سيارات الدفع الرباعي

[نجم سهيل]

اخواني مقطعين البر ودروبة,

هذا المنتدى خاص بسيارات الدفع الرباعي من جميع انواع الجيوب والاضافات الخاصة بها.

في هذا المنتدى سوف يتم مناقشة ماضيع كالاتي:

- افضل انواع الجيوب
- افضل انواع الأطارات
- اكسسوارات

وغير ذلك من المواضيع التي لها علاقة بذلك.

امل من الجميع المشاركة في هذا الموضوع وافادة الاخرين من المعلومات التي لديهم.

وسلامي للجميع

[miokly]

اهلين وسهلين بسيد النجوم كلها

ياخى ترى فيه مثل يقول وعد الحر دين انت موعدنا عن الطاقة الشمسيه والمكيف امل ان ارى لك شى عن هذا الموضوع لانى صراحه عندى وله على الاختراعات والفك والربط///

الموضوع اللى طرحته عزالله انه ممتاز ودنا لو يتم تصنيف احسن المواتر ذات الدفع الرباعى وعلى العموم امس واحد من الزملاء اتصل فينى يقول لاتفوتك الثمامه يجربون الباترول الجديد4800 ويقول ياهو قوى بعد على شوفتك له بالدعايه يوم VXR يغرز واخوك الباترول مادرى به عزالله ان كان انه صدق لاطق واحد لو اقسط كل شهر 4000

ولك سلامى واحسن كلامى

ســــــــــــــــــيـــد الـــــــــنــــــجــــــــوم

[نجم سهيل]

هلا واللة بالغالي من دون منشوفة,

انا عند وعدي وبديت اجهز في الموضوع بس زي ماقلت يوم طرحت الموضوع تكفون عطوني شوي وقت.

والمشكلة يا اخوي ماوكلي اني ماشي انا والعضو مساعد بعد بكرة للحدود بين مصر والسودان للصيد.

شاكر لك تأييدك على الفكرة خاصة اني هاليومين ناوي اشتري سيارة اكيد جيب و ودي استفيد من معلومات الشباب.

أنا قاطع قلبي الحبة وثلث فايبر جلاس ياهو موتر وبس, بس مشكلتة انة يلهم بنزيم ولا يحمل ركاب واجد.

وسلامي لك.

[miokly]

سيد النجوم

مساك الله بالخير الله يستر عليك وبعدين ياهو حر ترى الجو يمكن اخف شوى من الحر اللى عندنا بس انتبه من هالزوله ( الغربان ) اليك الله ولا تثق فى احد منهم والا جيت تجى على خير لاتنسى تقول لنا عن جميع ماحصل لك ولاتنسى عن الاوراق المطلوبه للمقناص

الله الله من الصيد لاتنسى الكميره الديجيتال علشان تزودنا بالصورســــــــــــــــــيـــــــد الــــــــــــنــــــجوم:

[هواوي]

مساء الخير يا شباب

من وجهه نضري ما فيه زي سيارات تويوتا

اللاند كروزر او الشاص

خرابات قليل مره مره

صرفيه للبنزين اقل من اي جيب اخر

تقدر تصلحها في اي مكان

قطع غيارها تباع في اي مكان مهما بعد

وسعرها فيها يعني تبيعيها اي وقت تلقاها غاليه

والاهم من هذا كله متينه وقليله الصيانه

انا شريت كل انواع الجيوب باترول ورنج روفر وشيروكي ورنجلر وبليزر والان معي لاند كروزر وبكل صراحه ما فيه مقارنه بينه وبين اي من هذه السيارات على حسب تجربتي وخاصه اني العن ابو ابو الموتر ومع هذا لا زال كنه جديد حتى اصوات ما فيه
سلملي على الاند كروزر وبس

[هواوي]

شوف الرنج روفر

[نجم سهيل]

هلا واللة بأخوي انا,

اي نوع من اللاند كروزر تقصد, حبة وربع, حبة وثلث, جي , جي اكس, جي اكس ار, ولا في اكس ار.
ياشباب ودنا نسوي تصويت للسيارات التالية ونشوف الأحسن, اي واحد يدخل يختار وحدة من هالسيارات:

1- لاند كروزر حبة وربع
2- لاند كروزر حبة وثلث تندة فايبر جلاس
3- لاند كروزر G
4- لاند كروزر GX
5- لاند كروزر GXR
6- لاند كروزر VXR
7- باترول نيسان باب واحد
8- باترول نيسان 4 ابواب
9- رنج روفر
10 - لاند روفر ديسكفري
11- تويوتا شاص
12- جمس دفرنسين قطع عشرة
13- جمس دفرنسين شاص طويل
14- جيب شيروكي
15- جيب رنجلر

ارجوا منكم اخواني اختيار السيارة الي تشوفها من وجهة نظرك مسكتة وما عليها قاصر, ارجوا اختيار سيارة وحدة.

وسلامي لكم جميعاً.

[هواوي]

اخوي نجم سهيل

ارجو تحديد من اي ناحيه مثلا

1 - من ناحيه القوه

2 - من ناحيه قله الخراب والعكاس

3 - من ناحيه صرف البنزين

4 - من ناحيه سهوله الصيانه

5 - من ناحيه قله الخراب والتحمل

6 - من ناحيه الكماليات والراحه



انا اجابتي

1- الشاص تويوتا

2- الشاص تويوتا

4 - الشاص تويوتا

5 - الشاص

6- الفي اكس ار واضف عليه القوه والراحه في الطريق

[شرقاوي]

افضل النيسان باترول الربع والكبير بخاخات
على الطريق مريح ولا فيه ازعاج
صرفية بنزيم معتدله
قلة خرابات وصيانه وقطع غيار متوفره
ملائم لكل تضاريس المملكه
انا ااعتبره سياره مثاليه وانا عندي واحد

واذا تبي حوض عندك السفاري بيك اب SGL-E
نفس المكينه والمواصفات اس جي ال وشكله احلى من الشاص واقوى واسرع وتراه مررييح انا مجربه

[miokly]

السلام عليكم ورحمة الله وبركاتة

الباث فايندر والله ياهم مزينينة موديله2000 عزالله انه ممتاز للاطلعات القريبه من الصمان وجاى وعزالله ان عزمه جيد وبعدين 6 سلندر وبخاخ وداخليه مريح وواسع ولله انه ماهو بطال
يصلح طال عمرك لوقت النزل القريبة مامثله مره مره ،،،،،
ولكن اذا كان المسافة طويله والسفرة تبى تطول عليك بس بالباترول ولا بالاندكروزر خذ واحد والاتشاور ،،،

ولك منى اطيب التحيات بموفور السعادة

ســــــــــــــــــــــيد الـــــــنـــــــجــــوم

[عاشق البر]

هذي بداية اعلان تجاري

حقيقة افضل موتر بالنسبة لي انا شخصيا المصندق موديل 84 LX تحس انك تسوق موتر بر ولاتخاف عليه الخوف على نفسك

[عاشق الكروزر]

الشاص
الفكس ار

[v..x..r]

مافيه مثل الشاص وال v.x.r

[اسيزو 4x4]

أقول لكم مافي مثل أثنين :

للعزابي >>>>>>>>>>> شاص وبس

للعايلة مع بر >>>>>>>>> باترول وبس


.

[الشوق]

بسم الله الرحمن الرحيم
السلام عليكم ورحمة الله وبركاته

بصراحه أختار صقر الصحراء باترول وبس

والله موتر مجنون بالخط وبالنفود

لا وخاصه من موديل 2002 وطالع صار بطل بكل معنى الكلمه