لاتبخلون علي !!!!

[الباهي]

كيف الحال يا الريع عساكم بخير
انا نهايه الشهر مسافر بأذن الله الى لندن

وابي منكم اللي يعرف محلات متخصصه ببيع ادوات الصيد

والبنادق يعلمنا عنها ويعطيني اسم المحل وموقعه

بس بشرط ان المحلات اللي ابيها

تكون كبيره وعلى مستوى يعني اذا دخلت

المحل تحتار وش تبي تشتري

من البضاعه المعروضه يعني ابي احصل كل مايطري

على بالي بمحل على مستوى

لاني قبل سنه رحت وما حصلت الا كم محل صغير ولا هوب شي

يعني ما عندهم سالفه اللي يعرف له محل يفي بالغرض

ارجو انه ما يبخل علي ويبشر بالهديه اذا رجعت

اخوكم الباهي

[/COLOR][/ALIGN]

[الأشهـــــب]

أخوي الباهي .
حياك الله يالغالي ، مع تمنياتي لك بسفر مفيد .
يالغالي ..... مالك إلا من يسأل لك عن مطلوبك ، وإن لقيت من يعطيني خبر رديت عليك على طول وابشر بسعدك .

وتقبل تحياتي ،،،،،،،،،،،،،،،،،،،،،

[الخبير]

السلام عليكم
إلي يسأل ما يضيع

أعتقد إن أفضل طريقة وهي إلي أسويها دايم، إني إذا وصلت للمطار أنصى محل الجرايد و اسأل عن أشهر مجلة تختص بهذي الأمور و تصدر في نفس البلد، و أنت تتصفح المجلة تبي تلقى دعايات و عناوين لأفضل المحلات.

[الباهي]

الغالي الاشهب

تسلم اخوي وان شاء الله نتوفق بالسفره

وما قصرت اخوي وانا بأنتظارك

الغالي الخبير

مشكور على النصيحه لكن مأعتقد اني

بحصل اعلان لاني اول سفره

عجزت ادور اعلان مالقيت

بأنتظار من لديه معرفه

وتقبلو تحياتي

الباهي

[فرد حمزة]

ودي والله أخدمك

لكن الحال من بعضه

[الباهي]

الغالي فرد حمزه

مشكور على شعورك وانشاء الله نخدمك بالافراح

[فرد حمزة]

الباهي

ابشرك أن شاء الله أني أبي أخدمك

فطنت معي واحد بالماسنجر بعثه بلندن ورجال راعي بر وقنوص ورجال شروى الطيبين

لكن من انقطعت عن النت الفترة السابقة وأنا ما شفته

غديني ألقاه وأبي أرسله بريد أطمئن على حاله وأنشده لك

لعلها تجي على ما نشتهي



تحياتي لك

أخوك

فرد حمزة

[الباهي]

تسلم وهذا العشم فيك

وانا بأنتظارك

[فرد حمزة]

أرسلت له بريد في أمل أن يرد عليه

[الباهي]

[فرد حمزة]

شيكت الليله على البريد ما رد

غدي باتسر يرد أن شاء الله

والأمل بالله

[الباهي]

سلمت يالغالي فردحمزه

انشاء الله انه يرد حتى لو انه ماحصل يكفي تعبك معي ومتابعتك المستمره

وجهدك الرائع معي والله انك ماقصرت والظاهر اني تعبتك

معي لكن تحملني حبتين

ومشكور يالغالي مقدما

اخوك الباهي

[فرد حمزة]

الله مير يسلمك

حق وواجب وأنا أخوك خدمة الطيبين شرواك

تراني شيكت بعد الليله ولا رد الرجال

الله يستر قارصني قلبي عليه

وعلى طاري تراه واحد من ربعنا بالمنتدى أسمه NIGHT STAR

الله يجعله يرد ونطمئن عليه

[الباهي]

يا الربع مافيه احد عنده خبر

لاني مسافر يوم السبت هذا يعني باقي اربعه ايام

وما أحد عطاني علم تكفون لا تخلوني كذا

[فرد حمزة]

الباهي

حتى الليله شيكت ولا رد

والله أني منحرج منك

بس فززتك ولا نجزتك

أن شاء الله يرد قبل يوم السبت ...

الله كريم