

[مدمن مرق]

بخصوص الددسن ماعندك احد بالتحميل.اسحب عليها .
الهايلوكس دبل غمارة اذا 2 طن مقسمة على مشوارين
لان اقصى حمولة للدبل 1600 كيلو..يعني طن ونص.

[Time out]

اذا على الحموله اللى كاتبها مايشيلها الا 3500HD اللي يجي دبل تاير في الخلف والا شف دينا احسن لك

[عمرين العمري]

أخي الكريم الحمولة القصوى للـ 2500HD حسب موقعهم 1614.8 كيلو غرام يعني أقل من طنين
وزي ما قال أخونا Time Out ما ينفعك إلا 3500HD وهذا يشيل حسب موقعهم 3256.8 كيلوغرام
والأفضل تستأجر دينا بالشهر وتريح نفسك
والله يوفقك

[سلطان البراق]

أنصحك استأجر دنا وسقها بنفسك ولا استأجر معها سواق
ترا حمولتك ثقيلة جداً جداً

[ميدان التحدي]

مالك الا الجمس اتش دي والقير ماعليك منه قوي ويتحمل من تجرربه

[سحب ممطرة]

السيارات العادية فيها خطورة و كفرات يمكن ماتتحمل

انا مع الاخوان اللي يقولون استأجر دنا

[الحربي 591]

مالك الا الدينا
والجمس 2500
جمس دبل تاير هذا راس تريلا باختصار
و القير و الدفرنس مصمم لهذي الاشياء
ويازينها لو اخذت مكينه ديزل

بس اسمع اسحبها بمقطوره افضل من التحميل بالحوض

[الحربي 591]

شوف اللي في التوقيع وش ساحب
هذا 3500 لكن ماهو دبل تاير فيه دبل تاير اذا انت طلبت