وقف شوي وتعال دلني

[تيتشر]

مرحبا بالجميع

اخواني انا مسكت لي كم واحد من اقاربي وقلت لهم بنتسحر ان شاء الله الاربعا الجاي بالبر

ابي مكان فيه نفود وحليو غير الثمامه والعاذريه وبنفس الوقت يكون قريب

احد يخبر لي مكان ؟؟

[خلفهم]

فيه الزويليات .. طريق الخرج .. بعد التفتيش أول مدخل يمين .. إطلع معه .. امش شوي يجيك على اليمين واليسار ..



دعواتك يرزقنا ربي من غير ما نحتسب ..

[غيانا]

اخوي تيتشر
الموقع اللي انت فيه يحدد اقرب نفود لك

وعموما اذا انت بجنوب اوجنوب غرب الرياض
الزويليات مثل ما قال اخوي (خلفهم)

اما ان كنت اقرب للشمال
فنصيحتي لك فغرب الثمامة من عند مزرعة الملك فهد مع ردمية العاذرية
تبعد شوي ونظيفة وما فيها زحمة

اما ان كنت في غرب الرياض فالمزاحمية وجوقريبات من النفود
والخرارة زينة بس مثل الثمامة
ونفودالمحلية زين (من عندمخرج ضرما تروح جنوب بيجيك سكةيمين معها مسافة ويجيك النفود)
واذا فيه سؤال تحت امرك

[عرق دقله]

النفود ألي قدام روضة الخفس

[kwa_198]

رح الخرارة والله جنان الجو بس لا تدخل من مدخل الفيضه خل المدخل يسار 5كيلو وتنق النفود االي تعجبك :::

ام الثمامه ابعد ابعد والله ريح لها الاسبوع الي فات صجه وقلق بزارين يشغلونك يــــ بسيارتهم او دباباتهم ::

[Black VTC]

رح الخرارة والله جنان الجو بس لا تدخل من مدخل الفيضه خل المدخل يسار 5كيلو وتنق النفود االي تعجبك :::

ام الثمامه ابعد ابعد والله ريح لها الاسبوع الي فات صجه وقلق بزارين يشغلونك يــــ بسيارتهم او دباباتهم ::

صدقت والله و انا كنت هناك ليلة الجمعة و اشغلونا مع اني مبعد عن خزام وصلت حول التفتيش بس على قولة اخواني الكويتيين (ماكو فكة)

[أبوخطاب]

نفس ما قالوا الاخوان الخرارة ممتازة

[abdulrahmanfd]

الاسبوع الماضي كنت مع الشباب في حفيرة نساح حول الاوسط المكان هادئ ولا عندك احد وجلسنا تحت دركال من 9 الى 3 ولا كان فيه اي ازعاج

[_العلي_]

الاسم المستعار رومــــأنســـــي النفود بكل مكان حاوه وجميله

[KING GALAXY]

في قنا بحائل وحياك اللهــ أنت وضيوفك

[جندي ساده 0]

هذا الموقع في الثمامه
http://www.mekshat.com/vb/showthread.php?t=105988