الكداد ( نبته ) ابي الفزعه بالعثور عليها ( للعلاج ) صورر

[*الـزيـن*]

والله ياربعي ادري انها اكثر شي باالشمال وانا من اهل حائل واعرفها زين واعرف شعيب شعيب وضلع ضلع وادري انها تتواجد بي كثره في المناطق الشماليه حائل وجبه وبقعاء هاذيك ديرتي محد يدلني عليها

لاكن المشوار فوق الف كيلو والله يعين

ماخليت مكان اليوم ومالقيت شي في الشرقيه وللأسف لا وجود لها

[*الـزيـن*]

السلام عليكم
اخوي الزين خذ هن نصيحه من واحدا مجرب عط الطير شراب الاطفال فلااجيل 5 ملي بعد نص ساعه
عشه يبي يتغير الطير عليك استمر ثلاث ايام

ياهلا وغلا


وعليكم السلام

باخذ في نصيحتك لاكن الكورس اخاف اعطيه كورس الاقلاع والشراب الي ذكرته ويختلفون مع بعض واخاف يظره

وهذا مايمنع اني اجرب

وراح اردلك خبر ان شاء الله

اذا عطيته واحد ملي اعطيه ماء ؟


والله يعطيك الف عافيه اخوي راعي الشلفاء




اخوك الزين

[*الـزيـن*]

لله يعينك أخوي الزين نصيحه أخذ من عند الدكتور فارس كورس ألتهاب عام و الطير أذا ماياكل

بعد ما تعطيه حبتين بساعتين أنشاء لله بياكل حتى لو شوي ولله يشفيه

هلا وغلا بالغالي

يالله حيه يابعدي اعلومك واعلوم الطيره ياجعل ربي يوفقك

وجعل ربي يعين الجميع

واليوم ابشرك الطير افتحت نفسه لاكن فخذ ولا كمله كله

والدكتور يابن الحلال ( خلها على الله ) ماغير يملي الكبسولات ولاندري وش فيها الطير من يوم عطيته الكورس وهو متغير على الف درجه مهو طيري الي اعرفه

وديته لم رجال تعرفه زين يامتصيقر الي اخر مره شفتك فيهاا

رحتله اليوم وقلتله كل شي عن الكورس الاقلاع

قال لا فيه لا اقلاع ولا شي وعطاني العلم المضبوط الي هو الطير ملتهب وهو امر عادي لاكن لا يتطور وعطاني الازم

اصلآ الدكتور فارس ماتطلع من عنده الا ولازم يعطيك كورس

يارجال تصدق يوم اروح افحص الطير لقيت فوق عشرين رجال

عشر من العشرين جايين يقولون الكورس خلص نبي نفحص

والعشر الثانين لحقت على نصهم وكلهم سرد كورسات يعطيهم

والله ياطيور عدتهاا ما شاء الله مافيها الا العافيه

ماغير الواحد مايطلع الا بكورس

وال ( صقار ) يخاف على طيره وهو فارس يدري ان الواحد طيره اغلى من بنته علشان كذا الدكتور يقول اي شي وال ( صقار ) ينفذ اي شي

انا ماابي ادخل بذمتي شي

الدكتور فارس عطاني اعلاج مو في محله وانا غاسل يدي من اول لاكن طيري وخفت عليه وقلت ياولد خل الحق ومن بعد الكورس وهو الله يخلف





ويعطيك الف عافيه اخوي متصيقر




اخوك الزين

[*الـزيـن*]

وعسى الله يشفى طيرك اخوي الزين..

والله يعينك ..

اخوك - المري

امين يارب

وجزاك الله الف خير

وجعل ربي يعين الجميع

وسررني مرورك يابومعيض





اخوك الزين

[*الـزيـن*]

تنبت في منطقتنا كثير

لكن ماتلاقيها الحين اخوي

هي موجودة وقت الربيع بعد الوسم

نبات على مدار السنه (من الشجيرات) تنبت في الفياض وفي الأراضي الصلبة والصخرية، ارتفاعها قرابة المتر وأوراقها صغيرة بيضاوية، وتتميز ثمارها بوجود انتفاخ كالبالون أبيض مصفر وبداخله النواة وهي ذات طعم حلو ولها أشواك طويلة وقوية ومدببة يصل طولها إلى 7 سم وتأكلها الإبل.



معلومه علميآ

[*الـزيـن*]

[*الـزيـن*]

هلا اخوي الشجره اللى بالصوره اسمها الغاقه
وجذورها لذيذة الطعم وتستخدم مساو يك وانا من
استخدمها العام كانت بكثره بالربيع غرب الرس
حوالين وادي الرمه وناحية قصر بن عقيل وضريه
كذلك قبل الرياض 40 كم شفتها وانت جاي من القصيم
اما القتاد غير ماينبت الا بالجبال وجبال طريق ينبع المدينه
وجبال الفقره مليانه منه000000 سلام

الله يعطيك العافيه وماقصرت

والي انت تقصده وتشوفه اسمه العوشز واذا جا الربيع يصير ثمرته أحمرشديد الحمرة مدوّر مأكول وطعمه مقبول واذا نضج صار لونه اسود داكن ولكن في هالصورة هذا كداد او قداد

[ابونشوان]

الله يشفيه .....

والله أخبر ذي النيته قد شفتها في اول معبر بعاريين وانت رايح للقصيم بعد التفتيشوو بعد صلبوخ..

[ريم البراري]

من المعروف ان ثمر هذا النبات يتساقط في شهر ابريل ولا يعود الى مع عودة الامطار والربيع

[أسامة]

تعال للرياض وتلقى اللي يملا لك تريلة بإذن الله
وبالتحديد منطقة رماح والرمحية بل ربما تلقاها في سعد يعني قبل الرياض بتسعين كيلو
وإذا جزمت علمني على الخاص
الله يوفقك ويشفي طيرك

[((الخالدي))]

انشالله اتحصل النبته يالزين

[النداوي1]

الزين مساك الله بالخير طمنا عن الطير عساه تعافا

أخوك / النداوي1

[*الـزيـن*]

من المعروف ان ثمر هذا النبات يتساقط في شهر ابريل ولا يعود الى مع عودة الامطار والربيع

اشكرك على المتابعه

لاكن والله الي اعرفه وبحثت عنه انها نبته صيفيه
لان بعض الناس مايحب تقول له لا هذا مو صحيح
لاكن ان دل على ردك دل على وحده فاهم ومستوعبه
يعطيك العافيه وترى النبته صيفيه يعني بالشتاء والصيف

ويمكن تقصدين وتشوفه اسمه العوشز واذا جا الربيع يصير ثمرته أحمرشديد الحمرة مدوّر مأكول وطعمه مقبول واذا نضج صار لونه اسود داكن ولكن في هالصورة هذا كداد او قداد

ونفس الشكل بس يختلف اذا جت الامطار ويبان العوشز بثمرته ويبان الكداد بعشبته الزايده والخضراء






اخوك الزين

[الكريزي]

هاه بشر يالزين علوم طيرك عساه تحسن

[*الـزيـن*]

هاه بشر يالزين علوم طيرك عساه تحسن

يعطيك العافيه

والله ياابن الحلال الطير نازله عدته

وعلى الله

ماخليت شي فيتامينات وكورسات واليوم رابع يوم

وعسى الله يشفيه