وكــــــ ( للبيـع ) ــــــري

[ماجد الهلالي]

السلام عليكم ورحمته الله وبركاته

الله يحي الجميع في موقع النشاما موقع ( مكشات )

هذي صور وكريه لواحد من الزملا مطروحه في الساحل عام 1427هـ ( فرخ ) والسنه هذي بكر

* حذفة المواسي قبل تقريبا في 6 رمضان

* الطول 15 ونصف والعرض 14 ونصف او كثر

* العلوم مجهوله ما شافت معنا اي شي بس الحمام . طيرانها حلو الحمام النشيط ما يروح عليها وترتفع في الطيران

* السوم ما سيمت وراعيها بياع

* ملاحظة السوم مع قيمه الربطه قيمه الربطه ( 1000 ) ريال وهي موجوده في الساحل الغربي املج

وهذي الصور

[ابو جلعود]

مشاء الله تبارك الله

لك حد فيها يالغالي...


وشكرا.

[ماجد الهلالي]

مالي حد فيها على السوم اخوي ابو جلعود

[أبو شلفى]

وين ساكن أخوي؟

والطير فيها صيحة؟

تكوش على العلف ولا لا؟

[ماجد الهلالي]

الشهر مبارك ابو شلفى انا ساكن في الرياض بس الطيره بالساحل الحين ولا فيها صيحه ولا تكوش على العلف وطبعا حلو بالمره ينقلها الطفل

[أخو وضحة]

عندي وانا الي بأسوم من غير قيمة الربطة 1500ريال بقيمة الربطة 1000 ريال

[القصيلي911]

2000 ريال اذا توصله قطر

[albasl]

1600والله يرزقك

[أخو وضحة]

1650 ريال وارسلي رقمك على الخاص
وشكرا

[amar]

الله يوفق البائع والشارى

[أبو شلفى]

الشهر مبارك ابو شلفى انا ساكن في الرياض بس الطيره بالساحل الحين ولا فيها صيحه ولا تكوش على العلف وطبعا حلو بالمره ينقلها الطفل

الله يبارك فيك.
أخوي قبل لا أسوم ممكن توصلها للدمام.

والله يوفقك.

[أخو وضحة]

وأزاود على نفسي 1700ريال وش قلت

[ماجد الهلالي]

السلام عليكم
اسف على التاخير
اخو وضحه انت والشباب الموجودين ما قصرتو بس توكم على قيمتها عليكم شوي

للستفسار ( 0551100535 ) ابو تركي

[((الخالدي))]

الله يوفق البايع والشارى

[ماجد الهلالي]

السلام عليكم

اخو وضحة يسوم الوكريه ( 3500 ) والربطه علينا = ( 2500 ) والربطه ( 1000 ) في الجوال

الي عنده زود يسوم تراني بياااااااااع

@ ارجو السوم عن طريق النت مو على الجوال لمعرفه الشباب اخر السومات * الجوال فقط للاستفسار وشكرا
اخوكم ابو تركي