اصحاب الباث فايندر لاتبخلون علينا لو سمحتو

[بواردي الدلم]

السلام عليكم ورحمه الله وبركاته


اخواني ال باثفايندر

الصراحه موتري 2005 بس اذا وطيت على عيون القطط ولا مشيت في رادميه احس ان موتري موديل 81

ادري البلا من الكفرات بريدج ستون دولار لاكن هواها 30


الزبده انا ابغيرها وافكر بالميشلان لانها زينه وقويه والين من البريدج ستون شد البلد


لاكن هل فيه احد منكم غيرها ولقى فرق واضح من ناحيه القربعه


ولا فيه افضل من الميشلان

وهل فيه سومو تومو اللي هي الشاهين مقاس 17


ارجو الرد وعدم التطنيش لان وراي حول 2400 ريال راح اقطها في طقم كفرات


والفايده راح تعم الجميع لاكن امنعونا من طاري الكفرات اللي تنفجر فجئه

[عبدالرحمن السالم]

لو تبحث بالمنتدي راح تشوف مواضيع كثيره تكلمو فيها الشباب عن الكفرات انا من رأيي الشخصي دنللوب وريح راسك زينه بالنفود وحتى البر ولايهمك يقولون انه لينه وتشقق بالبر ماعليك هذا انا مركبه ومهنا بر مارحت له ولا فيها شى ابد اذا تبي تركب زي مقاس الوكاله ركب يوكوهاما 245/65/17 اذا نبي تركب اعرض ركب مقاس 265/65/17 طبعاً الدنللوب مايجي مثل مقاس الوكاله

وعسى الله يوفقك يارب

[عبدالرحمن السالم]

للافادة

http://www.mekshat.com/vb/showthread.php?p=356462

http://www.mekshat.com/vb/showthread.php?t=90409

http://www.mekshat.com/vb/showthread.php?t=76887

[جريح الخطاوي]

شــوف امــا من ناحية (( عيون القط )) ...وموديل 81..كلنا نعاني من نفس المشكلة....تصـــدق انا بعض المرات اشك اني راكــب باثفيندر2001..بس عاد شالســـوات...اللــه يعيــن...تصــدق واللــه اني مركــب كفــرات امريكيــه مــدري ايش اسمهــا..المهم اخذت الــواحد..ب550 تقريبا..يعني الاربــع..بــ 2200ريال...ولا حولك احــد...واللــه ياعيــون القط..اذا شفتها معترضه الخــط..اهــدي عنها..وبعض المرات اطلع برا الخط..يعنــي..والله اخرتها (( بعامود انارة ))....تكفى اذا لقيت حل خبــرنــا....بس بقــولك شــي..انتبــه (( للمقصــات )) ..وشيك عليهــا....وطبعاً جلد المقصــات. (( ترا ما في جلد مقصات تباع لحالها))..يعني لازم تاخذلك مقص كامل..

[.أبوعبدالرحمن]

وانا اخوك اشوف اخوي دحيم ما قصر وقال كلام حلو



والله يوفقك

[بواسامه]

سجل هذه من عيوب الباث
طبعا الصوت القوي من الخلفي اذا وطيته عيون القطط
وكنت جدا متضايق منها قبلك ياولد الديره
بس بعنا وافتكينا

[برنو بيشة]

أخوي أنا ماجربت غير البرجستون من شريت موتري ولكن كثير من الشباب مدح المشلان وهو أفضل بكثير من الشاهين ومن البرجستن من ناحية الليونه والجوده والله يعينك على سعره بعد

أرجو أني أفدتك وتقبل مروري

[عبدالرحمن السالم]

شف هذا الموضوع

http://www.mekshat.com/vb/showthread.php?t=40536

ياجماعه الميشلان قاسي قاسي انا واحد من اخوياي مجربه قاسي مره وانتم بكيفكم

[salehhd]

السلام عليكم

انا ركبت ميشلان قبل شهر وشوي اخذت الواحد ب540 ريال
بصراحة ماحسيت بفرك كبير صحيح انها الين شوي من البرجستون لاكن لازالت قاسية
ميزتها ان عمرها طويل يعني 3 الى 4 سنوات ان شاء الله من غير مشاكل
وشكلها على السيارة روعة

[همس الشمال]

والله ياطويل العمر اخوك ركب كفرات من نوع امريكي لقيتها عند الجفالي وكيل ميشلان بالدمام اسمها (قدرش) نفس مقاس الوكاله اربع كفرات بسعر 2100ريال قبل شهرين الحقيقه بعد التجربه كفرات ممتازه بالبر والسفلت احطبها هواء 35 بالسفلت وبالنفود 15 كفرات لينه على الطريق

هذا تجربتي ولكم تحياتي

[ابوعبدالله220]

كنت محتار مثلك وتوكلت على الله ورحت للغرابي
وركبت يوكوهاما أرفع وأعرض من حق الوكاله
من ايام الهايلكس ما تعديت اليوكوهاما واغيرها كل 4 سنوات

ركبتها في اول يوم في رمضان وسعرها 390 للكفر
وسعر البرجستون 540 والدنلوب 450 والميشلان 580