عزم الباترول ضعيف وهبل بي وش الحل ؟

[فضلي]

السلام عليكم ورحمة الله وبركاتة

عزم الباترول ضعيف يا أخوان
ضعيف في القومة وضعيف في الرمل

يعني لما أوقف في الرمل وأعطيه الأول وأدعس دعسه قوية مايفحط يعني يمشي شوي ويطفي

حتى مع الدبل

علماً بأن موديل الجيب 97

ومادري وش الحل معه ياليت أهل الخبره يفيدوني مأجوريين

[فضلي]

أفيدونا سلمتم

[رجل كريم]

وعليكم السلام ورحمة الله وبركاته:

اخي الكريم /فضلي

اشياء كثيرة جدا تتسبب في ضعف عزم المحرك ومنها :
خلل عام في الكهرباء ويشمل الدينمو والكويل وتمديدات اخرى من غير المصنع كتركيب الملحقات
تماس كهربائي
الديلكو
البواجي واسلاكها
زيت الجير والفلتر
الكلتش
فلتر الهواء
فلتر البنزين
طرمبة البنزين والليات الخاصة به
البخاخ او الكربوريتور
تسرب في لي هواء الجير ..واشياء اخرى كثيرة ..

اذا كنت في الشرقية ان شاء الله اني اقدر اساعدك بايصالك الى ورشة ممتازة في عملها ..

تحياتي ..

[حاتم نجد]

ماقصرت ياداكار ماشاء الله قاموس

[.أبوعبدالرحمن]

وعليكم السلام ورحمة الله وبركاته



اتوقع والله اعلم ان الكلتش رايح فيها عندك


وما يمنع انك تسيك على اللي قالها اخوي داكار

[المزوحي]

وعليكم السلام ورحمة الله وبركاته:

اخي الكريم /فضلي

اشياء كثيرة جدا تتسبب في ضعف عزم المحرك ومنها :
خلل عام في الكهرباء ويشمل الدينمو والكويل وتمديدات اخرى من غير المصنع كتركيب الملحقات
تماس كهربائي
الديلكو
البواجي واسلاكها
زيت الجير والفلتر
الكلتش
فلتر الهواء
فلتر البنزين
طرمبة البنزين والليات الخاصة به
البخاخ او الكربوريتور
تسرب في لي هواء الجير ..واشياء اخرى كثيرة ..

اذا كنت في الشرقية ان شاء الله اني اقدر اساعدك بايصالك الى ورشة ممتازة في عملها ..

تحياتي ..

اخوي داكار مساك الله بلخير انت والاخوان

ابي اسم الورشه الله لايهينك وانا من الدمام

معى بترول وعندي مشكله ولا عينت الورشه الصاحيه

اخوك المزوحي

[رجل كريم]

اخوي داكار مساك الله بلخير انت والاخوان

ابي اسم الورشه الله لايهينك وانا من الدمام

معى بترول وعندي مشكله ولا عينت الورشه الصاحيه

اخوك المزوحي

الله يمسيك بالرضا والسرور ..

اخوي ارسلت لك جوالي على الخاص وان شاء الله ينحل موضوعك ..

تحياتي ..

[فضلي]

أخوي داكار بيض الله وجهك

أبو عبد الرحمن فعلاً الكلتش منتهي عندي هل يعني هذا السبب

[.أبوعبدالرحمن]

اذا الكلتش عندك تعبان

فأكيد هذا السبب 100%

[بيرتا]

انصحك قبل تغيير الكلتش اوزنه عند ميكانيكي لانه

يمكن يبي وزن من دون تغيير

[جال النفود]

يآ جمآعة الربع عندي نف المشكلة

وكآن فيه قطع في لي يخرج من تحت القير ومآ آدري وين يروح له ..

طيب هل يكون السبب من اللي هذآ مع العلم آني آتوقع آن فيه مشكلة في طرمبة البنزين وآتومآتيك المروحة


مع العلم آن موتري بخآخ 98

والله آنه مضيق صدري .

تكفون يالربع . دآخل على الله ثم عليكم .

[hadaj]

أنا موتري 96باترول سلق وتصير معي كل بعد ثلاثة اشهر يطيح عزم الموتر واغير بواجي وبليتين وبعدها ولله الحمد يسلك معي بدون مشاكل. تحياتي

[لن أمل من العطاء]

يآ جمآعة الربع عندي نف المشكلة

وكآن فيه قطع في لي يخرج من تحت القير ومآ آدري وين يروح له ..

طيب هل يكون السبب من اللي هذآ مع العلم آني آتوقع آن فيه مشكلة في طرمبة البنزين وآتومآتيك المروحة


مع العلم آن موتري بخآخ 98

والله آنه مضيق صدري .

تكفون يالربع . دآخل على الله ثم عليكم .

أنا موتري 96باترول سلق وتصير معي كل بعد ثلاثة اشهر يطيح عزم الموتر واغير بواجي وبليتين وبعدها ولله الحمد يسلك معي بدون مشاكل. تحياتي

ترى الموضوع من العام 2007

وجلست اطالع الردود والشكر موصول للاخ دكار من هو دكار ؟ اكتشفت ان الاخ رجل كريم قد غير اسمه

بس لامانع من هذي الاشياء

[rayes3]

اخوي جال النفود السلام عليكم

نفس مشكلتك صارت لي والنهايه توقف طرمبة البنزين بشكل نهائي طبعا مقدمة الخراب ضعف في العزم وتقطيع بعد سرعة 120 في البرد بعد تشغيل السيارة تفتفه حتى تسخن
شيك على الكهرباء والكويل وصفاية البنزين اذا ماتغير شئ الله يعينك على طرمبة البنزين

والله يحفظك

[خشف.]

أنا عندي باترول 97 بخاخ تميت مايقارب 6شهور الموتر مايمشي حده 150
وفي البر ماهنا عزم غيرت بواجي واسلاك وصفايه ووزنة ديلكو مسدس والقطع كلها اصلية
من الوكاله وجات فتره الموتر يفقع فيها وغيرة بواجي مره ثانيه وراحت ومازال الموتر
على ماهو وجى ذاك اليوم ورحةالصناعية وشيكة كمبيوتر وقال الطرمبة ضعيفة
وجبتلة طرمبة من الوكالة وركبها والله حمد الله صار طيارة والموتر قير عادي