للبيع شيهانه جبلية إيرانية بكر بيتيه .. صور

[خيال الصبحا]

بسم الله الرحمن الرحيم
السلام عليكم
ورحمة الله وبركاته
كيف حالكم يااهل مكشات؟
شيهانه للبيع
النوع : جبلية"إيرانية"
السن : بكر"بيتيه"
المقاس : حدود 13.5
باقي معاها الموس
مقيضه طلق عند ابو معيض"المري"
السوم : نسمع منكم .. اليوم عرضتها ، ولا سيمت بعد ومالي حد بها
وهذي صورها
***

***

***

***

***
وشكرًا

[الصامل111]

السلام عليكم اخوي خيال الصبحا ماهي علوم الطيره وهل عليها سوم سابق

[الدكتور00]

مساك الله بالخير يا خيال ..



ما شاء الله ،،

الله يوفقك بالبيعة اللي تسرك وترضيك ،،




بس عسانا نقول عقبال النادر ؟



وسلامتك ،،،،،،،،

[قلب شاهين]

أخوي أبو نايف ،،

رد علي بالخااص ،،

[قرناس حائل]

مساك الله بالخير اخوي خيال الصبحا

هي سيمت ولا لا ؟ واذا لك حد علمنا

تقبل تحياتي

[مران]

وش جاك ياخيال على بيعها
وكم سيمت
والله يرزقك بشراي

[بعيد الشوح]

ابا افتح بابها والسوم مافيه زعل1500
اذا بعتني راسلني على الخاص
الطيره ابشريه غيبين
لنه من ابو معيض
وخيال الصبحا

[صارووم]

مساك الله بالخير ياخيال الصبحاء ... عطنا علومها الله لايهينك ... وشلون طيارها على الحمام

[خيال الصبحا]

السلام عليكم
حي الله كلن باسمه
والطيره يالربع سومها 1500 عند اخونا الصقار10
وعلوم الطيره

الطيره مقاسها 13 ونص .. الطير سبوق على الحمام..

***

هدها راعيها على كروان من الروض ولا جاته ..

***

صحيح ترتفعه واطياره زين..

***
أبو ابراهيم(الدكتور00)قل عقبال
الحر التام الاخضر .. ويخب
وشكرًا

[عبرود الشمال]

هلا اخوي ابو نايف وين مكان الشيهانه
علي 1600

[خيال الصبحا]

هلا اخوي ابو نايف وين مكان الشيهانه

علي 1600

سومة طيبة من وجه ٍ طيب يابو ليان

والسوم ماوصل راس مال الطير ،ومحلها

عند ابو معيض(المري)حدود الحساء،وشكرًا

[ابو عايد]

السلام عليكم ورحمة الله وبركاته

الله يطرح فيها البركة

[خيال الصبحا]

السلام عليكم ورحمة الله وبركاته



الله يطرح فيها البركة

وعليكم السلام ورحمة الله وبركاته
الاخ ابو عايد
الله يجزاك خير
وشاكر لك مرورك
وردك الكريم ، وبيض
الله وجهك ، وهلا بك

[<عاشق الصمان>]

1700 بعت شرط الفحص ...............

[خيال الصبحا]

1700 بعت شرط الفحص ...............

الاخ عاشق الصمان
سومة طيبة من وجه طيب
والطيرة ان شاء الله سليمة من الامراض