استفسار (عاجل) بخصوص تشفير الاجهزة الاسلكية على ترددات حكومية

[عاشق سفر]

السلام عليكم ورحمة الله وبركاته


مساكم الله بالخير جميع


يالربع أن بستفسر عن موضوع التشفير

أنا متطوع بالهلال الأحمر ولي كم شهر اداوم عندهم

والمشكلة انه احيانا مايكون فيه حالات يعني أداوم ولا يجي حالات

طبعا أنا أتمنى انه دوم مافيه حالات والناس يكونون بخير

بس فكرت بفكرة تختصر علي المشوار


وهي اني اشتري جهاز وابرمجه على قناة الهلال الاحمر بجده ةيصير اتابع الحالات من بيتي أو أي مكان اكون فيه واذا سمعت ان الموقع قريب توجهت له ووصلت له قبل الهلال الاحمر لتقديم الخدمة الاسعافية...

المهم

الجهاز اللي ناوي اشريه هو icom IC-V8 يدوي ومستخدم من واحد من الشباب بالمنتدى

أنا رحت اليوم بعد ماخلصت دوامي رحت لخوياي بالهلال الاحمر واستفسرت منهم عن الجهاز وامكانية برمجته


فكان الجوااااااااااااااااااااااااااب

انه لا تتورط وتشتري الجهاز قبل انك تبرمجه على موجة الهلال الاحمر

يقولون لان شفراته صعبة واصعب من الدوريات الامنية


ولا كل المبرمجين يعرفون لها من صعوبتها



فأنا بستفسر منكم ياشباب عن شيئين


الأول

أجهزة الهلال الاحمر نوعها موتورلا وجهازي نوعه icom IC-V8 يدوي فهل أقدر ابرمجه معاهم على نفس الشبكة والا لابد يكون موتورلا مثلهم؟؟>>>>> والله ما افهم بهالاجهزة نهائيا

السؤال الثاني

هل فعلا برمجته صعبة ؟؟ والا اقدر ابرمجه بسهوله؟؟

يعني اوديه لهم ويبرمجون لي على نفس الموجه؟؟

على فكرة اللي عطوني العلم هم مسعفين وماهم مختصين بالبرمجة

بس قالوا لي انه البرمجة صعبة وماهو اي جهاز يتشفر عليها




عذرووووووووني على الاطالة واني عطيتكم قصة حياتي

بس والله ابفهمكم الموضوع زين

وابي رد زين

واضح ومقنع


لأن الرجال اللي بشري منه الجهاز ينتظر ارد عليه يا اقوله شريت يا اقوله الله يرزقك





تكفوووووووووووووووووووووون



..........

[عاشق سفر]

وهذي صورته ياشباب

[عاشق الكنود_]

الصراحه الياسو 3000 معروف انه يفك بعض الشفرات
لكن 8000 مدري لكن لو لقيت واحد مبرمج يكون خويك صديقك راح يفك الشفره وببساطه
انا عندي ايكوم 2100 اقدر افك الشفره بس لازم افك قطعه فيه اسمه عندي لكن مدري وينه
تقبل خالص تحياتي

[عاشق سفر]

تكفون عطوني علم لاني الى الان ماعطيت الرجال اللي بشري منه الجهاز علم...

وين خبراء الاسلكي وين الكنترول وكل الشباب تكفوووووون عطوني علمه

[ابو فهد 2007]

أخوي تركي

الله يرزقك الإخلاص في القول والعمل ، ويجعل ما تقوم به من خدمة أخوانك المسلمين في موازين حسناتك .


أما عن موضوع البرمجة
فإذا الموضوع مثل ما قلت (( سماع فقط ))

فالأمر ما يحتاج برمجة وتشفير و غيرة ...

كل ما في الموضوع أنك تعرف رقم التردد اللي يعملون علية فقط ، مثلاً 159275 أو 168475 ....الخ وتروح له فقط.

لكن تأكد من التردد هل هو موجود بالجهاز الايكوم أم لا .
إذا كان ما بين 136000 ألى 174000 فينفع فيها الايكوم .

[نجران]

هل يعقل ها الكلام .

[العقاب]

اذا اردت ان تستمع مثل ما قالو بس خذ تردد الهلال الاحمر من الاجهزه الموجوده لديك بالدوام .. واستمع عن طريق جهاز يصل الى ترددهم ... وبس
اما عن الجهاز الذي تذكر .. اذا كان يمكن ان ياتي بالتردد فلا باس .. اما اذا ما يجيبه لا تشتريه
علما بان موصفاته هي
Tx 144–148MHz
Rx 136–174MHz*
*Guaranteed range 144–148MHz

للمزيد اضغط هنا
- اماااا اذا اردت الاسال في نفس التردد فناك كلام ثاني .. اول شي هذا ممنوع
- انك تدخل على اي تردد حكومي .. انت موضف على عيني وراسي وقت الدوام بس ..
- واخيرا يلزم رخصه لاستخدام الجهاز .

ارجو انك فهمت وجهت نظري

[نجران]

ياأخوان مالكم ومال المشاكل خلوكم على 144-146 وأظاهر أن هذا يكفي .

[بواردي الدلم]

اقول كنهم خربوها الشباب

[عبدالاله]

كذا تسوون بالرجال هذا جزاه انه بيفعل الخير يا ناس ردو عليه بالعلم الاكيد وبلاش من الكلام اللي ماله داعي .....

[ابو شهد جدة]

للبيع جهاز موتورولا Gb 340 . موجود بجدة..

ماعليك الا اخذ الجهاز وبرمجته بواسطه الكمبيوتر عن طريق ادارة العمليات لديكم بالهلال الاحمر.

[سحاااب تبوك]

عطيكم العافيه التردد الظاهر 146 150

[Yousif151]

اخ تركي
لاهنت جيب لي تردد المكتوب فالموتورولا عند الهلال الأحمر و انا اعطيك الحل
جزاك الله خير على التطوع و جعله في ميزان حسناتك

[احمد ناصر]

يا اخي العزيز تركي

هذا الجهاز Ic-8 تردده Vhf من 144 الى 148 وترددات الهلال الاحمر هي Uhf ولذلك لا انصحك بشراء الجهاز لمتابعة الهلال الاحمر.
لكن اذا اردت ان تشتريه لك خاص فانه جهاز جيد جيد في حدود المسافات القصيرة جدا بدون اريل خارجي.

[الاسكريم]

الله يجزاك خير