السلام عليكم ورحمة الله وبركاته
ماخاب من ذكر الله يالربع
هذي طيرين معروضه للبيع
الطيور مثل ما تشوفون
وعلومها كما يلي ............... الاول
طير طلاع هالسنة ابو ثالث قياس 17 ونص طول بعرض .... ذابح ثنتين عند راعيه الحالي راكد على التكية من الصبح الين حزة العشاء ثم عقبها يبترم الين تعشيه
الطير حباريه وحده كرسها كرس في القاع وهو بكر والثانية طارت ولحقها وضربت بعمرها في القاع وطيروها ولحقها وضربت القاع وطيروها ............. ويوم وصلها ضربت القاع ويكرسها بالقاع ما تبي غيرها .
جناح الطير حلو حاضر له هدد على حمامة من عندي سوادية لحقبه راعيه من عقب طير وراح هو وياها في الخضراء الين حول بها .
صورته مناحر :
صورته مقفي :
==================
الطير الثاني :
طير طلاع قياسه العرض يقصر عن السبعة عشر والطول يجي ستة عشر ونص جناحه فارط يعطي مع اهله على الملواح 120 وباقي به زود ... سنه رابع طلع العام على خرب كبر الحمار ولحقه الين وصله وخمه برقبته وانملص منه وخموه العجلين بالبواري وعود لحق الخرب وخمه برقبته وحول به وتفارس معه ثم عودو عليه العجلين بالبواري وطار الخرب ويم لحقه والين معه طير ثاني خم الخرب قبله (الطير ما يداني المشابط )
وهذي صوره الاولى مناحر :
صورته مقفي :
بالنسبة للطيرين امواسها دافعه فوق النص ونقلت قبل عشرة ايام
وللعلم ترى ريشة الطيرين ما طقتها الشمس واللا هن اكشف من الصور
والله تعالى اعلم