شيهــانه جـير للبيــع

[رآعي آلبآترول]

السلام عليكم يالربع
مساكم الله بالخير جميع
عندي شيهـانه جير للبيــع مقاس 18*18
مجهــــوله ولا عندي لها علوم ابد ولكن اذكر راعيها الي انا شاريها منه يذكر لها علوم بس ماذكر وش كان يقولي وقت ماشريتها لان انا مايهمني كلام الشريطيه..
عموما الطيره تننقل رابع على كلام راعيها الاول
وانا شريتها وقت الربطه ولا شفت لها طيار وفيها جدره في البوز قــديمة
والامواس الحين منتصفات تقريبا
الي يبي الطير انا حاطه في الرياض محل فهد الدوسري عند عامل اسمه "زهـير"
وترا لها شريحة في المستشفى وتوني فاحصها مابها الا دود وعالجتها..

البيـــع لأعلى سومه

[قلب ذيب]

ممكن صورة الطير ؟
هل للطير جواز , او فيه حجل ؟

[عبرود الشمال]

وين محلها بالتحديد لو تكرمت

[الدكتور00]

الصور الله يرضى عليك يا راع الباترول ..

[قلب شاهين]

أخوي راعي الباترول ،،

ياليت لو يكون فيه صور ،،

وتقدر توصله للدمام ؟؟

وأنت هديته ؟؟

[وكري2007]

خوي راعي البترول أفتح باب السوم
3000ألف ريال والله يرزقك بالبيعه الطيبه والصور الله لايهينك

[عبرود الشمال]

السلا عليكم اسومة 3500 بشرط سلامة الطير

[الدكتور00]

يا راع الباترول ..




الله لا يهينك .. عجل علينا بالصور .. محنا بحولك ولا كان عدينا عليك يا السنافي ،،

،،

[taag1]

الله يرزقك اخوي راعي الباترول البيعه الطيبه والشراي الصامل ويوفق من شراها .....تقبل تحيات اخوك..................ابوابراهيم

[فتى باريس نجد]

اخوي راعي البترول كم وصل السوم وهل الطير الى الحين موجود

[بوخالد الكعبي]

بالتوفيق ياراعي البتروول

[رآعي آلبآترول]

السلام عليكم مساكم الله بالخير جميع
هذي الصور
http://upload.9q9q.net/image/UUTPtOx...-008-.jpg.html

http://upload.9q9q.net/image/CCBkNjj...-003-.jpg.html

وهذي صورة تبين الجدره

http://upload.9q9q.net/image/ccb5b3r...-006-.jpg.html

الطير ماعليه حجل ولا معه جواز
اخووي وكري واخوي عبرود الشمال سومات طيبه من وجيه طيبه

يالربع الطير والله ماتعدى الوكر عندي ماهديته ولا دعيته ابد توني مطلعه من الربطه
والطير سليم ان شاء الله من الامراض

[الدكتور00]

ما شاء الله تبارك الله ..

الله يوفقك بالبيعة الطيبة ،،

ويرزقك باللي فـخاطرك ،،

لي ملاحظة يا الأجودي : أشوف الغرفة نظافتها مش ولا بد !!!! احرص عى اطيورك .. عطها من وقتك اشوي ، الطيور تستاهل ونا خوك ،،

وسلامتك ،،،،،،،

[عبرود الشمال]

وين محل الطير بالتحديد وين محل الدوسري هل هو ابسوق الصقور الي بالديرة

[رآعي آلبآترول]

سلام عليكم

يالدكتــور بيض الله وجهكـ الله لا يهينك على النصيحة
والواحد وانا اخوك والله مايلحق
شاكر لك مروركـ

عبــرود الشمال
هلا بك والله يالغالي
رح لسوق الطيور وأسأل اي واحد عن محل فهد الدوسري ويدلونكـ
مايبي لها نشدة شيخ السوق كله مافيه الا 9 محلات ماراح تضيع ابد